The Phnom Penh Post Search

Search form




Logo of Phnom Penh Post newspaper Phnom Penh Post - DB Schenker បើក​ទីស្នាក់ការ​នៅ​កម្ពុជា

DB Schenker បើក​ទីស្នាក់ការ​នៅ​កម្ពុជា

មជ្ឈមណ្ឌល​ផ្តល់​សេវាកម្ម​របស់ DB Schenker នៅ​អឺរ៉ុប។
មជ្ឈមណ្ឌល​ផ្តល់​សេវាកម្ម​របស់ DB Schenker នៅ​អឺរ៉ុប។ រូបថត សហការី

DB Schenker បើក​ទីស្នាក់ការ​នៅ​កម្ពុជា

ភ្នំពេញ: ក្នុង​ដំណើរការ​វិវឌ្ឍន៍​រីក​ចម្រើន​ដ៏​រឹងមាំ​របស់​ខ្លួន​ក្រុម​ហ៊ុន DB Schenker (Cambodia) Limited ដែល​ផ្តល់​សេវាកម្ម​ផ្នែក​ដឹក​ជញ្ជូន​ទូទៅ​បាន​បោះ​ជំហាន​របស់​ខ្លួន​ឆ្ពោះ​ចូល​ឈរ​ជើង​នៅ​ក្នុង​ប្រទេស​កម្ពុជា ដើម្បី​ផ្តល់​សេវាកម្ម​របស់​ខ្លួន​ឆ្លើយ​តប​ទៅ​នឹង​ការ​អភិវឌ្ឍ​នៅ​កម្ពុជា។

ចាប់​តាំង​ពី ថ្ងៃទី១ ខែ​មករា ឆ្នាំ​២០១៥ កន្លង​មក ក្រុមហ៊ុន​នេះ​បាន​បើក​ទីស្នាក់ការ​ដំបូង​របស់​ខ្លួន​នៅ​ទីក្រុង​ភ្នំពេញ ដើម្បី​ផ្តល់​សេវាកម្ម​យ៉ាង​ពេញ​ទំហឹង​ដល់​អតិថិជន​នៅ​ទីនេះ ដោយ DB Schenker ធ្វើ​កិច្ច​សហ​ប្រតិបត្តិការ​ជាពិសេស​ជាមួយ​ដៃគូ SGL (Cambodia) Ltd.។

«យើង​មាន​សេចក្តី​រីក​រាយ​ក្នុង​ការ​ប្រកាស​ជូន​ដំណឹង​ដល់​ក្រុម​សហការី​ទាំង​អស់​ដែល​ពួកគេ​គឺជា​ក្រុម​ទទួល​បាន​ជោគជ័យ​ក្នុង​ការ​បំពេញ​ភារកិច្ច​របស់​ខ្លួន​ហើយ​វា​ឆ្លើយ​តប​ទៅ នឹង​ការ​ទាមទារ​របស់​អតិថិជន​របស់​ក្រុមហ៊ុន DB Schenker (ឌីប៊ី សេងឃើរ៍) នៅ​ក្នុង​ប្រទេស​កម្ពុជា។ ក្រុម​សហការី​ទាំង​នេះ​នឹង​បន្ត​ជោគជ័យ​របស់​ខ្លួន​ដដែល​ដូច​អ្វី​ដែល​ខ្លួន​បាន​បំពេញ​ភារកិច្ច និង​ផ្តល់​សេវាកម្ម​ដើម្បី​ឲ្យ​ប្រាកដ​ថា វា​ពុំ​មាន អ្វី​ប្រែ​ប្រួល​នៅ​ក្នុង​កិច្ច​ដំណើរការ​ស្ថិត​នៅ​ក្រោម​សហ​ភាគី​ភ្នាក់ងារ ដែលជា​អាជីវកម្ម​ផ្តាច់​មុខ​របស់​អង្គភាព DB Schenker នៅ​ក្នុង​ប្រទេស​កម្ពុជា»។ នេះ​បើ​តាម​ប្រសាសន៍​របស់​លោក Philip Law អតីត​នាយក​គ្រប់​គ្រង​ទូទៅ​ប្រចាំ​ប្រទេស​កម្ពុជា​របស់ SGL (Cambodia) Ltd. និង​បច្ចុប្បន្ន​ជា​គឺជា​នាយក​គ្រប់​គ្រង​ប្រចាំ​ប្រទេស​នៃ​ក្រុមហ៊ុន DB Schenker (Cambodia) Ltd.។

ការិយាល័យ​សហ​ប្រតិបត្តិ​ការ​ថ្មី​របស់​យើង គឺ​ស្ថិត​នៅ​ឯ​ជាន់ ទី៨ អគារ លេខ​៨៦ ផ្លូវ​លេខ ៣៨៨ សង្កាត់​ទួល​ស្វាយ ព្រៃ​២ ខណ្ឌ​ចំការមន រាជធានី​ភ្នំពេញ ព្រះ​រាជា​ណាចក្រ​កម្ពុជា។ អាសយដ្ឋាន​ថ្មី​នេះ គឺ គន្លឹះ​នៃ​ដំណើរ​ការ​អាជីវកម្ម របស់​សហការី DB Schenker នៅ​ក្នុង​ប្រទេស​កម្ពុជា។

«ចាប់​តាំង​ពី​ពេល​ដំបូង​ដែល​ក្រុមហ៊ុន DB Schenker ចាប់​ផ្តើម​បង្កើត​ឲ្យ​មាន​តំណាង​របស់​ខ្លួន​នៅ​ក្នុង​ប្រទេស​កម្ពុជា តាម​រយៈ​កិច្ច​សហ​ប្រតិបត្តិ​ការ​ជាមួយ​ដៃគូ​នៅ​ក្នុង​ស្រុក​ដ៏​មាន​សក្តានុពល​ដែល​បាន​បដិសន្ធិ​តាំង​ពី ឆ្នាំ​១៩៩៦ មក​នោះ។ យើង​ទទួល​បាន​ជោគ​ជ័យ​ក្នុង​ការ​ផ្តល់​សេវាកម្ម​ចុះ​បញ្ជិកា និង​ដឹក​ជញ្ជូន ដែល​ជា​តម្រូវការ​ខ្ពស់​ចាំបាច់​ក្នុង​វិស័យ​ឧស្សាហ​កម្ម ការ​លក់​រាយ គ្រឿង​អេឡិច​ត្រូនិក និង​សម្ភារ​ផ្សេង​ទៀត នៃ​តម្រូវ​ការ​ចាំ​បាច់​នៅ​ក្នុង​ទីផ្សារ»។ នេះ​បើ​តាម​ប្រសាសន៍​របស់​លោក Juergen Braunchach នាយក​ប្រតិបត្តិ​នៃ​ក្រុមហ៊ុន DB Schenker (Cambodia)។

«ការ​វិវត្ត​នៃ​ការ​បង្កើត DB Schenker (Cambodia) Limited គឺជា​មូលដ្ឋាន​ដ៏​រឹងមាំ​នៅ​ក្នុង​គោលដៅ​របស់​ក្រុមហ៊ុន​ឆ្ពោះ​ទៅ​ធ្វើ​ការ​វិនិយោគ​នៅ​ក្នុង​ទីផ្សារ​កម្ពុជា​ដែល​កំពុង​តែ​បន្ត​អភិវឌ្ឍ​ប្រកប​ដោយ​សន្ទុះ​កំណើន​ជា​សារវន្ត​នា​ប៉ុន្មាន​ឆ្នាំ​ខាង​មុខ​នេះ នៅ​ក្នុង​តំបន់​អាស៊ី​ប៉ាស៊ីហ្វិក ក៏ដូច​ជា​នៅ​ក្នុង​ចរន្ត​សេដ្ឋកិច្ច​របស់​ពិភពលោក»។ នេះ​បើ​តាម​ការ​បញ្ជាក់​របស់​លោក Braunbach។

ក្រុម​ហ៊ុន DB Schenker (Cambodia) Limited ទទួល​បាន​អាជ្ញាប័ណ្ណ អាជីវកម្ម​ផ្នែក​បញ្ជិកា និង​ដឹក​ជញ្ជូន​ដែល​ក្នុង​នោះ​រួម​ទាំង​ការ​ដឹក​ជញ្ជូន​ដោយ​ត្រង់​តាម​ផ្លូវ​អាកាស និង​ផ្លូវ​សមុទ្រ ការ​ដឹក​ជញ្ជូន​តាម​ផ្លូវ​គោក និង​ការ​ចុះ​កិច្ចសន្យា​បញ្ជិកា​ជាដើម។ ទាំង​នោះ គឺជា​ផ្នែក​មួយ​នៃ​អាជីវកម្ម​របស់​បណ្តាញ DB Schenker (Cambodia) Limited នៅ​ទូទាំង​ពិភពលោក ដែល​បាន​ផ្តល់​សេវាកម្ម​ដ៏​មាន​ប្រសិទ្ធ​ភាព​នៅ​ក្នុង​ចំណោម​ក្រុមហ៊ុន​មាន​កេរ្តិ៍​ឈ្មោះ​ល្បី​ល្បាញ​ទាំង​ឡាយ​នៅ​ទូទាំង​ពិភពលោក ក្នុង​នោះ​ក៏​មាន​ការ​ផ្តល់​សេវាកម្ម​ដឹក​ជញ្ជូន​នៅ​ក្នុង​ស្រុក​សម្រាប់​ក្រុមហ៊ុន​លក់​រាយ​មួយ​ចំនួន​ដូចជា​គ្រឿង​អេឡិច​ត្រូនិក ទំនិញ​ទូទៅ យានយន្ត និង​សម្ភារ​ផ្សេងៗ​ទៀត។

អំពី​ក្រុមហ៊ុន DB Schenker:

ក្រុម​ហ៊ុន DB Schenker គឺជា​ក្រុមហ៊ុន​ផ្តល់​សេវាកម្ម​ចុះ​បញ្ជិកា និង​ដឹក​ជញ្ជូន​ដ៏​រស់​រវើក​របស់ Deutsche Bahn (DB)។ ដោយ​រួម​បញ្ជូល ទាំង​ផ្នែក​ដឹក​ជញ្ជូន និង​ចុះ​បញ្ជិកា DB គឺជា​ក្រុមហ៊ុន​ដែល​មាន​ភាព​ឈាន​មុខ​នៅ​ទូទាំង​ពិភពលោក​ផ្នែក​សេវាកម្ម​ដឹក​ជញ្ជូន​ត្រង់​តាម​ផ្លូវ​អាកាស និង​ផ្លូវ​សមុទ្រ ការ​ដឹក​ជញ្ជូន​នៅ​លើ​ដី​ទូទាំង​ទ្វីប​អឺរ៉ុប និង​ក៏​មាន​ផ្តល់​សេវាកម្ម ដឹក​ជញ្ជូន​ត្រង់​តាម​ផ្លូវ​ដែក ដែល​គ្រប​ដណ្តប់​ទីផ្សារ​ដ៏ធំ នៅ​ទ្វីប​អឺរ៉ុប ផង​ដែរ៕

អត្ថបទគួរចាប់អារម្មណ៍