ទីក្រុងប៉េកាំងៈ តួលេខផ្លូវការបានបង្ហាញនៅថ្ងៃអង្គារឱ្យដឹងថា វិស័យអចលនទ្រព្យ និងការសាងសង់របស់ប្រទេសបានធ្លាក់ចុះក្នុងត្រីមាសទី ៣ ជាលើកដំបូងចាប់តាំងពីមានការរីករាលដាលកូវីដ ១៩ ពេលដែលវិស័យនេះប្រឈមសម្ពាធកើនឡើងពីការបង្ក្រាបកាន់តែធំឡើងលើឧស្សាហកម្មអចលនទ្រព្យកំពុងអាប់អួររបស់ប្រទេសនេះ។
តួលេខត្រូវបានផ្សព្វផ្សាយចេញ ១ ថ្ងៃបន្ទាប់តួលេខបង្ហាញថា សេដ្ឋកិច្ចធំបំផុតក្នុងពិភពលោក កើតឡើងយឺតជាងការព្យាករក្នុងរយៈពេលដូចគ្នា ដោយសារការរឹតបន្តឹងបញ្ញត្តិព្រមទាំងវិបត្តិថាមពល។
ការិយាល័យស្ថិតិជាតិបានលើកឡើងក្នុងរបាយការណ៍ដោយបែងចែកផលិតផលក្នុងស្រុកសរុប (GDP) ផលិតផលអចលនទ្រព្យបានធ្លាក់ចុះ ១,៦ ភាគរយក្នុងត្រីមាសទី ៣ ឆ្នាំនេះធៀបរយៈពេលដូចគ្នានៃឆ្នាំមុន។
របាយការណ៍បង្ហាញពីការធ្លាក់ចុះលើកដំបូងចាប់តាំងពីត្រីមាសទីមួយឆ្នាំ ២០២០ ពេលដែលការផ្ទុះឡើងកូវីដ ១៩ នៅចិននៅចំណុចខ្ពស់បំផុត ហើយស្ទុះងើបឡើងវិញពីកំណើន ៧,១ ភាគរយក្នុងត្រីមាសបន្ទាប់នៃឆ្នាំនោះ។
របាយការណ៍បានឱ្យដឹងថា នៅពេលជាមួយគ្នានោះ ទិន្នផលពីការសាងសង់ធ្លាក់ចុះ ១,៨ ភាគរយដែលក៏បានបង្ហាញនូវការធ្លាក់ចុះលើកដំបូងចាប់តាំងពីត្រីមាសដំបូងនៃឆ្នាំមុន។
យោងតាមទិន្នន័យលើកឡើងដោយ Bloomberg News មុនការរីករាលដាល វិស័យសំណង់របស់ប្រទេសចិនមិនដែលធ្លាក់ចុះនោះទេ ចាប់តាំងពីឆ្នាំ ១៩៩២ ពេលដែលទិន្នន័យត្រូវបានគេចាប់ផ្តើមចងក្រង។
អចលនទ្រព្យ និងការសាងសង់ជាសសរស្តមនៃសេដ្ឋកិច្ចចិន ដែលធ្វើជាគ្រឹះសម្រាប់វិស័យផ្សេងៗទៀត ដូចជា សម្ភារប្រើប្រាស់ និងការតុបតែងលម្អ។
ប៉ុន្តែវិស័យនេះរងការវាយប្រហារពេលដែលទីក្រុងប៉េកាំងរៀបចំបទបញ្ញត្តិរឹតត្បិតលើវិស័យអចលនទ្រព្យ រួមទាំងច្បាប់រឹតបន្តឹងការផ្តល់ប្រាក់កម្ចី។
ការសម្រេចនេះធ្វើឱ្យប៉ះដល់ការរអិលចូលទៅក្នុងវិបត្តិបំណុលតម្លៃ ៣០០ ពាន់លានដុល្លារនៅក្រុមហ៊ុន Evergrande របស់ប្រទេសចិន ដែលជាក្រុមហ៊ុនអភិវឌ្ឍន៍អចលនទ្រព្យធំបំផុតរបស់ជាតិ ដែលវាយដំសតិអារម្មណ៍អ្នកវិនិយោគិន និងបង្កើនការភ័យខ្លាចនៃការរីករាលដាលទៅក្នុងសេដ្ឋកិច្ចកាន់តែធំជាងនេះ។
ធនាគារកណ្តាលចិនបាននិយាយថា ហានិភ័យនៃជាប់បន្តគ្នាអាចគ្រប់គ្រងបានហើយ Evergrande នឹងអាចបន្តគម្រោងដែលមិនទាន់បញ្ចប់បាន៕ RR