The Phnom Penh Post Search

Search form




Logo of Phnom Penh Post newspaper Phnom Penh Post - STC ជួយ​ពង្រឹង​វិស័យ​ទេសចរណ៍​ក្នុង​ខេត្ត​សៀមរាប

STC ជួយ​ពង្រឹង​វិស័យ​ទេសចរណ៍​ក្នុង​ខេត្ត​សៀមរាប

Content image - Phnom Penh Post
ប្រាសាទ​អង្គរវត្ដ​ដែល​ជា​បេតិកភណ្ឌ​ពិភពលោក​បាន​ទាក់ទាញ​ភ្ញៀវទេសចរ​រាប់លាន​នាក់​ជា​រៀងរាល់​ឆ្នាំ​។

STC ជួយ​ពង្រឹង​វិស័យ​ទេសចរណ៍​ក្នុង​ខេត្ត​សៀមរាប

ចាប់​តាំងពី​បាន​បង្កើតឡើង​កាលពី​ខែ​មេសា​ឆ្នាំ​ ២០១៩ ក្លិប​ទេសចរណ៍​សៀមរាប (STC) បាន​ដាក់​ចេញ​នូវ​ការប្តេជ្ញាចិត្ត​យ៉ាង​មុតមាំ និង​ប្រកប​ដោយ​តម្លាភាព​នៅក្នុង​បេសកកម្ម​របស់​ខ្លួន​ក្នុង​ការលើក​កម្ពស់ និង​ជំរុញ​កំណើន​វិស័យ​ទេសចរណ៍​នៅក្នុង​ខេត្ត​សៀមរាប​។

ក្លិប​ទេសចរណ៍​មួយ​នេះ​មាន​ចក្ខុវិស័យ​ច្បាស់លាស់​ក្នុង​ការជួយ​អភិវឌ្ឍ​តំបន់​ទេសចរណ៍​ក្នុង​ខេត្ត​សៀមរាប និង​ប្រាសាទ​អង្គរវត្ត​ឲ្យ​មាន​និរន្តរភាព​ជា​កន្លែង​ទេសចរណ៍​ពេញនិយម​បំផុត​នៅក្នុង​ពិភពលោក​។

តាមរយៈ​ការប្រមូល​ផ្តុំ​មេដឹកនាំ​ធុរកិច្ច និង​សហគមន៍​រួមគ្នា​បង្កើត​បាន​ជា​សំឡេង និង​បេះដូង​រួម​គ្នា​តែ​មួយ​នៅក្នុង​ឧស្សាហកម្ម​មួយ​នេះ ក្លិប STC ផ្តោតលើ​ការកសាង​សហគមន៍​ដើម្បី​សម្រេច​បាន​នូវ​គោលដៅ​នៃ​កំណើន​សេដ្ឋកិច្ច​ប្រកប​ដោយ​ចីរភាព​នៅក្នុង​ខេត្ត​។ ​កិច្ចប្រឹងប្រែង​នេះ​ត្រូវ​បាន​អនុវត្ត​ដោយ​ផ្នែក​តាមរយៈ​ការផ្តល់​ការអប់រំ​ និង​បណ្តុះបណ្តាល​ដល់​ប្រជាពលរដ្ឋ​កម្ពុជា​។

STC បាន​រៀបចំ​ព្រឹត្តិការណ៍​បណ្តាញ​ប្រចាំខែ​ និង​ព្រឹត្តិការណ៍​ដែល​ទើបតែ​បញ្ចប់​កាលពី​ពេល​ថ្មីៗ​នេះ​គឺ​កិច្ចសន្ទនា​ពាណិជ្ជកម្ម​ និង​បណ្តាញ STC (Business Dialogue & STC Networking) ។

ចំណុច​សំខាន់​មួយ​នៃ​ព្រឹត្តិការណ៍​នេះ​គឺ​បទបង្ហាញ​ស្តីពី​ការបំផុស​គំនិត​ និង​ផ្តល់ព័ត៌មាន​ដែល​ធ្វើ​បទបង្ហាញ​ដោយ​មេដឹកនាំ​ធុរកិច្ច​ជាន់ខ្ពស់​មកពី​ប្រទេស​កម្ពុជា និង​វិនិយោគិន​ដ៏មាន​សក្តានុពល​មកពី​ប្រទេស​សិង្ហបុរី​។

Content image - Phnom Penh Post
លោក Philip Kao ប្រធាន​ក្លិប STC ។

ក្នុង​នោះ​សណ្ឋាគារ Memoire Hotels & Resorts (MHR) ក៏​ជា​សមាជិក​មួយ​របស់​ក្លិប STC ផង​ដែរ ដែល​បាន​និង​កំពុង​ដើរតួនាទី​យ៉ាង​សកម្ម​នៅក្នុង​ក្លិប​ទេសចរណ៍​មួយ​នេះ​។ ដោយ​ត្រូវ​បាន​បង្កើតឡើង​ដោយ​អតីត​អ្នកជំនាញ​ផ្នែក​បដិសណ្ឋារកិច្ច​លោក Philip Kao ក៏​ជា​ប្រធាន​ក្លិប STC ផង​ដែរ​។ សណ្ឋាគារ MHR គឺជា​ជម្រើស​កន្លែង​ស្នាក់នៅ​សម្រាប់​អ្នក​ចង់​ទទួល​បទពិសោធ​នៃ​ការធ្វើដំណើរ​ដ៏ល្អ​បំផុត​របស់​ពួកគេ​។

សណ្ឋាគារ MHR នាំមក​នូវ​បទពិសោធ​ដ៏អស្ទារ្យ​សម្រាប់​អ្នក​ស្នាក់​ជាមួយ​នឹង​សេវាកម្ម​ល្អ​ឥតខ្ចោះ​ដែល​ផ្តល់​ដោយ​អ្នកជំនាញ​ក្នុង​ស្រុក​។ ការផ្តល់​ជួន​នេះ​គឺ​ដើម្បី​ធានា​ថា អ្នកដំណើរ​ទាំងអស់​មុន​ពេល​ចាកចេញ​ពី​ទឹកដី​ខេត្ត​សៀមរាប ពួកគាត់​នឹង​មាន​អនុស្សាវរីយ៍​ដ៏រីករាយ និង​មាន​អត្ថន័យ​ដែល​មិន​អាច​បំភ្លេច​បាន​។

ចំពោះ​ការរចនា​ទាំង​ផ្នែក​ខាងក្នុង និង​ខាងក្រៅ​សណ្ឋាគារ Memoire Hotels & Resorts ត្រូវ​បាន​រចនា​ឡើង​ប្រកប​ដោយ​ប្រណីតភាព​នៃ​សិល្បៈ​ខ្មែរ​។

ដោយ​ទទួល​បាន​ការបំផុស​គំនិត​ពី​ប្រាសាទអង្គរវត្ត​ដ៏អស្ទារ្យ​ដែល​ជា​បេតិកភណ្ឌ​ពិភពលោក​នោះ​សណ្ឋាគារ MHR ត្រូវ​បាន​រចនា​ឡើង​ប្រកប​ដោយ​ភាពរស់រវើក​ និង​ប្រណីត​បំផុត​ដែល​កំពុង​ក្លាយ​ជា​សណ្ឋាគារ​នាំ​មុខ​គេ​មួយ​នៅ​លើ​ទីផ្សារ​ទាំង​ក្នុង​ប្រទេស និង​ក្នុង​តំបន់​។

ដើម្បី​រក្សា​ទីក្រុង​ស្អាត​ និង​អភិរក្ស​បរិស្ថាន​ឲ្យ​កាន់តែ​ស្រស់បំព្រង​សម្រាប់​ការរស់នៅ​ប្រកប​ដោយ​ផាសុកភាព សណ្ឋាគារ MHR បាន​ធ្វើការ​ជាមួយ​សហគមន៍​មូលដ្ឋាន​ និង​អាជ្ញាធរ​ដើម្បី​ដាំ​ដើមឈើ​បន្ថែម​នៅក្នុង​ឧទ្យាន​ជាតិ​អង្គរ និង​ផ្នែក​ខ្លះ​ទៀត​នៃ​ខេត្ត​សៀមរាប​។

កិច្ចខិតខំ​ប្រឹងប្រែង​នេះ​ត្រូវ​បាន​ធ្វើ​ឡើង​ជាមួយ​នឹង​ក្តីសង្ឃឹម​ថា​នឹង​ជួយ​កាត់បន្ថយ​ល្បឿន​នៃ​បម្រែបម្រួល​អាកាសធាតុ​សកល និង​ដើម្បី​ទាក់ទាញ​ភ្ញៀវទេសចរ​កាន់តែ​ច្រើន​ឱ្យ​មក​ទស្សនា​តំបន់​បេតិកភណ្ឌ​ពិភពលោក​របស់​អង្គការ​យូណេស្កូ​នៅក្នុង​ខេត្ត​សៀមរាប​។

រស់នៅក្នុង​ពិភពលោក​ដែល​ពោរពេញ​ទៅ​ដោយ​បញ្ហា​ប្រឈម ការខិតខំ​ប្រឹងប្រែង​ដើម្បី​ជួយ​ដោះស្រាយ​បញ្ហា​នៅ​គ្រប់ពេលវេលា​ និង​គ្រប់​ទីកន្លែង គឺជា​ទង្វើ​មួយ​ប្រកប​ដោយ​គុណធម៌​។ ចំពោះ​សណ្ឋាគារ MHR ការជួយ​គឺជា​កាដូ​មួយ​ដ៏មាន​តម្លៃ​ដែល​ត្រូវ​ចែករំលែក​។ ក្នុង​នាម​ជា​សមាជិក​របស់​ក្លិប STC សណ្ឋាគារ MHR តែងតែ​មាន​ឆន្ទៈ​ក្នុង​ការចែករំលែក​បទពិសោធ​របស់​ខ្លួន​នៅក្នុង​វិស័យ​ទេសចរណ៍​ជាមួយ​នឹង​សហគមន៍​នៅក្នុង​ខេត្ត​សៀមរាប​៕

អត្ថបទគួរចាប់អារម្មណ៍

  • ឃ្មុំមាស លើក​ពាន​បាល់​បោះ​ជិះ​រទេះ​ជន​ពិការ

    ភ្នំពេញ៖ ​ក្រុម​កីឡាករ កីឡាការិនី​ឃ្មុំ​មាស​កំពង់ធំ ​បាន​រក​ឃើញ​នូវ​ជ័យ​ជម្នះ​ដ៏​គួរ​ឲ្យ​កត់​សម្គាល់​មួយ ដើម្បី​​ក្លាយ​ជា​ម្ចាស់​ជើងឯក​ ការ​​ប្រកួត​ជើងឯក​បាល់​បោះ​ជិះ​រទេះ​ជន​ពិការ លើក​ទី ​១ ឆ្នាំ ​២០១៩ ខណៈ​កម្រិត​បច្ចេកទេស​ពិសេស​ក្រុម​នារី ដែល​បាន​ចូលរួម​​ប្រជែង ក្នុង​ព្រឹត្តិការណ៍​នេះ

  • សេដ្ឋកិច្ច​សកល​បាត់​ជិត​ $៨ ​ពាន់​ពាន់​លាន​ ដោយសារ​អាកាសធាតុ

    ក្រុងប៉ារីសៈ ការវិភាគ​ថ្មី​បាន​បង្ហាញ​កាលពី​ថ្ងៃ​ពុធ​សប្តាហ៍​នេះ​ថា ការប្រែប្រួល​អាកាសធាតុ​អាច​ធ្វើឲ្យ​ខាតបង់​ដោយ​ផ្ទាល់​ដល់​សេដ្ឋកិច្ច​ពិភពលោក​ចំនួន ៧,៩ ពាន់​ពាន់​លាន​ដុល្លារ​ នៅត្រឹម​ពាក់កណ្ដាល​សតវត្សរ៍​នេះ ដោយសារ​កំណើន​ភាពរាំងស្ងួត ទឹកជំនន់ និង​បរាជ័យ​ដាំ​ដំណាំ រារាំង​កំណើន និង​គំរាមកំហែង​ដល់​ហេដ្ឋារចនាសម្ព័ន្ធ​។

  • តុលាការ​បារាំង​កាត់​ក្ដី​​ឲ្យ​ហ្វូង​ទា​នៅ​ទី​​​ជនបទ ​​​អាច​បន្ដ​ស្រែក​រំខាន​អ្នក​ជិត​ខាង

    ក្រុង​ប៉ារីស៖ តុលាការ​បារាំង​បាន​សម្រេច​ឲ្យ​ហ្វូង​ទា​នៅ​និរតី​ប្រទេស​អាច​បន្ដ​ស្រែក​កាបៗ​ ​ក្រោយ​​មាន​ការ​ប្ដឹង​ផ្ដល់​ពី​អ្នក​ជិត​ខាង​ចំពោះ​សម្រែក​សំឡេង​របស់​ពួក​វា​ ដោយ​​​យ៉ាង​ហោច​ណាស់​​ត្រូវ​​រង់ចាំ​ការ​ស៊ើប​អង្កេត​ពី​ការ​ធ្វើ​តេស្ដ​កម្រិត​សំឡេង​រំខាន​សិន​​។

  • អ៊ីស្រាអែល​វាយ​ប្រហារ​ផ្លូវ​អាកាស បង្ក​ឲ្យ​​មនុស្ស​ ​២៣ ​នាក់​ស្លាប់​នៅ​ស៊ីរី

    ក្រុង​ហ៊្សេរុយសាឡិម៖ ​ប្រទេស ​អ៊ីស្រាអែល​ បាន​ថ្លែង​ថា​ យន្តហោះ​ចម្បាំង​ជា​ច្រើន​គ្រឿង​របស់​ខ្លួន​ បាន​បើក​ការ​វាយ​ប្រហារ​ប្រឆាំង​ទៅ​លើ​គោលដៅ​របស់​កងកម្លាំង​អ៊ីរ៉ង់ ​និង​យោធា​ស៊ីរី​នៅ​ប្រទេស ​ស៊ីរី ​កាល​ពី​ថ្ងៃ​ពុធ​ នៅ​ក្នុង​ការ​វាយ​ប្រហារ​ដែល​ក្រុម​ឃ្លាំ​មើល​សិទ្ធិ​មនុស្ស​បាន​រាយការណ៍​ថា​ មនុស្ស​យ៉ាង​តិច ​២៣ ​នាក់​បាន​ស្លាប់​​។​