ទំនុកចិត្តរបស់ Sunwah Group ដែលមានមូលដ្ឋាននៅទីក្រុងហុងកុងលើសក្តានុពលនៃកំណើនរបស់កម្ពុជា មិនមានការផ្លាស់ប្តូរឡើយ ចាប់តាំងពីក្រុមហ៊ុនបានឈានជើងចូលមកកម្ពុជាលើកដំបូងក្នុងឆ្នាំ ១៩៩៥។
ដោយមើលឃើញពីអំណោយផលនៃបរិយាកាសវិនិយោគនៅកម្ពុជា Sunwah បានពង្រីកអាជីវកម្មរបស់ខ្លួនពីអាហារសមុទ្រ ទៅការអភិវឌ្ឍខុនដូ ដើម្បីបម្រើដល់អតិថិជនដែលកំពុងកើនឡើង។
សេដ្ឋកិច្ចប្រើប្រាស់ប្រាក់ដុល្លាររបស់កម្ពុជា ទីតាំងយុទ្ធសាស្ត្រ ការកាត់បន្ថយពន្ធសាជីវកម្ម និងគោលនយោបាយគាំទ្រវិនិយោគិនបរទេស បានបន្តទាក់ទាញអ្នកវិនិយោគបរទេសដូចជា Sunwah ដែលបានធ្វើឱ្យកម្ពុជាក្លាយជាគោលដៅអាជីវកម្មរបស់ពួកគេអស់ជាច្រើនទសវត្សរ៍។
ក្រុមហ៊ុនបានផ្លាស់ប្តូរយ៉ាងឆាប់រហ័សពីការវិនិយោគដំបូងរបស់ខ្លួននៅក្នុងអាជីវកម្មអាហារសមុទ្រក្នុងទសវត្សរ៍ឆ្នាំ ១៩៩០ មកអភិវឌ្ឍអចលនទ្រព្យ បន្ទាប់ពីពិបាករកប្រភពវត្ថុធាតុដើមអាហារសមុទ្រដូចជាបង្គាមឹក និងត្រី ដើម្បីផ្គត់ផ្គង់ទីផ្សារនាំចេញរបស់ខ្លួន។
Sunwah បានសាងសង់រោងចក្រកែច្នៃគ្រឿងសមុទ្រនៅលើផ្ទៃដី ១០ ហិកតានៅកំពង់ផែក្រុងព្រះសីហនុក្នុងឆ្នាំ ១៩៩៥ ដែលពេលនោះត្រូវបានចាត់ទុកថាជារោងចក្រកែច្នៃគ្រឿងសមុទ្រធំជាងគេមួយនៅកម្ពុជា។
«យើងធ្លាប់នាំចេញអាហារសមុទ្រប្រមាណ ៦ កុងតឺន័រទៅកាន់ហុងកុង និងចិនហើយបានជួលកម្មករក្នុង ស្រុកជាង ១០០ នាក់។ ប៉ុន្តែរោងចក្រនេះបានបញ្ឈប់ប្រតិបត្តិការនៅពេលមិនអាចស្វែងរកវត្ថុធាតុដើមគ្រប់គ្រាន់ពីអ្នកនេសាទក្នុងស្រុក ដើម្បីគាំទ្រដល់តម្រូវការកើនឡើង»។
លោក Jesse Choi ប្រធានគ្រប់គ្រងទូទៅក្រុមហ៊ុន Sunwah មានប្រសាសន៍ថា៖ «ក្រោយមកយើងផ្លាស់ទៅអភិវឌ្ឍអចលនទ្រព្យវិញនៅពេល រដ្ឋាភិបាលបានបន្ធូរបន្ថយច្បាប់កម្មសិទ្ធិរបស់ជនបរទេសនៅឆ្នាំ ២០១០។ ហើយគម្រោងខុនដូ Sunwah Pearl របស់យើងនៅភ្នំពេញ គ្រោងចាប់ផ្តើមនៅចុងឆ្នាំនេះអាស្រ័យលើស្ថានភាពជំងឺកូវីដ ១៩»។
ប្រវត្តិសាស្ត្រសាជីវកម្មរបស់ក្រុមហ៊ុនមានតាំងពីឆ្នាំ ១៩៥៧ នៅពេល Sunwah បង្កើតឡើងនៅទីក្រុងហុងកុងជាមួយនឹងការបើកដំណើរការក្រុមហ៊ុនកែច្នៃអាហារសមុទ្រ Macau Seafood Processing។
បច្ចុប្បន្នក្រុមហ៊ុនផ្តោតលើវិស័យស្នូលចំនួន ៨ រួមមានអាហារសមុទ្រម្ហូបអាហារ អចលនទ្រព្យ សេវាកម្មហិរញ្ញវត្ថុ បច្ចេកវិទ្យា ហេដ្ឋារចនាសម្ព័ន្ធប្រព័ន្ធផ្សព្វផ្សាយ ការអប់រំ និងបណ្តុះបណ្តាល បច្ចេកវិទ្យាបៃតង និងការថែទាំសុខភាព។
«បន្ទាប់ពីចាប់ផ្តើមអាជីវកម្មអាហារសមុទ្រនៅឆ្នាំ ១៩៩៥ យើងបានមើលឃើញ GDP បានកើនឡើងប្រមាណ ៧% ពីឆ្នាំ ១៩៩៨ ដល់ឆ្នាំ ២០១៩ ដែលធ្វើឱ្យកម្ពុជាក្លាយជាប្រទេសដែលមានសេដ្ឋកិច្ចលូតលាស់លឿនបំផុតមួយ ដូច្នេះយើងជឿជាក់ថាមានសក្តានុពលច្រើននៅកម្ពុជា»។
លោក Jesse Choi បានបន្តថា៖ «លើសពីនេះ គឺស្ថិរភាពនយោបាយ និងទីតាំងយុទ្ធសាស្ត្រដែលមានព្រំប្រទល់ជាប់ប្រទេសថៃ និងវៀតណាម ធ្វើឱ្យកម្ពុជាក្លាយជាទីតាំងដ៏ល្អសម្រាប់ Sunwah ដើម្បីបង្កើតអាជីវកម្មរបស់ខ្លួន និងឈានទៅដល់ទីផ្សារអាស៊ីអាគ្នេយ៍ផ្សេងទៀត»។ គម្រោងខុនដូប្រណីត Sunwah Pearl របស់ Sunwah មានកម្ពស់ ៦២ ជាន់ មានទីតាំងនៅចំកណ្តាលរាជធានីភ្នំពេញ នៅជិតកាស៊ីណូណាហ្កាវើល។
លោកថ្លែងថា៖ « ប្រសិនបើតម្រូវការនៅដំណាក់កាលទី ១ ល្អ យើងនឹងបើកដំណើរការដំណាក់កាលទី ២ ទៀត»។
Sunwah ក៏បានផ្តល់ការបណ្តុះបណ្តាលជំនាញដល់ប្រជាជនកម្ពុជាផងដែរ។ ក្រុមហ៊ុនបានចុះ MoU ជាមួយក្រសួងអប់រំក្នុងឆ្នាំ ២០២០ ដើម្បីផ្តួចផ្តើមកម្មវិធីបណ្តុះបណ្តាល។
«យើងសហការជាមួយសាកលវិទ្យាល័យជាតិគ្រប់គ្រង ដើម្បីផ្តល់អាហារូបករណ៍ដល់និស្សិតឱ្យសិក្សាភាសាចិន ឬភាសាអង់គ្លេសនៅសាកលវិទ្យាល័យ Nanking University ឬសាកលវិទ្យាល័យ???..។ រហូតមកដល់ពេលនេះយើងបានឧបត្ថម្ភនិស្សិតចំនួន?
លោក Jesse Choi បន្តថា៖ «ជីតារបស់ខ្ញុំបានធ្វើដំណើរតាមផ្លូវទឹកពីចិនមកវៀតណាម និងកម្ពុជា និងមកកាន់ប្រទេសអាស៊ីអាគ្នេយ៍ដទៃទៀត។ នៅពេលដែលគាត់មកដល់ប្រទេសកម្ពុជាគាត់បានចាប់ផ្តើមអាជីវកម្មអាហារសមុទ្រ ហើយចាប់តាំងពីពេលនោះមកយើងបានបន្តធ្វើអាជីវកម្មរបស់យើងនៅកម្ពុជា វាគឺជាដំណើរដ៏វែងឆ្ងាយ»៕