.jpg)
ដោយយល់ពីសារៈសំខាន់នៃការអភិវឌ្ឍប្រកបដោយចីរភាពចំពោះសង្គម ជាពិសេសការជួយដល់ជនងាយរងគ្រោះ គំនិតផ្តួចផ្តើមគម្រោងទំនួលខុសត្រូវ (CSR) ទាំងមូល របស់ធនាគារ ABA ជួយជំរុញកំណើនបរិយាប័ន្ន លើកកម្ពស់សង្គម និងការកសាងសហគមន៍។
ទន្ទឹមនឹងភាពជាដៃគូយូរអង្វែងជាមួយសហព័ន្ធកីឡាវាយកូនបាល់កម្ពុជា និងសហព័ន្ធកីឡាបាល់ទាត់កម្ពុជា គម្រោង CSR ដែលផ្តោតសំខាន់លើប្រជាជនក្នុងវិសាលភាពចម្រុះរបស់ ABA ជួយជំរុញបន្ថែមដល់ធុរកិច្ចធនាគារប្រចាំថ្ងៃរបស់ខ្លួន។
ស្ថាប័នហិរញ្ញវត្ថុឈានមុខគេមួយនៅកម្ពុជានេះ ក៏បានគាំទ្រដល់មន្ទីរពេទ្យក្នុងស្រុក ដូចជាមន្ទីរពេទ្យគន្ធបុប្ផា អង្គការក្រៅរដ្ឋាភិបាល ដែលជួយដល់កុមារក្រីក្រ ក្នុងនោះក៏មានព្រឹត្តិការណ៍ជួយដល់ធុរកិច្ចថ្មីកំពុងអភិវឌ្ឍ អ្នកស្រឡាញ់វិស័យឌីជីថល និងបុព្វហេតុសំខាន់ផ្សេងៗទៀត។
ជាមួយនឹងមនសិការសង្គម ធនាគារ ABA ក៏ជួយដល់សង្គមពេលជួបទុក្ខលំបាកផងដែរ ជាពិសេសជួយសម្រាលការលំបាករបស់ពលរដ្ឋដែលរងផលប៉ះពាល់ដោយសារវិបត្តិជំងឺកូវីដ ១៩ និងពីគ្រោះធម្មជាតិនៅតំបន់ជនបទ៕
