តើពេលណាដែលធនាគារ ABA បានចាប់ផ្តើមអនុវត្តសេវាធនាគារឌីជីថល និងមូលហេតុអ្វី? តើវាបានរួមចំណែកដល់ភាពជោគជ័យរបស់ខ្លួនយ៉ាងដូចម្តេច?
ធនាគារ ABA បានកំណត់យុទ្ធសាស្ត្រអភិវឌ្ឍន៍រយៈពេលវែងថ្មីរបស់ខ្លួនក្នុងឆ្នាំ ២០០៩។ ជាផ្នែកមួយនៃការអនុវត្តយុទ្ធសាស្ត្រនោះ ធនាគារបានធ្វើការស្រាវជ្រាវ និងវិភាគយ៉ាងស៊ីជម្រៅដើម្បីស្វែងយល់ពីតម្រូវការរបស់អតិថិជន ដើម្បីធ្វើឱ្យបទពិសោធប្រើប្រាស់សេវាធនាគាររបស់ពួកគេកាន់តែងាយស្រួល។
ការស្រាវជ្រាវនោះបានបង្ហាញយើងថា ដោយសារតែការរីកចម្រើនយ៉ាងឆាប់រហ័សនៃសេដ្ឋកិច្ច និងសកម្មភាពអាជីវកម្មនៅក្នុងប្រទេស តម្រូវការលើសេវាធនាគារដែលមានលក្ខណៈងាយស្រួល លឿនរហ័ស នឹងបន្តកើនឡើង។
ផ្អែកលើចំណុចនេះ ABA បានសម្រេចវិនិយោគលើហេដ្ឋារចនាសម្ព័ន្ធបច្ចេកវិទ្យា និងព័ត៌មានវិទ្យាដ៏រឹងមាំ ដែលនៅទីបំផុតបានក្លាយជាគ្រឹះដ៏រឹងមាំសម្រាប់ស្វ័យប្រវត្តិកម្មនៃដំណើរការអាជីវកម្ម និងអនុញ្ញាតឱ្យយើងផ្តល់ជូនអតិថិជននូវដំណោះស្រាយធនាគារក្នុងកម្រិតខ្ពស់ ដែលអាចប្រើប្រាស់បានគ្រប់ពេលវេលា។
តើផលិតផលធនាគារឌីជីថលរបស់ ABA បានបង្កើនលទ្ធភាពប្រើប្រាស់សេវាធនាគាររបស់ប្រជា ជនកម្ពុជាយ៉ាងដូចម្តេច? ហើយតើវាលើកកម្ពស់បរិយាប័ន្នហិរញ្ញវត្ថុយ៉ាងដូចម្តេច?
ការយល់ដឹងអំពីតម្រូវការ និងកង្វល់របស់អតិថិជននៅពេលធ្វើប្រតិបត្តិការហិរញ្ញវត្ថុតាមរយៈធនាគារ គឺជាកត្តាជោគជ័យដ៏សំខាន់ ក្នុងការធ្វើឱ្យសេវាកម្មរបស់យើងមានភាពងាយស្រួលទទួលបាន សម្រាប់ប្រជាជនកម្ពុជា។
ពេលយើងកំពុងអភិវឌ្ឍផលិតផលឌីជីថលនៅ ABA យើងផ្ដល់អាទិភាព លើបទពិសោធដ៏ប្រសើរសម្រាប់អ្នកប្រើប្រាស់។ អំឡុងពេលរចនាសេវាកម្មហិរញ្ញវត្ថុថ្មីៗ យើងផ្តោតជាចម្បងលើការធ្វើឱ្យសេវាកម្មហិរញ្ញវត្ថុថ្មីៗកាន់តែពិសេស ងាយស្រួលយល់ លឿនរហ័ស និងមានសុវត្ថិភាព។ ហើយទាំងអស់នោះគឺរួមចំណែកដល់បទពិសោធដ៏ប្រសើររបស់អតិថិជន។
ផ្អែកលើគោលការណ៍ស្នូលទាំងនេះ យើងអនុញ្ញាតឱ្យអតិថិជនធ្វើប្រតិបត្តិការ ឬប្រើប្រាស់សេវាធនាគារ ABA បានគ្រប់ពេលវេលា 24/7 នៅគ្រប់ទីកន្លែង មានជាអាទិ៍ ការផ្ទេរប្រាក់នៅជុំវិញពិភពលោកបានភ្លាមៗ និងធ្វើការទូទាត់តាមអនឡាញ និងក្នុងហាងយ៉ាងងាយស្រួល។
ប្រព័ន្ធអេកូបច្ចុប្បន្នរបស់ ABA អាចបំពេញតម្រូវការអតិថិជនគ្រប់ប្រភេទ មិនថាយុវជន ឬអតិថិជនសាជីវកម្មធំៗ ដែលមានតម្រូវការពិសេសនោះទេ។ អតិថិជនរបស់យើងអាចទទួលបានអត្ថប្រយោជន៍ពីបទពិសោធរួម និងស្ទាត់ជំនាញនៅគ្រប់បណ្តាញបម្រើសេវារបស់ធនាគារ ABA ក្នុងពេលតែមួយ។
តើផលិតផលឌីជីថលរបស់ ABA មួយណាដែលបង្ហាញថា មានប្រជាប្រិយបំផុត?
នៅផ្នែកសេវាធនាគារបុគ្គល កម្មវិធី ABA Mobile គឺជាផលិតផលដែលមានប្រជាប្រិយបំផុត។ វាបានជាប់ចំណាត់ថ្នាក់លេខ ១ ក្នុងចំណោមកម្មវិធីហិរញ្ញវត្ថុនៅកម្ពុជានៅក្នុង Apple App Store និង Android Play Market ។
ទន្ទឹមនឹងនេះដែរ លក្ខណៈពិសេសនៃមុខងារទូទាត់ ABA PAY របស់យើងគឺជាផលិតផលដែលមានតម្រូវការខ្ពស់បំផុតនៅផ្នែកសេវាធនាគារអាជីវកម្ម ដែលឥឡូវនេះមានអាជីវករជិត ២០ម៉ឺននាក់ នៅទូទាំងប្រទេស រួមទាំងតាមអនឡាញ និងក្នុងហាង។
ឥឡូវ យើងនិយាយអំពីផ្នែកអាជីវកម្មខ្នាតមធ្យម និងខ្នាតធំ ដែលត្រូវការរចនាសម្ពន្ធប្រតិបត្តិការសាច់ប្រាក់របស់ពួកគេបន្ថែម និងស្នើសុំលក្ខណៈ ពិសេសបន្ថែមដើម្បីដំណើរការហិរញ្ញវត្ថុរបស់ក្រុមហ៊ុន។ ត្រង់នេះ ខ្ញុំសូមណែនាំអំពីធនាគារអនឡាញ iBanking (IBB) សម្រាប់អាជីវកម្ម ដ៏ទំនើបរបស់យើង។
អាជីវកម្មកាន់តែច្រើនឡើងៗ ដែលមានទំហំខុសៗគ្នា បានភ្ជាប់គណនីធនាគារ ABA របស់ពួកគេទៅធនាគារអនឡាញ IBB ដើម្បីដំណើរការការទូទាត់អាជីវកម្មបានឆាប់រហ័ស ងាយស្រួល និងមានសុវត្ថិភាពខ្ពស់។
យើងអាចនិយាយបានថា ផលិតផលឌីជីថលរបស់យើងទាំងអស់ត្រូវបានតភ្ជាប់យ៉ាងជិតស្និទ្ធជាមួយគ្នា ហើយបច្ចុប្បន្នបង្កើតបានជាប្រព័ន្ធអេកូឌីជីថល ABA។
តើតាមវិធីណាដែលផលិតផលឌីជីថលរបស់ធនាគារ ABA ធ្វើឱ្យសកម្មភាពហិរញ្ញវត្ថុរបស់ប្រជាជនកម្ពុជាមានភាពងាយស្រួល និងមានសុវត្ថិភាព ទាំងសម្រាប់ជីវិតប្រចាំថ្ងៃ និងរយៈពេលវែង?
បច្ចុប្បន្ន ធនាគារ ABA ផ្តល់ជូននូវសេវាកម្មនិងផលិតផលឌីជីថលយ៉ាងទូលំទូលាយដល់ទាំងអតិថិជនជាបុគ្គល និងអាជីវកម្ម ដែលត្រូវបានរចនាឡើងដើម្បីជួយពួកគេដោះស្រាយតម្រូវការការប្រើប្រាស់ហិរញ្ញវត្ថុប្រចាំថ្ងៃ និងសម្រាប់តម្រូវការអាជីវកម្ម។
សំខាន់ជាងនេះទៀត តាមរយៈប្រព័ន្ធអេកូបច្ចុប្បន្ន ធនាគារ ABA ភ្ជាប់អាជីវកម្មនិងអតិថិជនជាបុគ្គលជាមួយគ្នា និងជួយពួកគេឱ្យសម្រេចបាននូវគោលដៅអាជីវកម្ម និងគោលដៅជីវិតប្រចាំថ្ងៃ។
ជាមួយនឹងកម្មវិធីសម្រាប់អាជីវកម្មដ៏ទំនើបជឿនលឿនរបស់យើង ដូចជាធនាគារអនឡាញ សម្រាប់អាជីវកម្ម (iBanking), PayWay ដែលកម្មវិធីទូទាត់មានគ្រប់តម្រូវការ, និងប្រព័ន្ធទូទាត់វិក្កយបត្រ BillZone ធ្វើឱ្យធនាគារ ABA បំពេញតាមរាល់តម្រូវការ សូម្បីតែអាជីវកម្ម និងសាជីវកម្មដែលមានតម្រូវការខ្ពស់បំផុតក៏ដោយ។
ការត្រួតពិនិត្យនិងគ្រប់គ្រងប្រតិបត្តិការបានភ្លាមៗតាមពេលវេលាជាក់ស្តែង ការចេញវិក្កយបត្រ ការទូទាត់តាមអនឡាញ និងនៅក្នុងហាង ការប្រមូលវិក្កយបត្រ និងតម្រូវការផ្សេងៗជាច្រើនទៀត! ខ្ញុំជឿជាក់ថា អាជីវកម្មនឹងអាចទទួលបានអត្ថប្រយោជន៍ពីដំណោះស្រាយ និងសេវាកម្មហិរញ្ញវត្ថុរបស់យើង ដែលបង្កើតឡើងដោយបច្ចេកវិទ្យាឈានមុខគេលើពិភពលោក។
សម្រាប់អតិថិជនជាបុគ្គល ធនាគារ ABA ផ្តល់ជូននូវផលិតផលដ៏លេចធ្លោរបស់ខ្លួន គឺកម្មវិធី ABA Mobile រួមជាមួយបណ្តាញទីតាំងស្វ័យសេវា ABA 24/7។ ជាមួយនឹងបណ្តាញធនាគារដ៏ទូលំទូលាយទាំងនេះ អតិថិជនរបស់យើង អាចទូទាត់វិក្កយបត្រ បង់ប្រាក់នៅក្នុងហាង និងតាមអនឡាញ ផ្ទេរនិងទទួលប្រាក់ ក្នុងនិងក្រៅប្រទេស ហើយប្រើពេលត្រឹមប៉ុន្មានវិនាទីតែប៉ុណ្ណោះ អាចបើកគណនីថ្មី ទទួលប្រាក់កម្ចី ដាក់ប្រាក់ ដកប្រាក់ និងមុខងារសំខាន់ៗជាច្រើនទៀត។
ខ្ញុំគិតថា រាល់សេវាកម្មរបស់ ABA និងបទពិសោធរបស់អ្នកប្រើប្រាស់ គឺធ្វើឱ្យការទុកដាក់លុយ ប្រើប្រាស់ ចាត់ចែងលុយកាក់របស់ប្រជាជនកម្ពុជាមានភាពងាយស្រួល និងមានសុវត្ថិភាព៕