ការពង្រឹងគុណភាពយ៉ាងទូលំទូលាយលើបណ្តាញសាខារបស់ ធនាគារ អ៊ូរី (ខេមបូឌា) ម.ក
ក្នុងរយៈពេលដ៏ខ្លី គឺត្រឹមតែ 7 ឆ្នាំ ធនាគារ អ៊ូរី (ខេមបូឌា) ម.ក បានបង្កើតនូវសមិទ្ធផលគួរ ឱ្យកត់សម្គាល់នៅក្នុងវិស័យធនាគារនៅកម្ពុជា ដោយបានពង្រីកសេវាហិរញ្ញវត្ថុរបស់ខ្លួនយ៉ាងឆាប់ រហ័ស និងមានអតិថិជនជាង 300,000 នាក់ រួមជាមួយនឹងបណ្តាញសាខាចំនួន 138 នៅទូទាំងប្រទេស។ ធនាគារ អ៊ូរី (ខេមបូឌា) ម.ក បានដាក់ពង្រាយហេដ្ឋារចនាសម្ព័ន្ធរូបវន្ត និងឌីជីថល ដើម្បីផ្តល់ជំនួយផ្នែកហិរញ្ញវត្ថុដែលអាចទុកចិត្តបានដល់ប្រជាជនទាំងនៅក្នុងទីប្រជុំជន និងទីជនបទ ដោយគាំទ្រដល់តម្រូវការហិរញ្ញវត្ថុជាលក្ខណៈបុគ្គល ក៏ដូចជាវិស័យសាជីវកម្មផងដែរ។ ធនាគារប្រកាន់ខ្ជាប់នូវការលើកកម្ពស់បរិយាប័ន្នហិរញ្ញវត្ថុ និងគោលការណ៍នៃការ ចែករំលែកភាព រីកចម្រើនជាមួយគ្នា តាមរយៈការរៀបចំ និងសិក្សាឡើងវិញនូវលទ្ធភាពទូទាត់ឥណទាន/កម្ចី និងការអន្តរាគមមួយចំនួនទៀត ដែលបានអនុវត្តឡើងក្នុងអំឡុងពេលជួបបញ្ហាប្រឈមនៃវិបត្តិជំងឺកូវីដ១៩ ឬគ្រោះមហន្ត-រាយធម្មជាតិ ដែលបានធ្វើឱ្យមានផលប៉ះពាល់ដល់អាជីវកម្ម និងជីវភាពរស់នៅរបស់ប្រជាជនកម្ពុជា។ ជាមួយនឹងអត្តសញ្ញាណថ្មីនៅឆ្នាំនេះ ក្នុងនាមជាធនាគារពាណិជ្ជ ធនាគារ អ៊ូរី (ខេមបូឌា) ម.ក បានត្រៀមខ្លួនជាស្រេច ក្នុងការគាំទ្របន្ថែមទៀត ដល់អតិថិជនរបស់ខ្លួន ជាមួយនឹងសេវាហិរញ្ញវត្ថុកាន់តែសម្បូរបែប៕