.jpg)
អង្គការមូលនិធិអេស៊ីលីដា-ចារឌីនសម្រាប់ការអប់រំ មានគោលបំណងផ្តល់ការអប់រំដល់ប្រជាជនគ្រប់រូប។
ធនាគារ អេស៊ីលីដា ចាប់តាំងពីត្រូវបានបង្កើតមក គឺបានប្តេជ្ញាចិត្តក្នុងការលើកកម្ពស់គុណភាពនៃជីវិតរស់នៅ សម្រាប់គ្រប់ផ្នែកនៅក្នុងសហគមន៍ និងបានប្តេជ្ញាចិត្ត ក៏ដូចជាខិតខំប្រឹងប្រែងជួយដល់គម្រោងទំនួលខុសត្រូវសង្គមរបស់សាជីវកម្ម (CSR) នៅទូទាំងប្រទេស។
«ប្រជាធនាគារដែលលោកអ្នកជឿទុកចិត្ត, ផ្តោតលើការបំពេញការងារប្រកបដោយសីលធម៌ វិជ្ជាជីវៈខ្ពស់ ឈរលើគោលការណ៍សុចរិតភាព និងតម្លាភាព ដើម្បីផ្តល់អត្ថប្រយោជន៍ដល់សង្គមជាតិ។
ធនាគារ អេស៊ីលីដា ប្តេជ្ញាជួយដល់សហគមន៍ និងការការពារបរិស្ថាន ដែលសម្រេចបាននូវសមិទ្ធផលហិរញ្ញវត្ថុដ៏រឹងមាំ និងមាននិរន្តរភាព ដោយអនុវត្តតាមទស្សនៈគ្រឹះសំខាន់ទាំង 3 គឺ (មនុស្ស ផែនដី និងប្រាក់ចំណេញ)។
ការប្តេជ្ញាចិត្តខ្ពស់ចំពោះ CSR នេះ ធ្វើឱ្យធនាគារ អេស៊ីលីដា ទទួលបានពានរង្វាន់ពីទស្សនាវដ្តី Asiamoney ក្នុងនាមជា «ធនាគារល្អបំផុតនៅកម្ពុជា សម្រាប់ CSR 2020»។
ទស្សាវដ្តីហិរញ្ញវត្ថុឈានមុខ មានមូលដ្ឋាននៅចក្រភពអង់គ្លេស ដែលផ្តោតលើតំបន់អាស៊ីមួយនេះ បានសរសើរដល់កិច្ចខិតខំប្រឹងប្រែងរបស់ធនាគារ អេស៊ីលីដា ចំពោះកម្មវិធី CSR ដែលបានពង្រីក «វិសាលភាពយ៉ាងលំទូលាយជាងដៃគូរបស់ខ្លួនជាច្រើន» និងបានគូសបញ្ជាក់ពីការយកចិត្តទុកដាក់របស់ធនាគារមកលើបរិស្ថានជាយូរមកហើយ។
«ធនាគារ អេស៊ីលីដា បានចាត់ទុកការងារ CSR របស់ខ្លួនថា គឺជាការទទួលខុសត្រូវជាប្រព័ន្ធ ជាងការងារសប្បុរសធម៌ បែកខ្ញែក»។
ទស្សនាវដ្តី Asiamoney បានលើកឡើងថា៖ «ខ្លួនបានចេញផ្សាយរបាយការណ៍និរន្តរភាពបរិស្ថាន និងសង្គមនៅក្នុងរបាយការណ៍ប្រចាំឆ្នាំរបស់ខ្លួនជារៀងរាល់ឆ្នាំ ចាប់តាំងពីឆ្នាំ 2002 មក ពោលគឺមួយឆ្នាំមុនពេលដែលធនាគារ អេស៊ីលីដា ទទួលបានអាជ្ញាប័ណ្ណពីធនាគារជាតិនៃកម្ពុជា ដើម្បីដំណើរការសេវាកម្មធនាគារពេញលេញ»។
បច្ចុប្បន្ន ធនាគារ អេស៊ីលីដា មានបុគ្គលិកផ្នែកបរិស្ថានពេញម៉ោងចំនួន 5 នាក់ ដែលទទួលការបណ្តុះបណ្តាលជាប្រចាំ ដើម្បីសម្របសម្រួលសកម្មភាពបរិស្ថានរបស់ធនាគារ និងតាមដានការអនុវត្តការងារ។
ធនាគារ អេស៊ីលីដា គាំទ្រដល់ការដាំដើមឈើរបស់មន្ទីរបរិស្ថានខេត្តកំពត។
ធនាគារដែលធំជាងគេនៅកម្ពុជាមួយនេះ ក៏គាំទ្រការប្រើប្រាស់ថាមពលកកើតឡើងវិញផងដែរ ដោយផ្តល់ប្រាក់កម្ចីទាក់ទងនឹងជីវឧស្ម័ន និងថាមពលពន្លឺព្រះអាទិត្យ។
ធនាគារ អេស៊ីលីដា គឺជាអ្នកផ្តល់មូលនិធិសម្បុរធម៌ជាប្រចាំដល់មូលនិធិគន្ធបុប្ផាកម្ពុជា និងផ្តល់ជំនួយដល់កាកបាទក្រហមកម្ពុជា ក៏ដូចជាក្រសួងអប់រំ យុវជន និងកីឡា។
ការបរិច្ចាគថវិការបស់ធនាគារ អេស៊ីលីដា ចំនួន ៣ ពាន់លានរៀល (744,000 ដុល្លារ) ដើម្បីគាំទ្រដល់កិច្ចខិតខំប្រឹងប្រែងរបស់រដ្ឋាភិបាលកម្ពុជាក្នុងការប្រយុទ្ធប្រឆាំងជំងឺរាតត្បាតកូវីដ 19 ក៏ត្រូវបានលើកឡើងដោយទស្សនាវដ្តី Asiamoney ក៏ដូចជាការរួមចំណែកផ្សេងទៀត ចំពោះគំនិតផ្តួចផ្តើមជាច្រើន រួមទាំង មូលនិធិអភិរក្សដំរីខ្មែរ Airavata និងសមាគមសហគ្រិនស្ត្រីកម្ពុជាជាដើម។
«ក្នុងនាមជាប្រជាធនាគារដែលលោកអ្នកជឿទុកចិត្ត ធនាគារ អេស៊ីលីដា ថ្លែងដោយមោទនភាពថា វប្បធម៌របស់សាជីវកម្ម គឺត្រូវបានបង្កើតឡើងដោយផ្អែកលើការគោរពគោលការណ៍សីលធម៌វិជ្ជាជីវៈ សង្គម ច្បាប់ និងបរិស្ថាន ដែលបាននិងកំពុងប្រតិបត្តិ មិនត្រឹមតែសម្រាប់ម្ចាស់ភាគហ៊ុន បុគ្គលិក អតិថិជន និងដៃគូអាជីវកម្មប៉ុណ្ណោះទេ ប៉ុន្តែគឺសម្រាប់សហគមន៍ទាំងមូល»។
នេះបានឆ្លុះបញ្ចាំងឱ្យឃើញថា យើងគឺជានិយោជកដែលមានឱកាសស្មើគ្នា ជាអ្នកគាំទ្រផ្នែកវេជ្ជសាស្ត្រ ផ្តល់មូលនិធិ ផ្តល់ជំនួយ និងផ្តល់អត្ថប្រយោជន៍ផ្សេងទៀតដល់បុគ្គលិករបស់ខ្លួន ក្នុងគោលបំណងធ្វើឱ្យមានភាពរីកចម្រើនខ្លាំងបំផុតនៅក្នុងព្រះរាជាណាចក្រកម្ពុជា។
«ហើយក្នុងនាមជាប្រជាធនាគារដែលលោកអ្នកជឿទុកចិត្ត ធនាគារ អេស៊ីលីដា ប្រកាន់ខ្ជាប់យ៉ាងពេញលេញទៅនឹងអនុសញ្ញាអន្តរជាតិដែលហាមឃាត់ការផ្តល់ឥណទាន ឬគាំទ្រសកម្មភាពណាមួយដែលប៉ះពាល់ដល់បរិស្ថាន ឬអំពើរផ្សេងៗដែលប៉ះពាល់ដល់សិទ្ធិមនុស្ស»។
ធនាគារក៏អនុលោមតាមអនុសញ្ញាស្តីពីពាណិជ្ជកម្មអន្តរជាតិទាក់ទងនឹងប្រភេទសត្វព្រៃ និងរុក្ខជាតិ ជិតផុតពូជ (CITES) ច្បាប់ស្តីពីសត្វព្រៃ ឬផលិតផលសត្វព្រៃផងដែរ។
ធនាគារ អេស៊ីលីដា មានគោលការណ៍ ហាមប្រាមការប្រើប្រាស់កម្លាំងពលកម្មកុមារ ការជួញដូរអាវុធ ល្បែងស៊ីសង កាស៊ីណូ ឬកន្លែងប្រកបរបបអនាចារជាដើម។
មានដំណើរការត្រួតពិនិត្យយ៉ាងហ្មត់ចត់ ដែលតម្រូវឱ្យបុគ្គលិកបម្រើអតិថិជនគប្បីត្រួតពិនិត្យបញ្ជាក់អំពីភាពត្រឹមត្រូវនៃអាជីវកម្មអតិថិជន អនុលោមតាមគោលការណ៍ទាំងនេះ។
បុគ្គលិកធនាគារ អេស៊ីលីដា ចូលរួមជិះកង់កម្មវិធីសប្បុរសធម៌នៅប្រាសាទអង្គវត្ត។ Supplied
ធនាគារ អេស៊ីលីដា ឱ្យដឹងថា មានធាតុសំខាន់ចំនួន 4 នៅក្នុងសេចក្តីថ្លែងការណ៍បេសកកម្មនិរន្តរភាពបរិស្ថាន និងសង្គម (ESS) របស់ខ្លួន។
ទាំងនេះ គឺដើម្បីផ្តល់នូវក្របខ័ណ្ឌនៃគោលការណ៍ណែនាំ ដែលធនាគារអាចប្រតិបត្តិការប្រកបដោយនិរន្តរភាព ដូច្នេះឥទ្ធិពលលើបរិស្ថាន សង្គម និងសហគមន៍ដែលខ្លួនប្រតិបត្តិការ
គឺត្រូវបានគ្រប់គ្រងដោយការទទួលខុសត្រូវ។
ជាពិសេស គឺដើម្បីបន្តប្រើប្រាស់ប្រព័ន្ធនៃប្រសិទ្ធភាពថាមពលនៅក្នុងអគាររបស់ខ្លួន ដើម្បីគ្រប់គ្រងតម្រូវការថាមពលប្រកបដោយប្រសិទ្ធភាព នៅគ្រប់ទីកន្លែងដែលយើងប្រតិបត្តិការ។
ដើម្បីលើកកម្ពស់សង្គមកម្ពុជា និងដើម្បីលើកស្ទួយវប្បធម៌រួម គឺមិនមែនគោរពតែចំពោះម្ចាស់ភាគហ៊ុន បុគ្គលិក អតិថិជន និងដៃគូអាជីវកម្មប៉ុណ្ណោះទេ ប៉ុន្តែជាការគោរពចំពោះបុគ្គលគ្រប់រូបនៅក្នុងសហគមន៍ និងដើម្បីទទួលស្គាល់ថា ការគាំទ្រសហគមន៍ មិនមែនគ្រាន់តែជាសីលធម៌ប៉ុណ្ណោះទេ ប៉ុន្តែវាជាប្រតិបត្តិការអាជីវកម្ម ដើម្បីសុខមាលភាព ក៏ដូចជាភាពរីកចម្រើនរុងរឿង ដែលត្រូវពឹងផ្អែកគ្នាទៅវិញទៅមក។
ជាមួយនឹងការប្តេជ្ញាចិត្តរបស់ខ្លួនចំពោះកិច្ចខិតខំប្រឹងប្រែងសម្រាប់គម្រោង CSR នៅទូទាំងប្រទេស ការផ្តោតសំខាន់លើក្រមសីលធម៌ និងការយកចិត្តទុកដាក់ចំពោះបេសកកម្ម ESS របស់ខ្លួន ធនាគារ អេស៊ីលីដា កំពុងអនុលោមតាមពាក្យស្លោករបស់ខ្លួនក្នុងនាមជា «ប្រជាធនាគារដែលលោកអ្នកជឿទុកចិត្ត»៕
បណ្ណថ្លែងអំណរគុណពីកាកបាទក្រហមកម្ពុជា។
បណ្ណថ្លែងអំណរគុណពីមូលនិធិគន្ធបុប្ជាកម្ពុជា។
