The Phnom Penh Post Search

Search form

Logo of Phnom Penh Post newspaper Phnom Penh Post - សែន ​រ៉ាដេត ​និង​គ្រូ​បង្វឹក ​ញញើត ​សុខ ​រិទ្ធ ​តែ​មិន​បារម្ភ​ជើង​ថ្មី ​សាន ​សំអុន ​និង ​យ៉ន ​ពិសី​




សែន ​រ៉ាដេត ​និង​គ្រូ​បង្វឹក ​ញញើត ​សុខ ​រិទ្ធ ​តែ​មិន​បារម្ភ​ជើង​ថ្មី ​សាន ​សំអុន ​និង ​យ៉ន ​ពិសី​

Content image - Phnom Penh Post
បេក្ខភាព​ទាំង​៤នាក់ ដែលត្រូវ​ប្រកួតដណ្តើម​ប្រាក់លាន នៅ​លើ​សង្វៀន​ថោន នា​ថ្ងៃអាទិត្យ​នេះ។ រូប​ថត សហការី

សែន ​រ៉ាដេត ​និង​គ្រូ​បង្វឹក ​ញញើត ​សុខ ​រិទ្ធ ​តែ​មិន​បារម្ភ​ជើង​ថ្មី ​សាន ​សំអុន ​និង ​យ៉ន ​ពិសី​

ភ្នំពេញ៖ ការ​ប្រ​កួត​ម៉ារ៉ាតុង​​​ដណ្តើម​ប្រាក់​លាននៅ​លើ​​សង្វៀន​ថោន នា​ថ្ងៃអាទិត្យនេះ ​គេ​មានការ​ចាប់​អារម្មណ៍​ខ្លាំង ​​ទៅ​លើ​កីឡាករ​មាន​បទ​ពិសោធ​យូរឆ្នាំ​​ចំនួន​ ២ ​នាក់ ​គឺ​ សែន​ រ៉ាដេត​ មក​ពីក្លិប​​នាយក​ដ្ឋាន​អង្គរក្ស ​និង ​សុខ ​រិទ្ធ ​មក​ពីខេត្ត​​បន្ទាយ​មាន​ជ័យ​ ដែល​​ជាកីឡាករ​​ជម្រើសជាតិ​ឃីក​បុកស៊ីងកម្ពុជា ចំណែក​បេក្ខភាព​ ​យ៉ន ​ពិសី​ និង ​សាន ​សំអុល ដែល​​ទើប​នឹង​ចាប់​ផ្តើម​ល្បី​ជំនាន់​ក្រោយ​ គេ​មិន​បារម្ភ​​ទេ។
​​
បន្ថែម​ពី​លើ​នេះ​ កីឡាករ ​សែន ​រ៉ាដេត​ និង​គ្រូ​បង្វឹក លោក ​ស៊ន​ អេលីត បាន​​អះ​អាង​ថា ​ឧបសគ្គ​ធំ​ក្នុង​ការ​ប្រ​កួតនេះ ​គឺ​មាន​តែ ​សុខ ​រិទ្ធ ​ដែល​គិត​ថា ​លំបាក ​ចំណែក ​លោក​ សាន់ ​សៅយ៉ាន់​ ជា​គ្រូ​បង្វឹក​ ​សុខ ​រិទ្ធ បាន​​ចាត់ទុក ​សែន ​រ៉ាដេក​ ជា​ឧបសគ្គ​ធំ​ ដូចគ្នា ​ប្រ​សិនអ្នកទាំង ​២ ​​ចាប់​ឆ្នោត​ប៉ះ​​គ្នា​នោះ​ ប៉ុន្តែ​បើ​​ប៉ះ​ ​យ៉ន ​ពិសី​ ឬ​ សាន ​សំអុន ​គឺ​មិន​បារម្ភ​ទេ ​សង្ឃឹម​បាន​ឡើង​ទៅ​វគ្គ​ផ្តាច់​ព្រ័ត្រ​មិន​ខាន​។

លោក ស៊ន ​អេលីត បាន​​និយាយ​ថា​៖ «​សែន ​រ៉ា​ដេត ​ហ្វឹក​ហាត់​បាន​ល្អ ​ត្រៀមការ​​ប្រ​កួត​នេះ​ ដោយ​ខំយក​ឈ្នះ​ឱ្យ​បាន​ ប៉ុន្តែ​ខ្ញុំ​បារម្ភ​ខ្លាំង ​ប្រ​សិន​ចាប់​ឆ្នោត​ប៉ះ​ជា​មួយ​កីឡាករ​ សុខ ​រិទ្ធ ព្រោះ​ សុខ រិទ្ធ មាន​ក្បាច់​ល្អ​ជង្គង់​ និង​កម្លាំង​ថេរ​ រឹង​ល្អ​ មិន​ស្រុត​ ទោះជា​ការ​ប្រ​កួត​ច្រើន​ទឹក ​ក៏​ដោយ​»។

គ្រូ​បង្វឹក​របស់​ក្លិប​នាយក​ដ្ឋាន​អង្គរក្ស ​លោក ស៊ន ​អេលីត បាន​ប្រាប់​​បន្ថែម​ថា​៖ «​ខ្ញុំ​មិន​អាច​មើល​រំលង​វិជ្ជាគុន ​សុខ ​រិទ្ធ ​បាន​ទេ​ ​ព្រោះ​ស្នៀត​ទាត់​ និង​ឱប​ឡើង​ជង្គង់​ល្អ​ ដែល​មិន​អាច​វាយ​តម្លៃ​ថា ​ស្រួល​ប្រ​កួត​នោះ​ឡើយ​។ តែ​​យ៉ាង​ណា​ក្តី ​ខ្ញុំ​នៅ​តែ​រំពឹង​លើ​​កូន​សិស្ស​ខ្ញុំ​ សែន ​រ៉ាដេត​៧០​ ភាគ​រយ ​គឺ​ឈ្នះ​»។​

ចំណែក​លោក សាន់ ​សៅ​យ៉ាន់​ បាន​និយាយ​​ថា​៖ «​សុខ ​រិទ្ធ ​កំពុង​ហ្វឹក​ហាត់​នៅ​ភ្នំពេញ ​ជា​មួយ​ប្រដាល់​ឃីក​បុក​ស៊ីង គឺ​​មិន​បានហ្វឹក​​ហាត់​ផ្ទាល់​ជា​មួយ​ខ្ញុំ​ទេ​ ប៉ុន្តែ​ខ្ញុំបាន​​ផ្តាំ​ឱ្យ​​គ្រូ​នៅ​ទី​នោះ​ ដូច​ជា ​សេន ​ប៊ុន​ថេន​ ជួយ​មើល​​ ​ព្រោះ​របៀប​នៃ​ការ​ប្រ​កួត​បាន​ពិន្ទុ ​បើ​យើង​វ៉ៃ​របៀប​ថៃ ​មិន​ងាយ​បាន​ពិន្ទុ​ទេ ​ហេតុ​នេះ​គួរ​តែ​កែ​សម្រួល​វាយ​ចេញ​កណ្តាប់​ដៃ ​ជង្គង់ ​ព្រម​ទាំង​មិន​ដក​ថយ ​ទោះ​មាន​ប្រៀប​ឈ្នះ​ក៏​ដោយ​។ ​បើ​វា​ធ្វើ​តាម​ខ្ញុំ​ប្រាប់​បាន​ គឺ​ឈ្នះ​ តែបើ​វ៉ៃ​តាម​បច្ចេកទេស​ដូច​នៅ​ថៃ​ សង្ឃឹម​តិច​ណាស់ ​គឺ​៦៥​ភាគ​រយ​ប៉ុណ្ណោះ»​។​

ជាមួយ​គ្នា​នេះ លោក ​ឡុង ​សាលវ័ន្ត​ គ្រូ​បង្វឹក ​យ៉ន ​ពិសី​ បាន​និយាយ​ថា​៖​« យ៉ន ពិសី ​កំពុង​ហាត់​ល្អ ​ហើយ​វាមិន​ធ្លាប់​ប្រ​កួត​ជា​មួយ ​សែន​ រ៉ាដេត​ និង ​សុខ ​រិទ្ធ​ ទេ​ ​ព្រោះ​ជំនាន់​ខុស​គ្នា​គឺ​វា​ជាសិស្ស​ប្អូន​ ​តែ ពិសី ​ធ្លាប់​ឈ្នះ​ សាន​ សំអុន​។ ​ខ្ញុំ​មិន​ហ៊ាន​និយាយ​មុន​ទេ ​ខ្លាច​ខុស​ និង​ខ្លាច​គេ​ថា​ខ្ញុំ​និយាយ​អួត​ ប៉ុន្តែ​ធានា​ថា យ៉ន ពិសី ​វ៉ៃ​អស់​ពី​សមត្ថភាព​ និង​មិន​ញញើត​ទេ ​ទោះ​ប៉ះ​មួយ​ណា​ក៏​បាន»​។​

​តាម​បទពិសោធ​ប្រកួត នៅ​លើសង្វៀន សែន ​រ៉ាដេត ​ប្រ​កួត​បាន​ ​៦៥ ដង ​ឈ្នះ ​៥៤ ​ចាញ់ ​១០ ​​ស្មើ​ ១​ ដង ​ក្នុង​នោះ​ធ្លាប់​ផ្តួល​ដៃ​គូ​ឱ្យ​​សន្លប់​បាន​ ​២២ ​ដង​ ចំណែក ​សុខ ​រិទ្ធ ​ប្រ​កួត​បាន ​៥១ ​ដង ​ឈ្នះ​ ៤១​ ​ចាញ់​ ៥​ ស្មើ ៥ ដង ​ក្នុង​នោះ ធ្លាប់​​ផ្តួល​ដៃ​គូ​ឱ្យ​​សន្លប់​បាន​ ​១៨ ​ដង​ ហើយ ​យ៉ន​ ពិសី​ ប្រ​កួត​បាន​ ​៥០ ដង ​ឈ្នះ​ ៣៨ ​​ចាញ់​៩​ ស្មើ​ ៣​ ​ក្នុង​នោះ​បាន​​ផ្តួល​ដៃ​គូ​ឱ្យ​​សន្លប់​ ១២ ​ដង​ រីឯ ​សាន ​សំអុន​ ប្រ​កួត​បាន​ ​២៧ ដង ឈ្នះ ២៦ ​​ចាញ់ ​១ ​ក្នុង​នោះ​ផ្តួល​ដៃ​គូ​ឱ្យ​​សន្លប់​បាន​ ​៦​ ដង​៕

អត្ថបទគួរចាប់អារម្មណ៍