.jpg)
លោក វ៉ាត់ ចំរើន ពេលថ្លែង នៅក្នុងកិច្ចប្រជុំ ដែលត្រូវបានធ្វើឡើង នៅទីស្នាក់ការរបស់ NOCC កន្លងមក។ រូប សហការី
ភ្នំពេញ៖ ទ្រឹស្តីក្នុងកីឡាអូឡាំពិកមានទស្សនវិស័យលើគោលការណ៍សំខាន់ចំនួន ២ គឺការអប់រំនិងកីឡា ប៉ុន្តែការសម្របសម្រួលគ្រប់ប្រភេទកីឡានៅក្នុងចលនាអូឡាំពិកគឺកីឡាកម្រិតខ្ពស់សមត្ថភាពកាត់បន្ថយនូវហិង្សាក្នុងកីឡា ខណៈដែលកីឡាប្រយុទ្ធមួយចំនួនដែលបញ្ចេញកម្លាំងបែកញើស និងកាត់បន្ថយស្រក់ឈាមត្រូវបានសម្រួលលក្ខខណ្ឌនៃការប្រកួតដោយផ្តោតលើគោលការណ៍សំខាន់ចំនួន៣ គឺ កីឡាដើម្បីមិត្តភាព, ការគោរពគ្នា និងស្វែងរកឧត្តមភាព។
បន្ថែមពីលើនេះ គណៈកម្មាធិការជាតិអូឡាំពិកអន្តរជាតិ (IOC) ដែលមានសមាជិក ២០៥ ប្រទេស បានផ្តោតទៅលើការអប់រំដែលមានអង្គការមួយឈ្មោះថា អង្គរសាមគ្គីអូឡាំពិកអន្តរជាតិ (OS) ដែលមានជំនាញបណ្តុះបណ្តាលរដ្ឋបាលកីឡាជាមូលដ្ឋាន។ នេះជាការអះអាងរបស់លោក វ៉ាត់ ចំរើន ក្នុងនាមជាអ្នកជំនាញកីឡាក្នុងអូឡាំពិកនិងជាសាស្ត្រាចារ្យកីឡាដែលទទួលស្គាល់ពី IOC។
ក្នុងនាមជាគ្រូឧទ្ទេសពីច្បាប់កីឡាអូឡាំiពិកលោក វ៉ាត់ ចំរើន បានបង្ហាញលម្អិតពីបាវចនារបស់អូឡាំពិកអន្តរជាតិទាំង ៣ ដែលមានខ្លឹមសារសំខាន់និងជាគោលដៅក្នុងការប្រកួតប្រជែងគឺខ្ពស់ជាង, លឿនជាងនិងខ្លាំងជាង ហើយនៅក្នុងចលនាកីឡាអូឡាំពិកទស្សនៈ និងធនធានមន្ត្រីកីឡា, អត្តពលិកនិងមន្ត្រីថ្នាក់ដឹកនាំកីឡាគប្បីត្រូវតែឆ្លងវគ្គរដ្ឋបាលកីឡាដែលជាមូលដ្ឋានគ្រឹះក្តោបទាំងជំនាញបច្ចេកទេសការគ្រប់គ្រង និងការដឹកនាំបង្កើតគម្រោងរៀបចំការប្រកួត និងទីផ្សារ។
លោក វ៉ាត់ ចំរើន បានបន្ថែមថា៖ «ក្នុងមានជាគ្រូឧទ្ទេសរបស់ IOC ខ្ញុំបានព្យាយាមប្រឹងប្រែងទំនាក់ទំនងកម្មវិធីបណ្តុះបណ្តាលរដ្ឋបាលកីឡាក្រោយការជួយគាំទ្រថវិកាពីអង្គការសាមគ្គីអូឡាំពិកអន្តរជាក្នុងមួយឆ្នាំទទួលបាន៣ទៅ ៤ លើក ដើម្បីផលិតធនធានមនុស្សសម្រាប់កម្ពុជាក្នុងការយល់ដឹងផ្នែករដ្ឋបាលកីឡានេះរយៈពេលជិត១០ឆ្នាំមកហើយ ហើយបានផ្តល់ការយល់ដឹងដល់មន្ត្រីកីឡាខ្ទង់ ១ ០០០ មកហើយ។ នេះជាមោទនភាពដែលកម្ពុជាមានធនធានមនុស្សដើម្បីឈានទៅរៀបចំព្រឹត្តិការណ៍ប្រកួតអន្តរជាតិធំៗបាន»។
ចំណែកលោកឯមហៀងប្រធានគណៈគ្រប់គ្រងវគ្គសិក្សានៃ NOCC បានឱ្យដឹងថាតាមផែនការកម្មវិធីវគ្គបណ្តុះបណ្តាលរដ្ឋបាលកីឡាក្នងឆ្នាំ ២០២១ នេះ មានចំនួន ៤ វគ្គ។ លោកបានបន្តថា នៅឆ្នាំនេះ យើងបានបញ្ចប់វគ្គលើកទី១ នៅរាជធានីភ្នំពេញ កាលពីពេលថ្មីៗនេះនិងបន្តទៅលើក២ នៅខេត្តកែបថ្មីៗនេះនិងលើកទី៣ នៅខេត្តរតនគិរីហើយវគ្គរដ្ឋបាលកីឡា ទី៤ នៅខេត្តកែប។
លោកបន្ថែមថា៖ «ក្រោយបញ្ចប់វគ្គនីមួយៗទៅសិក្ខាកាម សុទ្ធតែទទួលបាននូវវិញ្ញាបនបត្របញ្ជាក់ការសិក្សាដែលចុះហត្ថលេខាដោយប្រធានគណៈកម្មាធិកាអូឡាំពិកអន្តរជាតិនិងប្រធានគណៈកម្មាធិការជាតិ
អូឡាំពិកកម្ពុជាឯកឧត្តមបណ្ឌិតថោងខុនដែលមានតម្លៃជាសកល ដើម្បីប្រើប្រាស់ក្នុងសកម្មភាពកីឡាដោយគេទទួលស្គាល់លើពិភពលោកហើយអ្នកទាំងនោះ ក៏ជាធនធានមនុស្សស្ម័គ្រចិត្តដើម្បីឆ្ពោះទៅទទួលធ្វើម្ចាស់ផ្ទះ ស៊ីហ្គេម លើកទី៣២ ឆ្នាំ ២០២៣ ឱ្យទទួលបាជោគជ័យជាប្រវត្តិសាស្ត្ររបស់ព្រះរាជាណាក្រកម្ពុជាយើងទាំងអស់គ្នា»៕
