.jpg)
Mbappe (ស្ដាំ) និង Messi ឱបគ្នា ក្រោយជួយឱ្យ PSG ឈ្នះក្រុម RB Leipzig កាលពីថ្ងៃអង្គារ។ AFP
ក្រុងប៉ារីស: ស៊ុបភើស្តារ Lionel Messi ស៊ុតបញ្ចូលទីបាន ៣ គ្រាប់ ហើយឱ្យក្រុមថ្មី Paris St Germain (PSG) ដោយធ្វើបាន នៅក្របខ័ណ្ឌ Champions League ទាំងអស់ ហើយរូបគេត្រូវអរគុណដល់ដៃគូប្រយុទ្ធ Kylian Mbappe ក្នុងការជួយឱ្យមានចំនួនគ្រាប់បាល់នេះ។
កីឡាករ Mbappe ដែលស៊ុតខ្លួនឯង ១គ្រាប់ និងបង្កើតឱកាសឱ្យកីឡាករ Messi ទម្លុះសំណាញ់ទី ២ គ្រាប់ ក្នុងជ័យជម្នះ ៣-២ លើក្រុម RB Leipzig កាលពីថ្ងៃអង្គារ បាននិយាយប្រាប់ក្រុម PSG ថា រូបគេចង់ចាកចេញពីក្លិបនៅក្របខ័ណ្ឌ Ligue 1 បារាំង កាលពីបញ្ចប់រដូវកាលដើម្បីទៅចូលរួមជាមួយក្រុមយក្សអេស្ប៉ាញ Real Madrid គឺ ១ ឆ្នាំមុនកុងត្រារបស់គេផុតកំណត់។
ប៉ុន្តែយ៉ាងណា ចុងក្រោយ Mbappe បានបន្តស្នាក់នៅជាមួយក្រុមដដែល ហើយខ្សែប្រយុទ្ធអន្តរជាតិបារាំងរូបនេះ បានដើរតួនាទីយ៉ាងសំខាន់ សម្រាប់ការសម្របខ្លួនរបស់កីឡាករ Messi នៅលើទីលាន ជាពិសេសការបញ្ជូនបាល់ដោយកែងជើងដ៏វៃឆ្លាត ដែលជួយឱ្យខ្សែប្រយុទ្ធសញ្ជាតិអាហ្សង់ទីន មានឱកាសស៊ុតបញ្ចូលទីគ្រាប់បាល់ដំបូងរបស់ខ្លួន ក្នុងជ័យជម្នះ ២-០ លើក្រុម Manchester City ក្នុងការប្រកួត នៅមុននេះ។
កាលពីយប់ថ្ងៃអង្គារ កីឡាករ Mbappe បានបង្កើតឱ្យមានបាល់ពិន័យ ១១ ម៉ែត្រ ដែលជាការផ្ដល់ឱកាសឱ្យកីឡាករ Messi រកបានគ្រាប់បាល់ទៀត ក៏ដូចជាគ្រាប់បាល់ជ័យជម្នះសម្រាប់ក្រុមអ្នកមាននៅបារាំង PSG ក្រោយមានលទ្ធផលស្មើគ្នា ២-២ ពីការប្រកួតដ៏គួរឱ្យជក់ចិត្តក្នុងកីឡដ្ឋាន Parc des Princes នាក្រុងប៉ារីសនេះ។
ក្នុងពេលកីឡាករ Messi និង Neymar អវត្តមានខ្សែប្រយុទ្ធ Mbappe ទទួលភារៈក្នុងការទាត់បាល់ប៉េណាល់ទីនេះ ពេលលេងទល់នឹងក្រុម Angers នៅ Ligue 1 តែកីឡាករវ័យ ២២ ឆ្នាំ រូបនេះ បាននិយាយថា ជារឿងធម្មតាសម្រាប់រូបគេក្នុងការដកខ្លួនថយ ហើយឱ្យអតីតខ្សែប្រយុទ្ធរបស់ក្រុម Barcelona ធ្វើតួនាទីនេះជំនួសវិញ។
តែយ៉ាងណាក្ដី នៅពេលក្រុម PSG ទទួលបានបាល់ពិន័យ ១១ ម៉ែត្រម្ដងទៀត ក្នុងម៉ោងបន្ថែមបង្គ្រប់កីឡាករ Messi បានប្រគល់កិច្ចការនេះឱ្យទៅ Mbappe ជាអ្នកធ្វើម្ដង តែគួរឱ្យស្ដាយ ដែលគ្រាប់បាល់ទី៤ មិនអាចកើតឡើងបាន ដោយសារបាល់ហោះរំលងរបារទី។
«វាជារឿងធម្មតា ដោយវាជាការផ្ដល់ការគោរព។ គាត់ជាកីឡាករល្អបំផុត ក្នុងលោក។ វាជាកិត្តិយសណាស់ ដែលមានគាត់មកលេងជាមួយពួកយើង ហើយខ្ញុំតែងតែនិយាយបែបហ្នឹងជានិច្ច។ មានការទាត់បាល់ពិន័យ ១១ ម៉ែត្រ ទី១ គាត់ជាអ្នកទាត់។ លើកទី២ គាត់ប្រាប់ឱ្យខ្ញុំទាត់»។ នេះជាការនិយាយរបស់កីឡាករ Mbappe។
សម្រាប់ការប្រកួតនេះក្រុម PSG បានប្រឹងប្រែងទប់ទល់នឹងក្រុម Leipzig ១ ដង ជា ២ ដង បន្ទាប់ពីត្រូវក្រុមទៅពីអាល្លឺម៉ង់ តាមស្មើនឹងគ្រាប់បាល់បើកឆាករបស់ Mbappe ហើយបន្ទាប់មក ក៏បាននាំមុខវិញ តែចុងក្រោយ ក៏សម្រេចបានជោគជ័យ ដោយសារខ្សែប្រយុទ្ធឆ្នើមទាំង ២ ដែលមើលទៅហាក់ដូចជាលេងដោយមិនបាត់វត្តមានកីឡាករមានរបួស Neymar អ៊ីចឹង។
ជ័យជម្នះនេះ នាំឱ្យក្រុម PSG មាន ៧ ពិន្ទុ ដើម្បីឈរទី១ ក្នុងពូល A និងនាំមុខ ១ ពិន្ទុ លើក្រុមលេខ ២ Manchester City របស់លោក Pep Guardiola ដែលធ្វើដំណើរទៅបំបាក់ក្រុមម្ចាស់ផ្ទះ Club Brugge ៥-១ នាការប្រកួតទី ៣ នេះ៕ AFP/VN
