The Phnom Penh Post Search

Search form

Logo of Phnom Penh Post newspaper Phnom Penh Post - Haaland រក​គ្រាប់​បាល់​បាន នៅ​ថ្ងៃ​ត្រឡប់​មក​វិញ ខណៈ Dortmund នៅ​តែ​តាម​ប្រកៀក​នឹង​ក្រុម​ទី ១​




Haaland រក​គ្រាប់​បាល់​បាន នៅ​ថ្ងៃ​ត្រឡប់​មក​វិញ ខណៈ Dortmund នៅ​តែ​តាម​ប្រកៀក​នឹង​ក្រុម​ទី ១​

Content image - Phnom Penh Post
Haaland ធាក់​បាល់​បញ្ចូល​ទី​ឱ្យ Dortmund​ នាំមុខ Wolfsburg ៣-១ អំឡុង​ការ​ប្រកួត នៅ Bundesliga កាល​ពី​ថ្ងៃ​សៅរ៍​។ AFP

Haaland រក​គ្រាប់​បាល់​បាន នៅ​ថ្ងៃ​ត្រឡប់​មក​វិញ ខណៈ Dortmund នៅ​តែ​តាម​ប្រកៀក​នឹង​ក្រុម​ទី ១​

ក្រុងប៊ែរឡាំង៖ កីឡាករ Erling Haaland អាច​ស៊ុត​បញ្ចូល​ទី​បាន នៅ​ថ្ងៃ​ត្រឡប់ពី​​ការ​មាន​របួសវិញ ខណៈ​ដែល​ក្រុម Borussia Dortmund នៅ​តែ​តាម​ដាក់​សម្ពាធ​លើ​ក្រុម Bayern Munich ដែល​កំពុង​ឈរ​ទី ១ នៅក្នុង​តារាង​ពិន្ទុនៃ​ក្រប​ខ័ណ្ឌ Bundesliga ជាមួយ​នឹង​ជ័យ​ជម្នះ ៣-១ នៅផ្ទះ​របស់​ក្រុម Wolfsburg កាល​ពី​ថ្ងៃ​សៅរ៍។

ខ្សែ​ប្រយុទ្ធ Haaland បាន​ទម្លុះ​សំណាញ់​ទី ដែល​ជា​គ្រាប់​ទី ៥០ របស់​ខ្លួន នៅ​​ Bundesliga ត្រឹម​តែ ៨ នាទី បន្ទាប់​ពី​ត្រូវ​បាន​ប្ដូរ​ចូល នៅ​វគ្គ​ទី ២ ដោយ​វា​ជាការ​ចូល​ទីលាន​ជាលើក​ទី ១ ក្រោយ​អវត្តមាន ៥ សប្ដាហ៍ ដោយសារ​របួស​ជើង​។

កីឡាករ​សញ្ជាតិន័រវែសរូបនេះ បានធាក់​បាល់​បញ្ចូល​ទី​ ពេល​កីឡាករ Julian Brandt លើក​កាត់​ចូល​ក្នុង​ប្រអប់​គ្រោះ​ថ្នាក់ ដោយ​បន្ថែម​ពី​លើ​គ្រាប់​បាល់​របស់កីឡាករ Emre Can (ប៉េណាល់ទី) និង​គ្រាប់​បាល់​របស់ Donyell Malen ខណៈ​ដែលគ្រាប់​បាល់​នាំមុខពី​កីឡាករ Wout Weghorst ទៅជា​ឥត​ន័យ ​សម្រាប់​​ក្រុម​ម្ចាស់ផ្ទះ Wolfsburg​។

«​យើង​បាន​បាត់​បង់​គាត់ (Haaland) នៅ​ប៉ុន្មាន​សប្ដាហ៍​ចុង​ក្រោយ​នេះ​។ គាត់​ជា​អាវុធ​ដ៏​ពិសេស​»​។ នេះ​ជា​សម្ដី​របស់​កីឡាករ Brandt ដែល​និយាយ​ទៅកាន់​ទូរទស្សន៍ Sky Sport បន្ទាប់​ពី​បាន​រួម​ចំណែក ក្នុង​គ្រាប់​បាល់​របស់កីឡាករ Haaland​។

ការ​ត្រឡប់​មក​វិញ​របស់​កីឡាករ Haaland នេះ គឺ​ជា​កម្លាំង​ជំរុញដ៏​ធំ​ ចំពោះ​ក្រុម Dortmund ពេល​ត្រូវ​ប្រឈម​ជាមួយ​ក្រុម Bayern នៅ​ផ្ទះ​ខ្លួន​ឯង នៅ​ចុង​សប្ដាហ៍​ក្រោយ ដែល​វា​ជា​ការ​ប្រកួត​ដ៏​សំខាន់​ ក្នុង​ការ​ឆក់​ឱកាស​ ដើម្បី​ឡើង​ទៅ​ទី ១ ក្នុង​តារាងពិន្ទុ​នៃ​លីគ​កំពូល​ ដោយ​​ពេល​នេះ ខុសគ្នា​តែ ១ ពិន្ទុ​ប៉ុណ្ណោះ​។

ជ័យ​ជម្នះនេះ កើត​មាន ៣ ​ថ្ងៃ​ ក្រោយ​ពី​ការ​រង​បរាជ័យ ៣-១ នៅ​ផ្ទះ​របស់​ក្រុម Sporting Lisbon បាន​បញ្ចប់​ក្ដីសង្ឃឹម​របស់​ក្រុម Dortmund ក្នុង​ការ​បាន​ឡើង​ទៅ​វគ្គ ១៦ ក្រុម​ចុង​ក្រោយ នៅ​ក្របខ័ណ្ឌ Champions League​។

«​យើង​ត្រូវ​តែ​បង្ហាញ​ឱ្យ​ឃើញ​នូវ​ប្រតិកម្ម​តប​ត​មួយ បន្ទាប់​ពី​បរាជ័យ ក្នុង​ហ្គេម កាល​ពី​ថ្ងៃ​ពុធ​នោះ​»​។ នេះ​ជា​សម្ដី​របស់​កីឡាករ Can ដែល​ត្រូវ​បាន​បណ្ដេញ​ចេញពី​ការ​ប្រកួត នៅ​ក្រុង​លីសបោន​៕ VN

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។