The Phnom Penh Post Search

Search form

Logo of Phnom Penh Post newspaper Phnom Penh Post - ទិវារត់​ប្រណាំង​អន្តរជាតិ​លើក​ទី​២៦ នៅអង្គរ ​ជា​ការ​ចាប់​ផ្តើម​​ឡើង​វិញនៃ​​សកមភាព​កីឡា​ និង​ទេស​ចរណ៍




ទិវារត់​ប្រណាំង​អន្តរជាតិ​លើក​ទី​២៦ នៅអង្គរ ​ជា​ការ​ចាប់​ផ្តើម​​ឡើង​វិញនៃ​​សកមភាព​កីឡា​ និង​ទេស​ចរណ៍

Content image - Phnom Penh Post
លោក Justin Helferich (រាប់ពីស្តាំ) លោក វ៉ាត់ ចំរើន និងលោក សែម ផល្លា ពេល​ថ្លែង នៅ​ក្នុង​សន្និសីទកាសែត កាលពី​ព្រឹកថ្ងៃ​ពុធ នៅ NOCC។ រូប​ថត សហការី

ទិវារត់​ប្រណាំង​អន្តរជាតិ​លើក​ទី​២៦ នៅអង្គរ ​ជា​ការ​ចាប់​ផ្តើម​​ឡើង​វិញនៃ​​សកមភាព​កីឡា​ និង​ទេស​ចរណ៍

ភ្នំពេញ៖ មន្រ្តីជំនាញ​របស់គណៈកម្មាធិការជាតិ​អូឡាំ​ពិកកម្ពុជា (NOCC) ​លោក វ៉ាត់ ចំរើន បាន​អះអាង​​នៅ​ក្នុងសន្និសិទកាសែត ថា ការ​រៀបចំ​ឱ្យ​មាន​ព្រឹត្តិការណ៍​រត់​ប្រណាំង​អន្តរជាតិ ពាក់​កណ្ដាល​ម៉ារ៉ាតុង ​លើក​ទី​២៦ នៅ​អង្គរ ​ដែល​យើង​សម្រេច​ជា​គោល​ការ ​ធ្វើ​នៅ​ថ្ងៃ​ទី ​២ ​ខែ​ មករា ​ឆ្នាំ​ ២០២២​ ​គឺ​ជា​ថ្ងៃ​ចាប់​ផ្តើម​សកម្មភាព​កីឡា ​និង​ទេស​ចរណ៍​ឡើង​វិញ​ ​ដោយ​ NOCC ទទួល​បាន​នូវ​​ការ​ឯក​ភាព​ពី​​លោក​នាយក​រដ្ឋ​មន្ត្រី​ ហ៊ុន សែន ​ស្តីពី​ការ​រៀប​ចំ​ព្រឹត្ដិការណ៍​កីឡា​ទេសចរណ៍​ឡើង​​វិញ​នេះ​។

​ជាមួយគ្នា​នេះ ការ​រៀបចំ​ឱ្យ​មាន​ទិវា​​រត់​ប្រណាំង​អន្តរជាតិ ពាក់​កណ្ដាល​ម៉ារ៉ាតុង ​នៅ​អង្គរ ឡើង​វិញ​នេះ ​បាន​ក្លាយ​​ជា​សារ​មួយ​ ដើម្បី​អំ​ពាវ​នាវ​ឱ្យ​​ប្រជាពល​រដ្ឋខ្មែរ និង​បរទេស​​រស់​នៅ​ ក្នុង​ស្រុកខ្មែរ ​ដែល​​មិនទាន់​បាន​​ចុះ​ឈ្មោះ​ គឺ​អាច​មក​ចុះ​ឈ្មោះ​ចូល​រួមរត់​ប្រណាំង​នេះ​បាន ដោយ​ការ​ទទួល​ពាក្យ​មាន​រយៈ​ពេល​មួយ​សប្តាហ៍​ទៀត​ ទើប​បិទបញ្ជី​។

​លោក ​វ៉ាត់ ​ចំរើន ​បាន​បន្ថែម​ថា៖ ​«​​យើង​ខក​ខានរៀបចំព្រឹត្តិការណ៍​កីឡា​​រយៈ​ពេល​ជិត ​២​ឆ្នាំ​ ហើយ​ឥឡូវ​នេះ ដល់​ពេល​យើង​ នាំ​គ្នាទៅ​មើល​មុខមាត់​ថ្មី ​នៃ​តំបន់​អង្គរវត្ត​ ប្រកប​ដោយ​ភាព​ស្រស់ស្អាត ភាព​បៃតង​ សួន​ច្បារ ​ជាដើម គឺ​យើង​ទាំងអស់​គ្នា អាច​ទៅ​កម្សាន្តផង​ រត់​ប្រណាំង ​ដើម្បី​សុខភាព​ជា​គ្រួសារ​ផង​»។

​«អ្វី​ដែល​ពិសេស ​នៃ​ទិវា​រត់​ប្រណាំង​អន្តរជាតិ លើក​ទី២៦ ​ឆ្នាំ​២០២២​នេះ​ គឺ​ការ​ស្តារ​ឡើងវិញ​ នូវ​វិស័យកីឡា-ទេសចរណ៍​សេដ្ឋកិច្ច​សង្គម ​ជា​មួយ​ការ​ចាក​ចេញ​បន្តិច​ម្តងៗ​ ពី​វិបត្តិ​ជំងឺ​កូវីដ ១៩ ​ហេតុ​នេះ​យើង​ទាំង​អស់​គ្នា ត្រូវ​ត្រៀម​លក្ខណៈ​ឱ្យ​បាន​ល្អ ដើម្បី​ជួយ​ជ្រោម​ជ្រែង​ការ​ឧបត្ថម្ភ​គាំទ្រ​ ទាំង​ស្មារតី ​ទៅលើ​ព្រឹត្តិការណ៍​កីឡា​ទេសចរណ៍​អន្តរជាតិ​មួយនេះ​ ដើម្បី​ទាញ​មក​វិញ​ នូវ​ការ​រីក​ចម្រើន​​ផ្នែក​សេដ្ឋកិច្ច​សង្គម និង​សេចក្តី​សង្ឃឹម​ជា​បន្ត​បន្ទាប់ ឆ្ពោះ​ទៅ​ស៊ី​ហ្គេម​ ឆ្នាំ​២០២៣​»​។​ លោក វ៉ាត់ ចំរើន បានបញ្ជាក់។

Content image - Phnom Penh Post

តាម​រយៈការ​រៀបចំ​ឱ្យមានការ​ប្រកួត​ឡើង​វិញនេះ NOCC ​និង​ក្រុមហ៊ុន ​Manulife និង​ដៃ​គូ​​ឧបត្ថម្ភ​គាំទ្រ​ទាំងអស់ បាន​​ប្តេជ្ញា​ចិត្តថា ​នឹងរួមគ្នា​​ធ្វើ​ឱ្យ​​ព្រឹត្តិការណ៍នេះ​ កាន់​តែ​ធំ និង​ទាក់ទាញ​ភ្ញៀវទេសចរណ៍ ​ព្រម​ទាំង​អ្នករត់​ប្រណាំង​អន្តរជាតិ​ឱ្យ​បាន​ច្រើន គឺ​​មាន​ចំនួន​​ជាង ​១ ម៉ឺននាក់ ដូច​កាល​មុន​កូវីដ១៩ មក​ដល់​​ ​​ព្រម​ទាំង​​ធ្វើ​​ឱ្យ​​បាន ៣ ម៉ឺន​នាក់ ​ក្នុង​រយៈពេល ​៥ ឆ្នាំ​ ឬ ១០​ឆ្នាំ​ខាងមុខ​។

លោក ​សែម ​ផល្លា​ នាយក​ចាត់ការ​ទូទៅ​ទិវា​រត់​ប្រណាំង​អន្តរ​ជាតិ​ពាក់​កណ្តាល​ម៉ារ៉ាតុង​អង្គរ បាន​អំពាវ​នាវ​ឱ្យ​​ប្រជាពលរដ្ឋ រួសរាន់​ចុះឈ្មោះ​ចូល​រួម​រត់​ប្រណាំង​នេះ​ឱ្យ​បាន​កាន់​តែ​ច្រើន​បន្ថែម​​ទៀត ដោយ​យើង​នៅ​បើក​ទទួល​ការ​ចុះឈ្មោះ​ ១ សប្តាហ៍​បន្ថែម​ទៀត​។

លោក​​បាន​បន្ត​ថា​៖​«គិត​មក​ដល់​ពេល​នេះ ​មាន​អ្នកចុះ​ឈ្មោះជិត​ ២០០០ នាក់ ហើយ ដូច្នេះ​ខ្ញុំ​សំណូម​ពរ​ឱ្យ​​បង​ប្អូន​ប្រជាពល​រដ្ឋ បន្ត​គាំទ្រ​ការ​រៀប​ចំ​ទិវា​នេះឡើង​វិញ​ឱ្យ​​បាន​ល្អ​ដូច​កាល​មុនៗ​។ កន្លង​មក ​គណៈកម្មការ​​បាន​កំណត់​ចំនួន​អ្នក​ចូល​រួម​ត្រឹម ២៥០០ ​នាក់​ប៉ុណ្ណោះ ដើម្បី​បង្ការ​ការ​ការ​រីក​រាល​ដាល​នៃជំងឺកូវីដ ១៩ ​ប៉ុន្តែ​ពេលនេះ​ មិន​កំណត់​តាម​ចំនួន​នេះ​ទេ ​ដោយ​បើក​ទូលាយ​​ច្រើន​ជាង​ចំនួន​កំណត់​ពី​មុន​»។

ចំណែក​លោក ​Justin Helferich ​អគ្គនាយក​ប្រតិបត្តិ និង​ជា​នាយកចាត់​ការ​ទូទៅ​ក្រុមហ៊ុន ​Manulife បាន​​ថ្លែង​ថា ក្រុមហ៊ុន​ ​បាន​​​បន្ត​ធ្វើ​ជា​ម្ចាស់​ឧបត្ថម្ភ​ធំ​ ក្នុង​ព្រឹត្តិការណ៍​រត់​ប្រណាំង​អន្តរជាតិ​មួយ​នេះ​ ​ដោយ​សេចក្តី​សោមនស្ស​រីករាយ​ ព្រោះក្រុម​ហ៊ុន បាន​​ជួយ​គាំ​ទ្រ​​ដល់​ព្រឹត្តិការណ៍​នេះ​ ​តាំង​ពី​ឆ្នាំ​ ២០១៤​ មក​ម្ល៉េះ៕

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។