The Phnom Penh Post Search

Search form

Logo of Phnom Penh Post newspaper Phnom Penh Post - Betis ផ្ដល់​បរាជ័យ​លើក​ដំបូង​ឱ្យ​ Barca ក្រោមការដឹកនាំ​របស់លោក Xavi




Betis ផ្ដល់​បរាជ័យ​លើក​ដំបូង​ឱ្យ​ Barca ក្រោមការដឹកនាំ​របស់លោក Xavi

Content image - Phnom Penh Post
Ousmane Dembele របស់ Barca ព្យាយាម​ស៊ុត​បាល់ អំឡុង​ការប្រកួត​ទល់​នឹង Betis នៅ La Liga កាល​ពី​ថ្ងៃ​សៅរ៍។ AFP

Betis ផ្ដល់​បរាជ័យ​លើក​ដំបូង​ឱ្យ​ Barca ក្រោមការដឹកនាំ​របស់លោក Xavi

ក្រុង​ម៉ាឌ្រីដ​៖ ក្រុម​អ្នក​មាន​បុណ្យ Barcelona បាន​រង​បរាជ័យ​ ជា​លើក​ដំបូង ​ក្រោម​ការ​ដឹក​នាំ​របស់​លោក Xavi Hernandez កាល​ពី​ថ្ងៃ​សៅរ៍ ខណៈ​ដែល​ការ​ចាញ់ ១-០ នៅ​ផ្ទះ​ខ្លួន​ឯង ដោយសារ​ក្រុម Real Betis នេះ បាន​ធ្វើ​ឱ្យ​ ក្តី​សង្ឃឹម​របស់​ពួក​គេ ក្នុង​ការ​តាម​ប្រជែង​​ចំណាត់​ថ្នាក់ ១ ក្នុង​ចំណោម ក្រុម​នៅ​ទី​​កំពូល​ទាំង​ ៤ នៅក្រប​ខ័ណ្ឌ La Liga ត្រូវ​ប៉ះ​ពាល់​យ៉ាង​ធ្ងន់​ធ្ងរ។

បរាជ័យ​​ដ៏​គួរ​ឱ្យ​ភ្ញាក់​ផ្អើល ក្នុង​ការ​ប្រកួត នៅកីឡដ្ឋាន Camp Nou នេះ ប៉ះ​ពាល់​យ៉ាង​ខ្លាំង​​ដល់​ការប្រឹង​ប្រែង​របស់​ក្រុម Barca ដើម្បី​ដណ្ដើម​សិទ្ធិ សម្រាប់បាន​ទៅ​លេង នៅ​ក្របខ័ណ្ឌ Champions League នៅ​រដូវ​កាល​ក្រោយ ពោល​គឺ ៤ ថ្ងៃ មុន​ពេល​ពួក​គេ ត្រូវ​ព្យាយាម​ជៀស​ឱ្យ​ផុត​ពី​ការ​ធ្លាក់ ត្រឹម​វគ្គ​សន្សំ​ពិន្ទុ​ តាម​ពូល​របស់​ក្រប​ខ័ណ្ឌ​អឺរ៉ុប​នេះ។ ក្រុម Barca ត្រូវ​តែ​ឈ្នះ នៅផ្ទះ​របស់​ក្រុម Bayern Munich នា​ថ្ងៃ​ពុធ​នេះ ដើម្បី​ប្រាកដ​ថា អាច​ឆ្លង​ទៅ​វគ្គ ​១៦ ក្រុម​ចុង​ក្រោយ​។

​គ្រាប់​បាល់​មក​ពី​ការ​​វាយ​​បក​​ដ៏​​អស្ចារ្យ​​របស់​​ក្រុម Betis ដែល​​​​បញ្ចប់​ទី​​ដោយ​កីឡាករ Juanmi នៅ​នាទី​ទី ៧៩ បាន​​ផ្ដល់​ឱ្យ​ក្រុម Barca ស្គាល់​រសជាតិ​​បរាជ័យ​​ជា​​លើក​​ទី ៤​ សម្រាប់​ការ​ប្រកួត ​ក្នុង​​លីគ​ នា​​រដូវ​​កាល​​នេះ​។

Content image - Phnom Penh Post
Juanmi (ឆ្វេង) ស៊ុត​បញ្ចូលទី​ឱ្យ Betis នាំ​មុខ Barca ១-០ អំឡុង​ការប្រកួត នៅ La Liga កាល​ពី​ថ្ងៃ​សៅរ៍។​ AFP

«​គ្រាប់​បាល់​នោះ​ បាន​ធ្វើ​ឱ្យ​ខ្ញុំ​ខឹង​សម្បា​យ៉ាង​ខ្លាំង ព្រោះ​យើង​បាន​ហ្វឹក​ហាត់​យ៉ាង​ខ្លាំង​ក្លា​ ដើម្បី​ទប់​ទល់​នឹង​ស្ថាន​ការ​ណ៍​បែប​នោះ​។ យើង​មិន​សម​ចាញ់​សោះ​»​។ នេះ​ជាការ​លើក​ឡើង​របស់​គ្រូបង្វឹក​ក្រុម Barca លោក Xavi។

លទ្ធផល​នេះ នាំ​ឱ្យ​ក្រុម​អ្នក​មាន​បុណ្យ មាន​គម្លាត​ ៦ ពិន្ទុ ពីក្រោយ​ក្រុមលេខ ៤ Atletico Madrid ដែល​ប្រកួត​ចាញ់ក្រុម Mallorca នៅ​ផ្ទះ​ខ្លួន​ឯង​​ដែរ ក្នុង​លទ្ធផល ២-១ ខណៈ​ដែល​ក្រុម​យក្ស​នៅ​តំបន់​កាតាឡាន់​នេះ តាម​ដល់​ទៅ ១៦ ​ពិន្ទុ​ ពី​ក្រោយ​ក្រុម​គូប្រជែង​ស្លាប់​រស់ Real Madrid ដែល​ឈរ​នៅ​លើគេ ក្នុង​តារាង​ពិន្ទ​នៃ​ក្របខ័ណ្ឌ La Liga។ ក្រុម Betis រំកិល​ឡើង​ទៅ​លេខ ៣ ក្រោយ​ពី​បាន​បន្ត​រក្សា​ដំណើរ​ដ៏​ល្អ​របស់​ខ្លួននេះ​ ១សប្ដាហ៍​ទៀត​​​៕ AFP/VN

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។