The Phnom Penh Post Search

Search form

Logo of Phnom Penh Post newspaper Phnom Penh Post - Saint-Etienne បញ្ចប់​តំណែង​របស់​លោក Puel ក្រោយ​ចាញ់​យ៉ាង​ដំណំ




Saint-Etienne បញ្ចប់​តំណែង​របស់​លោក Puel ក្រោយ​ចាញ់​យ៉ាង​ដំណំ

Content image - Phnom Penh Post
លោក Puel របស់ Saint-Etienne ឈរ​ឈ្ងោក​មុខ អំឡុងការ​ប្រកួត នៅ Ligue 1 ទល់​នឹង Rennes កាល​ពី​ថ្ងៃ​អាទិត្យ​។

Saint-Etienne បញ្ចប់​តំណែង​របស់​លោក Puel ក្រោយ​ចាញ់​យ៉ាង​ដំណំ

ក្រុង​ប៉ារីស​: លោក Claude Puel បាន​ក្លាយ​ជា​គ្រូបង្វឹក នៅ​ក្របខ័ណ្ឌ Ligue 1 ដំបូង​គេ ដែល​ត្រូវ​បាន​បញ្ចប់​តំណែង នៅ​រដូវ​កាល​នេះ ក្រោយ​ក្រុម​បាត​តារាង Saint-Etienne បាន​រង​បរា​ជ័យ​យ៉ាង​ចាស់​ដៃ ក្នុង​លទ្ធផល ៥-០ នៅ​ទឹក​ដី​ខ្លួន​ឯង ដោយសារ​ក្រុម​ Rennes កាល​ពី​ថ្ងៃ​អាទិត្យ​។

អតីត​អ្នក​ចាត់​ការ​របស់​ក្រុម Monaco, Lyon និង Leicester City រូប​នេះ បាន​ទទួល​ផល​ពី​ការ​​ឈ្នះ​ត្រឹម​តែ ២ ​ប្រកួត ក្នុង​ចំណោម ១៧ ​ហ្គេម នា​រដូវកាល​នេះ ដែល​ធ្វើ​ឱ្យ​ក្រុម Saint-Etienne នៅ​ពី​ក្រុម Metz ដោយ​សារខុស​គ្នា​​ចំនួន​គ្រាប់​បាល់​ ខណៈ​ដែល​ក្រុម​ទាំង ២ មាន ១២ ពិន្ទុ​ស្មើ​គ្នា​។

ក្រុម Saint-Etienne បាន​ចេញ​សេចក្តី​ថ្លែងការណ៍​ថា លោក Puel ត្រូវ​បាន​ដក​ចេញ​ពី​តួនាទី​របស់​គាត់ ដែល​ទទួល​បន្ទុក​ដឹក​នាំ​ក្រុម​ធំ រហូត​ដល់​មាន​ការ​ជូន​ដំណឹង​បន្ថែម​។ គាត់​នឹង​ជួប​ជាមួយ​អ្នក​គ្រប់​គ្រងក្លិប​នៅ​ថ្ងៃ​ចន្ទ​នេះ។ នេះ​មាន​ន័យ​ថា នឹង​​នាំ​ឱ្យ​មាន​នូវ​ការ​បញ្ចប់​ជាធរមាន សម្រាប់​​រយៈ​ពេល ២ ឆ្នាំ ​របស់​លោក Puel ក្នុង​ការ​​ទទួល​បន្ទុក​ដឹក​នាំ​​ក្លិបមួយ ដែល​ត្រូវ​បាន​ដាក់​លក់​ កាល​ពី​​ខែ​មេសា​។

«​លទ្ធផល​នោះ​ពិត​ជា​ធ្វើ​ឱ្យ​យើង​ឈឺចាប់​ណាស់​។ ការ​ចាញ់​នៅ​ផ្ទះ​ខ្លួន​ឯង ៥-០ ពិត​ជា​មិន​អាច​ទទួល​យក​បាន​នោះ​ឡើយ​។ យើង​មិន​ត្រូវ​បណ្ដោយ​ឱ្យ​ចាញ់​បែប​នោះ​ឡើយ​។ យើង​ត្រូវ​បង្ហាញ​ឱ្យឃើញ​នូវ​ក្រុម​មួយ​ដ៏​ខុស​ប្លែក​ចាប់​ពី​នេះ​ទៅ ព្រោះ​ថា​លទ្ធផផល​នោះ គឺ​បង្ហាញ​ថា យើង​អន់​ណាស់​»​។ នេះ​ជា​សម្ដី​របស់​ខ្សែ​បម្រើ Zaydou Youssouf ដែល​ប្រាប់​ទៅ​ប្រព័ន្ធ​ផ្សព្វផ្សាយ Prime Video​ ក្រោយ​ក្រុម Saint-Etienne ចាញ់​យ៉ាង​អាម៉ាស់​នេះ​៕ AFP/VN​

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។