The Phnom Penh Post Search

Search form

Logo of Phnom Penh Post newspaper Phnom Penh Post - ក្រុម Chelsea លើក​ពាន FA Cup ដើម្បី​ជាការ​បង្គ្រប់ ការ​ឈ្នះ​ជើងឯក ក្នុង ៣​ កម្មវិធី




ក្រុម Chelsea លើក​ពាន FA Cup ដើម្បី​ជាការ​បង្គ្រប់ ការ​ឈ្នះ​ជើងឯក ក្នុង ៣​ កម្មវិធី

Content image - Phnom Penh Post
ក្រុម​នារី Chelsea លើក​ពាន FA Cup ដើម្បី​ជាការ​បង្គ្រប់ ការ​ឈ្នះ​ជើងឯក ក្នុង ៣​ កម្មវិធី។ រូបថត AFP

ក្រុម Chelsea លើក​ពាន FA Cup ដើម្បី​ជាការ​បង្គ្រប់ ការ​ឈ្នះ​ជើងឯក ក្នុង ៣​ កម្មវិធី

ក្រុង​ឡុង​ដ៍​: ក្រុម​នារី Chelsea បានបញ្ចប់​ទាំងស្រុង​នូវ​រដូវ​កាល ២០២០-២០២១ របស់ខ្លួន ដោយ​ការ​ឈ្នះ​ពាន​ក្នុងស្រុក​ដល់​ទៅ ៣ បន្ទាប់ពី​កីឡាការិនី Sam Kerr ស៊ុត​បញ្ចូល​ទី ២ ​គ្រាប់​ម្នាក់ឯង ដើម្បី​រួមចំណែក​ជួយ​ឱ្យមាន​ជ័យជម្នះ ៣-០ លើ​ក្រុម Arsenal ពី​ការប្រកួត នៅ FA Cup ក្នុង​វគ្គ​ផ្ដាច់ព្រ័ត្រ កាលពី​ថ្ងៃអាទិត្យ​។​

​ចំពោះ​អ្នកគាំទ្រ ៤​ម៉ឺន​នាក់ នា​ពហុ​កីឡដ្ឋាន Wembley នេះ កីឡាការិនី Fran Kirby បានផ្ដល់​ឱ្យ​ក្រុម​នារី​តោ​ខៀវ​នូវ​គ្រាប់​បើកឆាក ក្នុង​រង្វង់​ប្រមាណ​ជា ៣​ នាទី នៅ​វគ្គ​ទី១ មុនពេល​កីឡាការិនី Kerr បន្ថែម ២ ​គ្រាប់​ផ្ទួនៗ​ពីលើ​ទៀត ក្នុង​វគ្គ​ទី២ ខណៈដែល​ក្រុម Chelsea គ្រប​ស​ង្គ​ត់​ស្ទើរ​ទាំងស្រុង​សម្រាប់​ការប្រកួត ក្នុង​វគ្គ​ផ្ដាច់ព្រ័ត្រ​នេះ​។​

​ជ័យជម្នះ​នេះ បាន​បង្គ្រប់​សព្វគ្រប់​នូវ​ការ​ឈ្នះ​ជើងឯក ៣​ កម្មវិធី សម្រាប់​ក្រុម​របស់​អ្នកគ្រូ​បង្វឹក Emma Hayes ដែល​បាន​លើក​ពាន​ក្របខ័ណ្ឌ Women's Super League (WSL) និង​ពាន League Cup កាលពី​រដូវ​កាល​មុន ព្រមទាំង​ឡើង​វគ្គ​ផ្ដាច់ព្រ័ត្រ ជា​លើកដំបូង នៅ​ក្របខ័ណ្ឌ Champions League​។​

​អ្នកចាត់ការ​ស្រី Hayes ថ្លែងថា​៖ «​ក្នុងការ​គិតថា យើង​គឺជា​មា្ច​ស់​ជយលាភី​ពានរង្វាន់​ដល់​ទៅ ៣ វា​ជា​សមិទ្ធផល​ដ៏​អស្ចារ្យ​។ យើង​មិនអាច​សុំ​អ្វី​បន្ថែមទៀត​ទេពី​កីឡាការិនី​ទាំងអស់ ហើយ​ខ្ញុំ​ពិត​ជាមាន​មោទនភាព​ណាស់​ចំពោះ​ពួក​គេ បុគ្គលិក និង​ក្លិប​ទាំងមូល​។ យើង​បាន​សាង​ក្រុម​នេះ​ក្នុង​រយៈពេល​ដ៏​យូរ ហើយ​ខ្ញុំ​គិតថា ថ្ងៃនេះ យើង​បាន​បង្ហាញថា ហេតុអ្វី​យើង​គឺ​ជើងឯក​»​។​

​ចំណែក​កីឡាការិនី​សញ្ជាតិ​អូស្ត្រាលី Kerr និយាយថា​៖ «​យើង​ចូលមក​កាន់ការ​ប្រកួត ក្នុងនាម​ជា​ក្រុម​រង ដូច្នេះយើង​ត្រូវមាន​ចំណុច ដើម្បី​ពិសោធ​ឱ្យ​ពួកគេ​ឃើញ ហើយ​យើង​កំពុង​ធ្វើឱ្យ​គ្រប់គ្នា​គាំង​។ ខ្ញុំ​បានធ្វើឱ្យ​គ្រប់គ្នា​ឃើញ ដោយ​ការ​ស៊ុត​បញ្ចូល​ទី តែ​អ្វីដែល​រឹតតែ​អស្ចារ្យ​ទៀត​នោះ គឺ​ខ្សែការពារ​របស់​យើង​។ នេះ​ជាការ​ប្រឹងប្រែង​រួមគ្នា​របស់​ក្រុម​។ ខ្ញុំ​ពិបាក​រង់់ចាំ​ឱ្យដល់​ពិធី​ជប់​​លៀង​ណាស់​»៕ AFP/VN​

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។