The Phnom Penh Post Search

Search form

Logo of Phnom Penh Post newspaper Phnom Penh Post - ទើប​ជា​ពី​របួស ឥឡូវ Kovacic តេស្ត​វិជ្ជមានជំងឺកូវីដ ១៩ ទៀត




ទើប​ជា​ពី​របួស ឥឡូវ Kovacic តេស្ត​វិជ្ជមានជំងឺកូវីដ ១៩ ទៀត

Content image - Phnom Penh Post
Kovacic របស់ Chelsea កំពុងសម្លឹង​មើល​បាល់ អំឡុងការ​ប្រកួត នៅ Champions League ទល់​នឹង Zenit កន្លង​មក។​ AFP

ទើប​ជា​ពី​របួស ឥឡូវ Kovacic តេស្ត​វិជ្ជមានជំងឺកូវីដ ១៩ ទៀត

ក្រុងឡុងដ៍​៖ ខ្សែ​បម្រើ​កណ្តាល​ Mateo Kovacic បាន​ធ្វើ​តេស្តវិជ្ជ​មាន​វីរុស​កូរ៉ូណា ពោល​គឺ​ត្រឹម​តែ ១​ ថ្ងៃ​ បន្ទាប់​ពី​បាន​វិល​ត្រឡប់​មក​ហ្វឹក​ហាត់​វិញ​។ នេះ​បើតាម​ការ​ឱ្យ​ដឹង​ពី​អ្នក​ចាត់​ការ​របស់​ក្រុម​តោ​ខៀវ Chelsea លោក​ Thomas Tuchel កាល​ពី​ថ្ងៃ​អង្គារ​។

កីឡាករ​វ័យ ២៧ ​ឆ្នាំ​ Kovacic បាន​អវត្តមាន តាំង​ពី​ចុង​ខែ​តុលា ហើយ​គ្រូបង្វឹក​លោក Tuchel បាន​រំពឹង​ថា នឹង​នាំ​រូប​គេ​វិលមក​មាន​សកម្មភាព នៅ​លើ​ទីលាន​វិញ នៅ​សប្ដាហ៍​នេះ​។ ជាមួយ​​គ្នា​នេះ ខ្សែ​បម្រើ​ដ៏​ស្វាហាប់ N'Golo Kante នៅ​តែ​មិន​អាច​ចូល​លេង​បាន​ដែរ ដោយសារ​បញ្ហា​ក្បាល​ជង្គង់​។

កីឡាករ Jorginho ត្រូវ​បង្ខំ​ចិត្ត​ជួយ​ក្រុមទាំង​មាន​បញ្ហា​ឈឺចាប់នៅ​ត្រង់​ខ្នង ហើយឥឡូវ​នេះ​​ នឹង​អវត្ត​មាន​ សម្រាប់​ជំនួបរបស់​​ក្រុម​តោ​ខៀវ ជាមួយ​​ក្រុម​ម្ចាស់​ផ្ទះ Zenit Saint Petersburg ក្នុង​ការ​ប្រកួត នៅក្របខ័ណ្ឌ Champions League នា​ថ្ងៃពុធ​នេះ ដែល​ធ្វើ​ឱ្យ​លោក Tuchel ខ្វះ​កីឡាករ ក្នុង​តំណែងបម្រើ​ការពារនេះ​​។

«​យើង​មាននូវ​ដំណឹង​អាក្រក់ ព្រោះ​កីឡាករ Mateo (Kovacic) កំពុង​ធ្វើ​ការ​ហ្វឹក​ហាត់ កាល​ពី​ម្សិល​មិញ (ថ្ងៃចន្ទ) ហើយ​ជា​រឿង​គួរ​ឱ្យ​រីក​រាយ​មែន​ទែន ដែល​រូប​គេ​ត្រឡប់​មក​វិញ​។ តែ​រូប​គេ​ ធ្វើ​តេស្ត​វិជ្ជមាន ចំពោះ​វីរុសកូរ៉ូណា នៅ​ថ្ងៃ​នេះ (ថ្ងៃ​អង្គារ) ដូច្នេះ គេ​ត្រូវ​នៅ​ដាច់​ដោយ​ឡែក​រយៈ​ពេល​ប៉ុន្មាន​ថ្ងៃ​។ ដូច្នេះ នេះ​គឺ​ជា​ផល​ប៉ះ​ពាល់​ដ៏​ធំ​មួយ ទាំង​សម្រាប់​រូប​គេ​ផ្ទាល់ និង​សម្រាប់​ពួក​យើង​ទាំង​អស់​គ្នា​»​។ នេះ​ជាការ​ពោល​ទាំង​សោក​ស្ដាយ​របស់​លោក Tuchel​។

ក្រុម Chelsea ដណ្ដើម​បាន​សិទ្ធិ​រួច​រាល់​ហើយ សម្រាប់​វគ្គ​ចាញ់​ធ្លាក់ នៅ ​Champions League នេះ ហើយ​នឹង​ត្រូវ​បាន​ឈរ​ទី ១ ក្នុង​ពូល H ប្រសិន​បើ​ស្មើ​ជាមួយ​ក្រុម​យក្ស​រុស្ស៊ី ឬ​ក៏ប្រសើរ​ជាង​លទ្ធផល​របស់​ក្រុម Juventus ទល់​នឹង​ក្រុម Malmo សម្រាប់​ហ្គេម​ចុង​ក្រោយ​ ក្នុង​វគ្គ​សន្សំ​ពិន្ទុ​តាម​ពូល​នេះ​៕ AFP/VN

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។