The Phnom Penh Post Search

Search form




Logo of Phnom Penh Post newspaper Phnom Penh Post - Lyon ជូន​ដំណើរ PSG រួច​ឡើង​វគ្គ​ផ្ដាច់ព្រ័ត្រ​ ត​ទល់ Barca នៅ Champions League នារី

Lyon ជូន​ដំណើរ PSG រួច​ឡើង​វគ្គ​ផ្ដាច់ព្រ័ត្រ​ ត​ទល់ Barca នៅ Champions League នារី

Content image - Phnom Penh Post
Renard (ស្ដាំ) តែតបាល់​បញ្ចូល​ទី​ឱ្យ Lyon នាំមុខ PSG ២-១ ក្នុងការប្រកួត នៅ Champions League វគ្គ ៤ក្រុម កាល​ពី​ថ្ងៃ​សៅរ៍​។

Lyon ជូន​ដំណើរ PSG រួច​ឡើង​វគ្គ​ផ្ដាច់ព្រ័ត្រ​ ត​ទល់ Barca នៅ Champions League នារី

ក្រុង​ប៉ារីស​: កីឡាការិនី Ada Hegerberg ទទួល​បាន​ការ​ចាប់​អារម្មណ៍ ខណៈ​ដែល​ក្រុម​គ្រង​ពាន ៧​សម័យ​កាល Lyon បានជូន​ដំណើរ (ទម្លាក់) ក្រុម​គូ​ប្រជែង​នៅ​បារាំង Paris Saint-Germain (PSG) កាល​ពីថ្ងៃសៅរ៍ ដើម្បី​រៀបចំ​ឱ្យ​មាន​ការ​ប្រកួត ក្នុង​វគ្គ​ផ្តាច់ព្រ័ត្រ នៃ​ក្របខ័ណ្ឌ Champions League របស់​នារី ជាមួយ​នឹង​ក្រុម​ការពារ​ជើងឯក Barcelona។

កីឡាការិនី Hegerberg និង​ប្រធាន​ក្រុម Wendie Renard បាន​ស៊ុត​បញ្ចូល​ទី​ម្នាក់ ១គ្រាប់ ទាំង ២វគ្គ ពោល​គឺ​នៅ​ចន្លោះ​គ្រាប់​បាល់​​របស់​ខ្សែប្រយុទ្ធ Antoinette Katoto ដែល​ជួយ​ឱ្យ​ក្រុម​ PSG តាម​ស្មើ ខណៈ​ដែល​ការ​ឈ្នះ​ ២-១ ពី​​ការ​ប្រកួត​ជើង​ទី ២ នេះ នាំ​ឱ្យ​ក្រុម Lyon ឆ្លង​ទៅ​វគ្គ​ដណ្ដើម​ពាន ជាមួយ​នឹង​​គ្រាប់​បាល់​សរុបទាំង ២​ជើង ៥-៣​។

ក្រុម​ជើង​ខ្លាំង​ទៅ​បារាំង​នេះ នឹង​ត្រូវ​ប្រឈម​ក្រុម​នារី Barca ក្នុង​វគ្គ​ផ្ដាច់​ព្រ័ត្រ នៃ​ទី​ក្រុង​ទូរីន​របស់​ប្រទេស​អ៊ីតាលី នាថ្ងៃ​ទី​២១ ខែ​ឧសភា បន្ទាប់​ពី​ក្រុម​ជើង​ឯក​លីគ​កំពូល​របស់​អេស្ប៉ាញ​ បាន​ទម្លាក់​ក្រុម Wolfsburg ជាមួយ​នឹង​លទ្ធផល​ ២ជើង ៥-៣ ដែ​រ​ ទោះ​បីជា​ជើង​ទី ២ ពួក​គេ​បាន​ចាញ់​ក្រុម​របស់​អាល្លឺម៉ង់ ២-០ ក៏​ដោយ​។

ការ​ប្រកួត ក្នុងវគ្គ ៤ក្រុម​ចុង​ក្រោយ​ នា​​កីឡដ្ឋាន Parc des Princes នេះ ត្រូវ​បាន​ទស្សនា ដោយចំនួន​មនុស្ស​ជា​កំណត់ត្រា​ថ្មី សម្រាប់ហ្គេម​ក្លិប​បាល់​ទាត់​នារី ក្នុង​ប្រទេស​បារាំង ៤៣ ២៥៤​នាក់ ដែល​មាន​រយៈ​ពេល ១​សប្តាហ៍ បន្ទាប់​ពី​ចំនួន​​កំណត់ត្រា​ពិភព​លោក ៩១ ៦៤៨​នាក់ បាន​ចូល​មក​មើល​ក្រុម Barca ឈ្នះក្រុម Wolfsburg ពី​ការ​ប្រកួត​ជើង​ទី ១ ក្នុង​ទឹក​ដី​ខ្លួន​ឯង​។

ក្រុម​ Lyon បាន​ធ្វើ​ដំណើរ​ឆ្ពោះ​មក​កាន់​ការ​ប្រកួត​ជើង​ទី ២ នេះ ជាមួយ​ការ​មាន​ប្រៀប ដោយសារ​មាន​ជ័យ​ជម្នះ ៣-២ នៅ​ផ្ទះ​ខ្លួន​ឯង ក្នុង​ជំនួប​ជើង​ទី ១ កាល​ពី​សប្ដាហ៍​កន្លង​ទៅ ក្នុង​ខណៈ​ដែល​កីឡាការិនី​សញ្ជាតិ​អាមេរិក Catarina Macario បាន​ស៊ុត​ម៉ៅ​ម្នាក់​ឯង ២គ្រាប់​។

Content image - Phnom Penh Post
កីឡាការិនី​របស់ Lyon នាំ​គ្នា​អបអរ ក្រោយ​ចប់​ការ​ប្រកួត នៅ Champions League វគ្គ ៤ក្រុម​ ទល់​នឹង PSG កាល​ពី​ថ្ងៃ​សៅរ៍​។

សម្រាប់​ការ​ប្រកួត នៅ​វគ្គ​ផ្ដាច់​ព្រ័ត្រ នា​ខែ​ក្រោយ​ វា​នឹង​ផ្ដល់​ឱកាស​ឱ្យ​ក្រុម Barca ដើម្បីធ្វើ​ការ​សង​សឹក ដែល​ត្រូវ​ក្រុម Lyon បំបាក់ ៤-១ ក្នុង​ជំនួប​ដ៏​ធំនេះ ក្នុង​ឆ្នាំ​២០១៩ នៅ​ឯ​ក្រុង​ប៊ុយដាប៉ែស​ របស់​ប្រទេស​ហុងគ្រី​។

លើស​ពី​នេះ​ទៀត ក្រុម​នារី​អ្នក​មាន​បុណ្យ ក៏​កំពុង​រំពឹង​ដល់​ការ​ការពារ​ជើង​ឯក​ ដែល​ពួក​គេ​បាន​ឈ្នះ​ជា​លើក​ដំបូង កាល​ពី​ឆ្នាំ​មុន នៅ​ពេលពួក​គេ​បាន​បំបាក់​ក្រុម​តោខៀវ​នារី Chelsea ៤-០ ក្នុង​វគ្គ​ផ្ដាច់​ព្រ័ត្រ នៅក្រុង Gothenburg​។

ចំណែក​ក្រុម Lyon ឡើង​ទៅ​វគ្គ​ផ្តាច់ព្រ័ត្រ នៅ Champions League ជា​លើក​ទី​១០ ក្នុង​ចំណោម ១៣​រដូវកាល ហើយ​ក៏​ត្រៀម​នឹង​ដណ្តើម​យក​ជើងឯក​លីគ​កំពូល​របស់​បារាំង​ពី​ក្រុម PSG មក​វិញ​ដែរ ដោយពេល​នេះ​កំពុង​នាំ​មុខ​ដាច់ ៥​ពិន្ទុ លើ​គូ​ប្រជែង ជាមួយ​នឹង​ការ​ប្រកួត​នៅសល់ ៣ដង​ទៀត​៕ AFP/VN

អត្ថបទគួរចាប់អារម្មណ៍