.jpg)
ក្រុងមេនឆេស្ទ័រ: ក្រុមបិសាចក្រហម Manchester United បានបន្ធូរបន្ថយកំហឹងនៃតវ៉ាថ្មីៗនេះរបស់អ្នកគាំទ្រ ប្រឆាំងនឹងគ្រួសារត្រកូល Glazers បានខ្លះ ខណៈដែលពួកគេមានជ័យជម្នះស្រួលៗ ៣-០ លើក្រុម Brentford កាលពីថ្ងៃចន្ទ។
សម្រាប់ក្លិបមានបញ្ហា Man United របស់លោក Ralf Rangnick ទើបឈ្នះជាលើកទី ២ ក្នុងចំណោមការប្រកួត ៧ លើក ដើម្បីអាចរក្សាបរិយាកាសកុំឱ្យប្រែក្លាយទៅជាអាប់អួក្នុងកីឡដ្ឋាន Old Trafford នេះ។
ខ្សែបម្រើ Bruno Fernandes បានស៊ុតបញ្ចូលទីនៅដើមវគ្គទី ១ ហើយស៊ុបភើស្តារ Cristiano Ronaldo ថែម ១ គ្រាប់ទៀត ដោយប៉េណាល់ទី នៅវគ្គទី ២ មុនពេលខ្សែការពារ Raphael Varane ធ្វើសម្រេចគ្រាប់ដំបូងឱ្យ Man United។
ទោះឈ្នះហ្គេមចុងក្រោយ ក្នុងផ្ទះខ្លួនឯងរបស់ពួកគេ នារដូវកាលនេះក៏ដោយ ក៏ក្រុម Man United នៅតែស្ថិតក្នុងចំណាត់ថ្នាក់លេខ ៦ ក្នុងតារាងក្របខ័ណ្ឌ Premier League ជាមួយការនៅសល់ ២ ប្រកួតទៀត។ ពួកគេកំពុងមានគម្លាតចំនួន ៥ ពិន្ទុ ពីក្រុមនៅទីកំពូលទាំង ៤ ដោយគ្មានសង្ឃឹមច្បាស់ណាស់ ក្នុងការបានសិទ្ធិទៅលេងក្របខ័ណ្ឌ Champions League រដូវកាលក្រោយ។
វាដូចជាគាប់ជួន ដោយនៅក្រោមមេឃពណ៌ប្រផេះ (មេឃអ័ព្ទ) និងពេញដោយភ្លៀង ដែលអ្នកគាំទ្រតវ៉ាប្រឆាំងនឹងម្ចាស់ក្លិបសម្អប់របស់ខ្លួន គឺគ្រួសារត្រកូល «Glazers» សម្រាប់ការប្រកួតក្នុងទឹកដីជាលើកទី ៣ ជាប់ៗគ្នា។ នៅខាងក្រៅកីឡដ្ឋាន មុនពេលចាប់ផ្តើមការប្រកួត អ្នកគាំទ្រ ១ ក្រុមបានលើកបដាប្រឆាំងគ្រួសារត្រកូល Glazer ដុតគ្រាប់បែកផ្សែងពណ៌ក្រហម និងបានស្រែកជេរប្រមាថដល់ម្ចាស់ក្លិប។
អ្នកគាំទ្រផ្សេងទៀតរបស់ ក្រុម Man United ត្រូវបានក្រុមបាតុករជំរុញឱ្យចាកចេញពីកីឡដ្ឋាន ពេលនៅសល់ ១៧ នាទីនៃការប្រកួត ពោលគឺ ១ នាទី តំណាងឱ្យរាល់ឆ្នាំ ដែលក្រុមហ៊ុនមានមូលដ្ឋាននៅអាមេរិកនាំមុខដោយត្រកូល «Glazers» បានចូលមកកាន់កាប់ក្លិប។ តែគំនិតនោះទទួលបាននូវការខកចិត្ត ខណៈដែលមានមនុស្សមួយចំនួនប៉ុណ្ណោះ ដែលងើបចេញពីកៅអី។
មានកៅអីទំនេរច្រើនជាងមុន ពេលដែលក្រុម Man United ដើរទះដៃ ក្រោយការប្រកួត តែគ្មានសញ្ញានៃការមិនពេញចិត្ត ចំពោះកីឡាករ ដែលធ្វើឱ្យលទ្ធផលមិនបានល្អរបស់ពួកគេ។
លោក Rangnick និយាយថា៖ «នោះជាការទម្រង់លេងដ៏ល្អ ១ ក្នុងចំណោមទម្រង់លេងដ៏ល្អបំផុតរបស់យើងឆ្នាំនេះ។ វាគឺជានៃទម្រង់លេង ដែលយើងចង់បង្ហាញទៅកាន់អ្នកគាំទ្ររបស់យើង»៕ VN
