The Phnom Penh Post Search

Search form




Logo of Phnom Penh Post newspaper Phnom Penh Post - Verstappen បានទាមទារ​បន្ថែមទៀត​ពី​ក្រុម Red Bull ក្រោយ​ឈ្នះ នៅ​ទីក្រុង​ម៉ៃ​អា​មី​

Verstappen បានទាមទារ​បន្ថែមទៀត​ពី​ក្រុម Red Bull ក្រោយ​ឈ្នះ នៅ​ទីក្រុង​ម៉ៃ​អា​មី​

Content image - Phnom Penh Post
Verstappen​​ របស់ Red Bull ​បានលើក​​បង្ហាញ នៅលើវេទិកា ក្រោយ​ឈ្នះ​កម្មវិធី Miami Grand Prix។ AFP

Verstappen បានទាមទារ​បន្ថែមទៀត​ពី​ក្រុម Red Bull ក្រោយ​ឈ្នះ នៅ​ទីក្រុង​ម៉ៃ​អា​មី​

​ក្រុង​ម៉ៃ​អា​មី​: កីឡាករ Max Verstappen បាន​អបអរ​នូវ​ការ​ឈ្នះ​ជា​លើក​ទី៣ របស់ខ្លួន នៃ​រដូវ​កាល​នេះ សម្រាប់​ការ​​ប្រណាំង​រថយន្ដ Formula One (F1)) 2022 ជាមួយនឹង​ជ័យជម្នះក្នុង​កម្មវិធី Miami Grand Prix កាលពី​ថ្ងៃអាទិត្យ ដោយ​បន្ទាប់មក​បានទាមទារ​ឱ្យ​ក្រុម Red Bull របស់ខ្លួន ដោះ​​ស្រាយ​ជាមួយនឹង​បញ្ហាដែល​អាច​ទុកចិត្តបាន​ភ្លាមៗ​។​

​កីឡាករ​សញ្ជាតិ​ហូ​ឡង់ Verstappen ឈ្នះ​ការប្រណាំង ៣ ដំណាក់​កាលដែល​រូបគេ​ដល់ទី​​ព្រ័ត្រ​ដោយ​ពេញលេញ​បរិបូរណ៍ នា​រដូវ​កាល​នេះ តែ​បរាជ័យក្នុង​ការបញ្ចប់​ទាំងស្រុងនៅ​ប្រទេស​បា​រ៉ែ​ន និង​អូស្ត្រាលី ដោយសារ​មាន​បញ្ហា​ទាក់ទង​​នឹង​ប្រេង​។​

​បញ្ហា​ពាក់​ទង​នឹង​ទឹក និង​ចំណោទ​ពាក់ព័ន្ធ​នឹងហ្វ្រាំ​ង​ខាង​ក្រោយ បាន​ក្លាយជា​ឧបសគ្គ​ដល់​កីឡាករ Verstappen ជាច្រើន​ជុំ ក្នុង​វគ្គ​ប្រកួត​សាកល្បង កាលពី​ថ្ងៃ​សុក្រ នៅ​ក្រុង​ម៉ៃ​អា​មីនេះ ដែល​ធ្វើឱ្យ​រូបគេ មាន​ព័ត៌មាន​តិចតួច​ពី​ផ្លូវ​ប្រណាំង មុន​ការប្រណាំង​ដណ្ដើម​ទីតាំងនៅ​ថ្ងៃ​សៅរ៍ ដែល​រូបគេ​ដណ្តើមបាន​ចំណាត់ថ្នាក់​លេខ ៣ នៅលើ​ទីលានប្រណាំង​។​

​ក្នុងការ​ប្រណាំង កាលពី​ថ្ងៃអាទិត្យ​នេះ រូបគេ​អាច​ចូល​យ៉ាង​លឿន ទៅ​នៅ​ពីមុខ​កីឡាករ Carlos Sainz របស់​ក្រុម​ប្រណាំង Ferrari ហើយ​បន្ទាប់មក នៅ​ជុំ​ទី៩ បាន​វ៉ា​កីឡាករ Charles Leclerc ដែល​បានចាប់ផ្តើម​ការប្រណាំង​ជាមួយនឹង​ទីតាំង​នាំមុខគេ​។​

«​វា​ជាការ​ត្រឡប់មកវិញ​បានល្អ​ណាស់​។ ខ្ញុំ​មិនបាន​ធ្វើការ​ចាប់ផ្តើម​នូវ​ការប្រណាំង​សាក​នោះឡើយ ដូច្នេះ ខ្ញុំ​មិនដឹងថា អ្វីដែល​ត្រូវ​រំពឹងទុក នៅក្នុង​ការ​​ចាប់ផ្តើម​ប្រណាំង​ឱ្យ​ពិតប្រាកដ​នោះទេ​។ តែ​យើង​មានការ​ចាប់​ផ្តើម​ដ៏​ល្អ ហើយ​ខ្ញុំ​បានឃើញ​ឱកាសក្នុងការ​ទៅ​ពីមុខ Sainz នៅ​កន្លែង​បត់ ១ ដូច្នេះ ខ្ញុំ​បាន​ព្យាយាម​។ សំណាងល្អ វាទ​ទួលបាន​ផល​»​។ នេះ​ជា​សម្ដី​របស់​កីឡាករ Verstappen​។​

​ទោះបីជា​កីឡាករ​វ័យ ២៤ ​ឆ្នាំ Verstappen ពិតជា​រីករាយ​ជាមួយនឹង​ជ័យជម្នះ​លើក​ទី២៣ នៃ​អាជីពក្នុងការ​ប្រណាំងនៅ F1 តែ​រូបគេ​មាន​ភាព​ឆន្ទៈ ក្នុងការ​រំឭក​ដល់​ក្រុម​របស់ខ្លួន​ថា ពួកគេ​ត្រូវតែ​ធ្វើ​ហ្គេម​របស់ខ្លួន​ឱ្យបាន​ប្រសើរ​ទៀត​។​

Verstappen បន្តថា​៖ «​ខ្ញុំ​មាន​បញ្ហា​ជាច្រើន កាលពី​ថ្ងៃ​សុក្រ និង​ជាពិសេស (​ការ​​ដណ្ដើម​សិទ្ធិ ដើម្បី​យក​ទីតាំង​) កាលពី​ម្សិលមិញ​។ ថ្ងៃនេះអ្វីៗ ល្អ​គ្រប់យ៉ាង​ជាមួយនឹង​ការចាប់ផ្តើម​ចេញដំណើរ តែ​វា​ក៏មាន​បញ្ហា​ដទៃ​ដូចគ្នា​ដែរ​។ ដូច្នេះ យើង​គ្រាន់តែ​ត្រូវ​ដោះស្រាយ​ឱ្យមាន​នូវ​ភាព​វិជ្ជមាន​ពិតប្រាកដនៅ​ចុង​សប្ដាហ៍ ដោយ​មិនមាន​បញ្ហា​អ្វី​ទាំងអស់​»​។​

​តែ​ក្រោយ​បញ្ចប់ ៥ ​ដំណាក់​​កាល សម្រាប់​ការប្រណាំង F1 រដូវ​កាល​នេះ ឃើញថា កីឡាករ Leclerc នៅ​ឈរ​ទី ១ ក្នុង​តារាង​ពិន្ទុសរុប ដោយមាន ១០៤ ​ពិន្ទុ ខណៈ Verstappen នៅ​លេខ ២ ជាមួយនឹង​ការ​មាន ៨៥ ​ពិន្ទុ ហើយ​អ្នក​លេខ ៣ គឺ​កីឡាករ Sergio Perez របស់​ក្រុម Red Bull ម្នាក់ទៀត ដែលមាន ៦៦ ​ពិន្ទុ​៕ AFP/VN

អត្ថបទគួរចាប់អារម្មណ៍