The Phnom Penh Post Search

Search form




Logo of Phnom Penh Post newspaper Phnom Penh Post - FIFA បញ្ជាក់ពី​ការ​ប្រកួត​ឡើងវិញ រវាង​ប្រេស៊ីល និងអាហ្សង់ទីន ក្នុងវគ្គ​ជម្រុះ World Cup

FIFA បញ្ជាក់ពី​ការ​ប្រកួត​ឡើងវិញ រវាង​ប្រេស៊ីល និងអាហ្សង់ទីន ក្នុងវគ្គ​ជម្រុះ World Cup

Content image - Phnom Penh Post
Lionel Messi (ឆ្វេង) របស់​អាហ្សង់ទីន និង Neymar របស់ប្រេស៊ីល កំពុងឈរ ក្រោយមាន​ភាព​រញ៉ែរញ៉ៃ អំឡុងការប្រកួត ក្នុង​វគ្គជម្រុះ World Cup នាពេលកន្លងមក​។

FIFA បញ្ជាក់ពី​ការ​ប្រកួត​ឡើងវិញ រវាង​ប្រេស៊ីល និងអាហ្សង់ទីន ក្នុងវគ្គ​ជម្រុះ World Cup

ក្រុង​ប៉ារីស​: សហព័ន្ធ​បាល់ទាត់​ពិភពលោក (FIFA) កាល​ពី​ថ្ងៃ​ចន្ទ បាន​ធ្វើ​ការ​បញ្ជាក់​ថា ការ​ប្រកួត​ជម្រុះ World Cup 2022 ដែល​ត្រូវបាន​ពន្យារ​ពេល រវាង​ប្រេស៊ីល និង​អាហ្សង់ទីន នឹង​ត្រូវ​លេង​ឡើង​វិញ បន្ទាប់​ពី​បាន​ច្រាន​ចោល​ការស្នើ​ពី​សហព័ន្ធរបស់​ប្រទេស​ទាំង ២​។

មន្ត្រី​សុខា​ភិបាល​របស់​ប្រេស៊ីល បាន​សម្រុក​ចូល​ទី​លាន រយៈ​ពេល​ ៧​នាទី កាល​ពី​ថ្ងៃ​ទី ៥ ខែ​កញ្ញា អំឡុង​ការ​ប្រកួទ រវាង​ក្រុម​យក្ស នៅ​តំបន់​អាមេរិក​ឡាទីន (អាមេរិក​ខាងត្បូង) នៅ​ទី​ក្រុង​សៅប៉ូឡូ ដោយ​បាន​ធ្វើ​ឱ្យ​ហ្គេម​ត្រូវ​បញ្ឈប់ និង​បង្ក​ឱ្យ​មាន​ការ​ប្រកែក​តវ៉ា​គ្នា​យ៉ាង​រញ៉ែរញ៉ៃ រវាង​មន្ត្រី និង​កីឡាករ​របស់​ក្រុម​។

យោង​តាម​ស្ថាប័ន​តាម​ដាន​សុខភាព​ជាតិ​ (ANVISA) របស់​ប្រទេសប្រេស៊ីល កីឡាករ​អាហ្សង់ទីន ៤ នាក់ ដែល​ប្រកប​អាជីព​ជាមួយ​ក្លិប នៅ​អង់គ្លេស នាពេល​នោះ គួរ​តែ​ត្រូវ​បាន​ដាក់​ឱ្យ​នៅ​ដាច់ដោយឡែក​ពី​គេ​ភ្លាម​ៗ ពី​បទ​រំលោភ​លើ​នីតិវិធី​ទប់​ស្កាត់​ជំងឺ​កូវីដ ១៩​។

FIFA កាល​ពី​ខែ​កុម្ភៈ បាន​បញ្ជាឱ្យ​ធ្វើ​ការ​ប្រកួត​ឡើង​វិញ និង​ពិន័យ​កីឡាករ Cristian Romero ហើយ​បន្ទាប់​មក​មិត្ត​រួម​ក្រុម Tottenham Hotspur គឺ​កីឡាករ Giovani Lo Celso និង​ព្រម​ទាំង​កីឡាករ Emiliano Martinez របស់​កីឡាករ Aston Villa និង Emiliano Buendia ចំនួន ២ប្រកួត​។

ជាមួយ​គ្នា​នេះ ស្ថាប័ន​គ្រប់គ្រង​បាល់ទាត់​ពិភពលោក​មួយ​នេះ ក៏​បាន​ធ្វើ​ការ​ពិន័យ​ជា​បន្ត​បន្ទាប់ ចំពោះ​សហព័ន្ធ​បាល់ទាត់​ជាតិ​ទាំង ២ ដូចគ្នា​ដែរ ដែល​ជំរុញ​ឱ្យ​សហព័ន្ធ​ទាំង ២ ប្តឹង​ឧទ្ធរណ៍​។ គណៈ​កម្មាធិការ​ផ្នែក​វិន័យ​របស់ FIFA បាន​តម្កល់​​ប្រាក់​ពិន័យ​​ចំនួន ៥០ ០០០​ ហ្វ្រង់ស្វីស ($៥០,៣៤២​) ដែល​ត្រូវ​បាន​ធ្វើ ចំពោះ​ក្រុម​​ទាំង ២ ដោយ​សារ​ការ​ផ្អាក​ នៃ​ការ​ប្រកួត​នោះ​។

តែ​យ៉ាងណាក្ដី ស្ថាប័ន ​បាន​កាត់​បន្ថយ​ចំនួនប្រាក់​ពិន័យ​ ៥០ ០០០០ ​ហ្វ្រង់​ស្វីស (ជាង $៥០ ម៉ឺន) ដាច់​ដោយ​ឡែក​ពី​គ្នា ដោយ FA របស់​ប្រេស៊ីល​ចំនួន ២៥ ០០០០​ ហ្វ្រង់ស្វីស ($២៥១ ៩០០) ហើយ​បាន​បន្ថយ​ការ​ផាក​ពិន័យ​ដំបូង ចំពោះ FA របស់​អាហ្សង់ទីន ពាក់​កណ្តាល​ចំនួន ២០ ០០០០ ហ្វ្រង់ស្វីស ($២០១ ៦០០)​។

សហព័ន្ធ​បាល់ទាត់​របស់​ប្រទេសអាហ្សង់ទីន បាន​និយាយ​ថា ខ្លួន​នឹងស្នើ​សុំ​ហេតុ​ផល នៅ​ថ្ងៃ​នេះ សម្រាប់​ការ​សម្រេច​ចិត្ត​ទាំង ២ មុន​ពេល​ប្តឹង​ឧទ្ធរណ៍​ទៅ​តុលាការ​អាជ្ញា​កណ្តាលកីឡា ប្រឆាំង​នឹង​ការ​ផាក​ពិន័យ​ជា​លើក​ទី២ របស់​ខ្លួន និង​ការ​លេង​ការប្រកួត​ឡើង​វិញ​នេះ។

ទាំង​ក្រុម​ជម្រើសជាតិ​ប្រេស៊ីល និង​អាហ្សង់ទីន ដណ្ដើម​បាន​សិទ្ធិទៅលេង​ ក្នុង​ព្រឹត្តិការណ៍ World Cup ដែល​នឹង​កើត​ឡើង នៅ​ចុង​ឆ្នាំ​នេះ ក្នុង​ប្រទេស​កាតា​៕​​ AFP/VN

អត្ថបទគួរចាប់អារម្មណ៍