The Phnom Penh Post Search

Search form

Logo of Phnom Penh Post newspaper Phnom Penh Post - កុប្បកម្មនានា បានផ្ទុះ​ឡើ​ងភ្លាម​ៗនៅ​កណ្តាល​ទីក្រុង Brussel ក្រោយ​ម៉ា​​រ៉ុក ផ្តួលបែលហ្ស៊ិក

កុប្បកម្មនានា បានផ្ទុះ​ឡើ​ងភ្លាម​ៗនៅ​កណ្តាល​ទីក្រុង Brussel ក្រោយ​ម៉ា​​រ៉ុក ផ្តួលបែលហ្ស៊ិក

Content image - Phnom Penh Post
អ្នក​គាំទ្រម្នាក់ កាន់​ទង់​ជាតិ​ប្រេ​ម៉ា​រ៉ុក នៅកន្លែង​ផ្ទុះ​កុប្បកម្ម ក្រោយពី​ក្រុម​ជម្រើស​ជាតិ​បែលហ្ស៊ិក បាន​រង​បរា​ជ័យ​ក្នុងលទ្ធ​ផល ២-០ ក្រោម​ស្នា​ដៃក្រុម​ជម្រើស​ជាតិ​ម៉ា​រ៉ុក កាលពីថ្ងៃ​ទី​២៧ ខែ​វិច្ឆិកា​។ AFP

កុប្បកម្មនានា បានផ្ទុះ​ឡើ​ងភ្លាម​ៗនៅ​កណ្តាល​ទីក្រុង Brussel ក្រោយ​ម៉ា​​រ៉ុក ផ្តួលបែលហ្ស៊ិក

កុប្ប​ករ​ជា​ច្រើន​នាក់ បាន​ដុត​រថយន្ត​ ដុត​ម៉ូតូ និង​​គប់​ដុំ​ឥដ្ឋ ទៅកាន់​រថយន្តនានា ក្នុង​ទីក្រុង Brussels ក្រោយពី​​ក្រុម​បាល់ទាត់​ជម្រើស​ជាតិ​បែលហ្ស៊ិក បាន​រង​បរា​ជ័យ​ដ៏មិននឹកស្មានដ​ល់​ក្នុងលទ្ធ​ផល ២-០ ក្រោមស្នា​ដៃក្រុម​ជម្រើស​ជាតិ​ម៉ា​រ៉ុក ក្នុងការ​ប្រកួត​ព្រឹត្តិការណ៍ World Cup ក្នុង​ប្រទេស​កា​តា កាលពីថ្ងៃ​អាទិត្យ​ ទី​ ២៧ ខែ​វិច្ឆិកា​។

ប៉ូលិសបាន​បង្ខំ​ចិត្ត​បិទ​ផ្លូវ​នានា នៅកណ្តាល​រដ្ឋ​ធានីនៃ​ប្រទេស​បែលហ្ស៊ិក និង​បាន​ដាក់ពង្រាយ​ក្រុម​បាញ់​ទឹក និង​ឧស្ម័ន​បង្ហូរ​ទឹកភ្នែក ដើម្បី​បំបែកក្រុម​កុប្បកម្ម ក្រោយពី​​ការផ្ទុះ​អំពើ​ហិង្សា​នេះ​។ បើ​យោង​ទៅ​តាម​ការ​បញ្ជាក់​របស់​ប៉ូលិស​ក្រុង អ្នក​​កា​សែត​ម្នាក់ បាន​រង​របួស​ចំផ្ទៃ​មុខ ដោយ​សា​តែ​កាំជ្រួច​។

លោក Philippe Close អភិបាល​ក្រុង Brussels បានអំពាវនា​វឲ្យ​ប្រជា​ពល​រដ្ឋ នៅ​ឲ្យឆ្ងាយ​ពី​តំបន់​កណ្តាលនៃ​ទីក្រុង​នេះ ដោយ​បន្ថែម​ថា ក្រុម​អាជ្ញា​ធរ កំពុង​តែ​​​ព្យា​យាម​រក្សា​សណ្តាប់​ធ្នាប់​តាម​ដង​វិថីនានា​។

លោក Close បាន​សរសេរ​នៅលើ​បណ្តាញ​សង្គម Twitter ​ថា៖ «ខ្ញុំ​សូម​ថ្កោល​ទោស​ដាច់​ខាត ចំពោះ​ហេតុការណ៍​នានានៅ​រសៀលនេះ​។ ប៉ូលិស បាន​ធ្វើ​អន្ត​រាគមន៍​យ៉ាង​​រឹង​មាំ​រួច​ជាស្រេច​។ ហេតុនេះ ខ្ញុំ​ណែនាំ​ឲ្យ​ប្រឆាំង​នឹង​អ្នក​គាំទ្រ​ដែល​ចូល​ទៅកាន់​កណ្តាល​ទីក្រុង​នេះ​។ ប៉ូលិស កំពុង​តែ​អនុ​វត្តន៍​រាល់នីតិវិធី​​របស់​ខ្លួន​ដើម្បី​រក្សា​សណ្តាប​ធ្នាប់​សាធារណៈ​»។

ប៉ូលិសបាន​បញ្ជាក់​ មនុស្ស​ចំនួន​ ១១ នាក់ ត្រូវ​បាន​ឃាត់​ខ្លួន ខណៈ​ដែល​​មនុស្ស​ម្នាក់ កំពុង​តែ​ឃុំ​ខ្លួនក្នុង​មន្ទីរ​ឃុំ​ឃាំង​។ ជា​មួយ​គ្នានេះ ស្ថានីយ​រថ​ភ្លើង​នានា ត្រូ​វ​បាន​បិទ ហើយ​វិធី​នានា ក៏​ត្រូវ​បាន​បិទ​ផង​ដែរ ដើម្បី​​គ្រប់គ្រង​អំពើ​ហិង្សា​។

Content image - Phnom Penh Post
កីឡាករ​នៃក្រុម​ជម្រើស​ជាតិ​បែលហ្ស៊ិក បញ្ចេញ​ប្រតិ​កម្ម ក្រោយពី​ការ​ប្រកួត​ World Cup ពូល F រវាងក្រុម​ជម្រើស​ជាតិ​បែលហ្ស៊ិក និង​ម៉ា​រ៉ុក កាលពីថ្ងៃ​ទី​ ២៧ ខែ​វិច្ឆិកា ឆ្នាំ​ ២០២២។ AFP

លទ្ធផល​ចាញ់​នេះ មានន័យ​ថា ក្រូ​អាស៊ី ត្រូវ​ការ​ត្រឹម​តែ​ស្មើ​ប៉ុណ្ណោះ ពេល​ជួប​ជាមួយនឹង​បែលហ្ស៊ិក នៅ​ថ្ងៃ​ព្រហស្បតិ៍ ក្នុងការ​ប្រកួត​ចុងក្រោយ​ក្នុងពូល​របស់​ពួក​គេ​ ដើម្បី​ឈាន​ទៅ​វគ្គ​បន្ត ប៉ុន្តែ បែលហ្ស៊ិក ដែល​​បាន​ឈាន​ទៅ​​វគ្គ​ពាក់​កណ្តាល​ផ្តាច់​ព្រ័ត្រ ក្នុង​ឆ្នាំ​ ២០១៨ ចាំ​បាច់​ត្រូវ​តែ​ដណ្តើម​ឲ្យ​បាន​ជ័យ​ជម្នះ ដើម្បី​​មាន​ឱកាស​ទៅ​វគ្គ​ ១៦ ​ក្រុម​ចុងក្រោយ​។

ជាមួយ​គ្នានេះ គ្រាប់​បាល់​ស៊ុត​បញ្ចូល​ទីនៅ​ជិត​បញ្ចប់ការ​ប្រកួត​ពី​កីឡាករ​បម្រុង Niclas Fuellkrug បាន​ជួយ​ឲ្យ​ក្រុម​បាល់ទាត់​ជម្រើស​ជាតិ​​អាល្លឺម៉ង់ ដណ្តើម​បានលទ្ធ​ផល​ស្មើ ១-១ ជា​មួយនឹងក្រុម​បាល់ទាត់​ជម្រើស​ជាតិ​អេ​ស្ប៉ាញ ខណៈ​ដែលក្រុម​ម្ចាស់​​ជើង​ឯក​ ៤ ​សម័យកាល មួយនេះ បានរក្សា​ក្តី​សង្ឃឹម​របស់​ខ្លួន​ក្នុង​ព្រឹត្តិការណ៍ World Cup​។

ការ​ដណ្តើម​បានលទ្ធ​ផល​ស្មើ ១-១ របស់​អាល្លឺម៉ង់ មានន័យថា ក្រុមដែលមាន​រហស្ស​នាម​ថា ​ឥន្ទ្រីដែកមួយនេះ ត្រូវ​តែ​ផ្តួល​កូ​ស្តា​រីកា ក្នុង​ការ​ប្រកួត​ចុងក្រោយ​របស់ពួក​គេ នៅ​ថ្ងៃ​ព្រហស្បតិ៍ ដើម្បីមាន​ឱកាស​ទៅ​វគ្គ​ ១៦​ ក្រុម​ចុងក្រោយ​៕ AFP

អត្ថបទគួរចាប់អារម្មណ៍