.jpg)
តួយន្តហោះបូអុីង ត្រូវបានបញ្ឈរសម្ញែងរាងលើភ្នំឆ្នេរសមុទ្រកោះបាលី។ រូបថត AFP
កោះបាលី: យន្តហោះបូអ៊ីងចាស់ដែលលែងដំណើការ ត្រូវបានស្ទូចដាក់បន្តុបលើកំពូលភ្នំឯឆ្នេរសមុទ្រកោះបាលី បំណងទាក់ទាញភ្ញៀវទេសចរមកកាន់ដែនកោះរងការវាយប្រហារដោយវិបត្តិកូរ៉ូណា។
សប្ដាហ៍មុន កម្មកររាប់សិបនាក់បានប្រើប្រាស់ដងសន្ទូច ដំឡើងតួ-យន្តហោះបូអ៊ីង ៧៣៧ នៅលើកំពូលភ្នំក្បែរឆ្នេរ Nyang Nyang។
លោក ហ្វីលីក ដឺមីន ជាម្ចាស់យន្តហោះ គ្រោងនឹងកែច្នៃតួយន្តហោះទៅជាកន្លែងស្នាក់នៅរបស់ទេសចរ ដោយរំពឹងថា វានឹងក្លាយជាកន្លែងថតរូបដ៏ពេញនិយមបំផុត។
លោកនិយាយថា ភាពទាក់ទាញនេះនឹងរួមចំណែកស្ដារវិស័យទេសចរណ៍កោះបាលី ដែលញ៉ាំញីដោយការបិទព្រំដែនភ្ញៀវអន្តរជាតិ ដោយសារតែវិបត្តិកូវីដ។
អ្នកជំនួញរុស្ស៊ី និងជាពលរដ្ឋនៅកោះបាលីរូបនេះបានប្រាប់ទីភ្នាក់ងារ AFP ថា៖ «បំណែកយន្តហោះនេះហៀបនឹងត្រូវបានគេលក់អេតចាយនៅប្រទេសចិន នៅពេលដែលយើងបានទិញវាយកមក»។
ការដឹកជញ្ជូនត្រូវចំណាយពេល ១ សប្ដាហ៍ មុននឹងបំណែកយន្តហោះបានទៅកាន់កំពូលភ្នំ ជាទីពោរពេញដោយទេសភាពឆ្នេរសមុទ្រខៀវថ្លាដ៏ស្រស់ស្អាតនៃដែនកោះបាលី។
លោក ដឺមីន បានបន្តថា គម្រោងនេះចូលរួមផ្ដល់ក្ដីសង្ឃឹមដល់ពលរដ្ឋនៅបាលី ប៉ុន្តែអ្នកប្រើប្រាស់បណ្ដាញសង្គមមួយចំនួនបានរិះគន់ថា វត្តមានយន្តហោះធំចង្គ្រោងធ្វើឱ្យបាក់សម្រស់ទេសភាពឆ្នេរធម្មជាតិទៅវិញ។
អាជ្ញាធរនៅកោះបាលី បានបន្ធូរបន្ថយវិធានការរឹតបន្តឹងនានាក្នុងតាំងពីសប្ដាហ៍មុន បន្ទាប់ពីកោះបាលីមានការរើបឡើងវិញនូវករណីឆ្លង និងស្លាប់ដោយសារជំងឺកូវីដ ១៩។
ដែនកោះនេះធ្លាប់ទាក់ទាញភ្ញៀវទេសចរបរទេសរាប់លាននាក់ជារៀងរាល់ឆ្នាំ ហើយបាននិងកំពុងជំរុញយុទ្ធនាការវ៉ាក់សាំង ដើម្បីប្រោសព្រំវិស័យទេសចរណ៍ដែលដាំក្បាលរបស់ខ្លួន៕ AFP/HR
