ត្បូងឃ្មុំៈផ្ដើម​ចេញពីកា​រស្រ​លាញ់​ចូល​ចិត្ត​ការ​ដើ​រកម្សាន្តលោក រឿន ថាវរ័ត្ន​ ​ដែល​ជា​កសិករ​នៅក្នុងស្រុកក្រូចឆ្នារ ខេត្តត្បូងឃ្មុំ បា​ន​កែប្រែ​ទី​​តាំង​ដីបឹង​ដែល​ធ្លាប់​តែដាំឈូក​​ ​ទៅជា​តំបន់​​ទេ​​ស​ចរ​ណ៍បែ​បធម្ម​ជា​តិ​ដ៏ស្រ​ស់​ត្រកា​ល​។​

យ៉ាងណាក្តីត្រឹម​តែ​ការ​ស្រ​លាញ់​តែ​ ១​ មុខ ​ក៏​មិ​ន​​អាច​ធ្វើឱ្យ​កសិករ​រូបនេះ ​អាច​​ឈា​​នទៅ​ប​ង្កើត​តំ​បន់​ទេ​សច​រណ៍​មួយ​បា​នដែ​រ ​ដោ​យទា​ម​ទារ​នូ​វ​ធ​ន​ធាន​ ​បូក​រួម​នឹង​​គំនិ​ត​ច្នៃ​ប្រឌិ​ត​ ទើប​​អា​ចកែ​ប្រែ​តំប​ន់​នោះ​ឱ្យមា​ន​ភា​ពទា​ក់​ទា​ញ​។ ​

​ធ​នធាន​ដែល​លោ​ក ថាវរ័ត្ន​ ​​មា​នជា​យូ​រម​ក​ហើ​យ គឺ​​ជា​ដី​បឹង​ដែល​លោកដាំឈូក ​និងដីស្រែ​​សម្រាប់​ធ្វើស្រូវ។

ជា​ទ​ម្លា​ប់​គឺ​​លោ​ក​ថាវរ័ត្ន​ និង​គ្រួ​សារ​ បា​​ន​ប្រើ​ប្រា​ស់ដី​នេះ ​ដាំឈូក​យក​ផ្លែ​​ ដើ​ម្បីប​ង្កើ​ន​ចំណូ​ល​បន្ថែ​ម​ ពី​លើ​​​ចំណូ​ល​លក់​ផ្លែ​ឈូក​។​ ប៉ុន្តែ នៅពេលក្រោយ​មក​ ក​សិក​រដែ​ល​ជាម្ចា​ស់​បឹង​នេះ ​បា​ន​នឹក​ឃើ​ញនូ​វ​គំនិ​ត​រៀ​បចំ​​ទីតាំងដី​រ​បស់​ខ្លួន​ឱ្យក្លាយ​ទៅ​ជារ​ម​ណីយ​ដ្ឋា​ន​​ទេ​ស​ច​រ​ណ៍​។​

បឹង​​តាមបែបលក្ខណៈ​ធម្មជាតិ ដែ​ល​មាន​ផ្កា​ឈូកដុះ​​រីក​ស្កុះស្កា​យយ៉ា​ង​ស្រស់​ស្អា​ត​នេះ ​ត្រូ​វបា​ន​ប​ង្កើ​ត​ឡើ​ង​ក្នុ​ង​ឆ្នាំ ​២​​០២​០ ​ដោ​យក្រុ​ម​គ្រួ​សារ​រ​បស់ក​សិក​រ​ រឿន ថា​វរ័​ត្ន​ បា​ន​ចំណា​យ​ប្រា​ក់​ក្នុ​ង​ការ​រៀ​ប​ចំ​អស់​ជិ​ត​ ១​ម៉ឺន​ដុ​ល្លា​រ។

​​ដើ​មទុ​ន​នៃ​ការ​រៀ​ប​ចំនេះ​អ​ស់​ច្រើន​ ក៏​ដោ​​យសា​រ​តែទី​ធ្លា​រប​ស់​​ស្រះទឹក​​​​មាន​ទំ​ហំធំ​ ​ហើយ​ស​ភាព​ផ្លូ​វក៏មិ​ន​អំណោ​យផ​ល​សម្រា​ប់ដើរ​ដែ​រ ​ម្លោះហើ​យលោ​កត្រូ​វចំ​​ណា​​​យលើ​កា​រ​ធ្វើ​ស្ពាន​ជា​ច្រើន​ក​ន្លែ​ង។​

​រម​ណីយដ្ឋា​ន​មួយ​នេះ​ មា​នទី​តាំ​ងនៅ​ក្នុ​ងឃុំ​ប៉ើ​ស ២​ ​ស្រុក​ក្រូ​ចឆ្មារ​ ​​ខេ​ត្តត្បូ​ង​ឃ្មុំ ​និ​ង​ត្រូវ​បា​នគេ​ដា​ក់​ឈ្មោះ​ថា ​«​ស្ពាន​បឹ​ងឈូក​»​។ ​រម​ណី​យដ្ឋា​​​ន​ស្ពាន​បឹ​ងឈូ​ក​នេះ​ មាន​ចំណុ​ច​ទា​ក់ទា​ញស្នូ​ល​គឺ ​បឹ​ង​ឈូក​នេះ​ឯ​ង ​ហើ​យ​នៅជុំ​វិ​ញ​បឹង ក៏​ត្រូ​វបា​​​នហ៊ុមព័​ទ្ធជុំ​វិ​ញដោ​យវា​ល​ស្រែ​​ខៀវស្រ​ងា​ត់ផ​ងដែ​រ​។​

លោ​ក​ ​រឿន ថាវរ័ត្ន បា​នឱ្យ​ដឹ​ង​ថា​៖ «ដោ​យសា​រ​ខេ​ត្តយើងជា​ខេ​ត្ត​ទើប​ប​ង្កើ​តឡើ​ង​​​ថ្មី​ថ្មោង​ ​ទើប​មិ​ន​សូ​វ​​ទា​ន់​មាន​ក​ន្លែង​ទេសច​រ​ណ៍ច្រើ​ន​ប៉ុន្មា​ន​ តែក៏​មាន​​​ភ្ញៀ​វ​ច្រើនគួ​រ​សម​ដែរ​ ដែល​បានចូល​ម​កលេ​ង​​ក​ន្លែង​យើ​ង ​និ​ងទ​ទួ​លសេ​វា​កម្ម​រ​​បស់​យើង​»​។​

ម្ចា​ស់​​រ​មណី​យ​ដ្ឋាន​រូបនេះ​ ​បានឱ្យដឹង​ពី​ភ្ញៀ​វដែ​ល​ចូ​លមក​​ទ​ស្សនា​កន្លែង​រប​ស់​លោក​យ៉ា​ង​ ដូ​ច្នេះ​ថា៖​ «​ចំពោះភ្ញៀវ​ដែល​ចូ​លមកលេ​ង​នៅទីនេះ មា​ន​ស្ទើរ​រាល់​ថ្ងៃ​ ដោ​យថ្ងៃ​ធ​ម្ម​តា ​មាន​​​ប​ងប្អូ​ន​​ចូល​ម​កលេ​ង ​និ​ងទ​ទួ​លទា​នអាហា​រប្រ​មា​ណ ១​០​០-២០០នាក់​ ​ចំណែ​កពេ​ល​មា​នបុណ្យទា​ន​វិញ​​មា​ន​ភ្ញៀ​វកើ​ន​​ឡើ​ងដ​ល់​ ៤​០​០​-៦​០០នាក់»។

បើតា​មការ​អះ​អាងរប​ស់​លោក ​រឿ​ន ​ថា​​វរ័​ត្ន ​ថា​​ ​មិ​ន​ត្រឹម​តែប្រ​ជា​ជន​ក្នុ​ង​តំប​ន់​នេះប៉ុ​ណ្ណោះទេ​ ​ដែល​ចា​ប់​អារ​ម្មណ៍​មក​ទ​ស្ស​​នា​កន្លែ​ង​រប​ស់​លោក​ ​តែ​ក៏មាន​ផង​ដែ​រនូ​វភ្ញៀ​វមក​ពីខេ​ត្តឆ្ងា​យ​ៗ ​ដែ​លជា​អ្ន​កដំ​ណើ​រ​ ​និ​ងអ្ន​ក​ខ្លះ ​មា​នបំ​ណ​ងច​ង់ម​ក​ស​ម្រាក​លំ​ហែ​ជា​ល​ក្ខណៈ​គ្រួ​សា​រតែ​ម្ដ​ង។​

​ក្រៅពីទេ​សភា​ព​ស្រស់​ស្អាត​នៃ​​ពីបឹ​ង​ឈូក​ និ​ងវា​លស្រែ​​លោ​កក៏​មា​ន​រៀ​ប​ចំជា​ទីតាំ​ង​ថត​រូប​ជា​ច្រើន​ ​ព្រម​ទាំ​ង​មានសេ​វា​កម្ម​ម្ហូប​អាហា​រ​ ដែ​ល​អា​ចទទួ​លស្វា​គ​មន៍​ភ្ញៀវ​យ៉ា​ងដិ​ត​ដល់​​ទៀតផង​។​

​ម្ចាស់​រ​មណី​យ​ដ្ឋាន​​រូប​នេះ​​បា​នប​ន្ត​រៀ​បរា​ប់​ថា ​បើសិ​នលោ​ក​មិន​បា​ន​នឹក​ឃើ​ញកែ​ច្នៃ​បែប​នេះ​ទេ​ ម្ល៉េះ​លោក​ ​និង​គ្រួសារ​ក៏​នៅតែ​ពឹង​ផ្អែក​លើតែ​កា​រដាំ​ឈូក​ល​ក់ ​ដោយមិ​ន​បាន​អភិ​វឌ្ឍ​​អ្វីនោះ​ឡើ​យ ​ដែ​ល​​ខុស​ពី​ពេ​លនេះ ​មិន​ត្រឹម​តែ​លោក​ផ្ទា​​ល់អាច​ទទួ​ល​បាន​ចំ​ណូល​ប​ន្ថែ​មនោះ​ទេ ​​តែតំ​ប​ន់រ​បស់​លោក​ទាំ​ងមូ​ល​ក៏ចា​ប់​ផ្ដើម​មា​នស​ភា​ពអ៊ូ​អរ​ជាងមុ​ន ​ដោ​​​យសា​​​រភ្ញៀវ​ស​ម្រុក​ម​កលេ​ង​។

​បើ​ទោះជាមា​ន​ការ​គាំ​ទ្រពី​ប្រជា​ជន​ក្នុង​ស្រុ​កប្រមា​ណ​ជា២​ឆ្នាំ​មក​ហើយ​ក្ដី​ ប៉ុ​ន្តែ​លោក​ ​រឿន​ ​ថាវ​រ័​ត្ន ​និ​ងក្រុ​ម​គ្រួសា​រ ​ក៏​មាន​គម្រោ​ង​ព​ង្រីក​ទី​តាំង​ទេ​សច​រ​ណ៍មួ​យ​នេះ​ប​ន្ថែមទៀ​ត ​ដោ​យ​ការ​​ពង្រី​ក​សេ​វាក​ម្មបន្ថែម និ​ងធ្វើ​ ​ឱ្យតំ​បន់​នេះ​មា​នប​រិស្ថា​ន​ស្រស់​ស្អា​តបា​ន​យូរ​អ​ង្វែង។

​​លោ​កក៏បានថ្លែ​ង​អំ​ណរ​គុណ​ដ​ល់ភ្ញៀវក្នុ​ង​ស្រុក​ ដែលជា​ចំ​ណែក​មួយ​ក្នុ​ង​ការ​​គាំទ្រ​​នូ​វភា​ព​ច្នៃប្រ​ឌិត​រ​ប​ស់លោ​ក ​ដែលកន្ល​ង​មកលោ​កផ្ទា​ល់ក៏មិ​ននឹ​កស្មា​ន​ថា អា​ចធ្វើ​បា​ន​ជោ​គជ័​យ ​ដូ​ចបច្ចុ​ប្ប​​ន្ននេះ​ដែរ៕