.jpg)
ប្រទេសក្នុងតំបន់អាស៊ាន បានចូលរួម វេទិកា តំបន់ អាស៊ី ២០១៦ ស្តីពី នវានុវត្តន៍កសិបច្ចេកវិទ្យា ដែលបានរៀបចំឡើងដោយអង្គការ Winrock ក្រោមជំនួយឧបត្ថម្ភពី USAID ក្នុងគោលបំណងផ្ដោតទៅលើការពង្រឹងភាពជាដៃគូលើការសហករណ៍ក្នុងវិស័យកសិកម្ម ខ្នាតតូចនៅក្នុងប្រទេស កម្ពុជា បង់ក្លាដេស មីយ៉ាន់ម៉ា និងនេប៉ាល់។ កិច្ចប្រជុំបានលើក បង្ហាញពីភាពជឿនលឿនដែលប្រទេសក្នុងតំបន់ កំពុងតែប្រើប្រាស់ប្រព័ន្ធបច្ចេកវិជ្ជាដើម្បី បង្កើនទិនផលខ្ពស់ និងមានសុវត្ថិភាព ដើម្បីចែករំលែកដល់សិក្ខាកាមដែលបានចូលរួម។
អាស៊ានគឺជាតំបន់ដែលមានសក្ដានុពលខ្ពស់លើវិស័យកសិកម្មសម្រាប់ធ្វើការចែកចាយទៅទូទាំងពិភពលោក។ ទន្ទឹមនឹងតម្រូវការកើនខ្ពស់នៃផលិតផលកសិកម្មនេះ បានធ្វើឲ្យ ប្រទេសក្នុងតំបន់ខិតខំបង្កើនសន្ទុះនៃការផលិតរបស់ខ្លួន។ យ៉ាងណាមិញកម្ពុជាក៏ជា ប្រទេសក្នុងតំបន់ដែលរាប់បញ្ចូលវិស័យកសិកម្មជាសសរស្ដម្ភរបស់ខ្លួន ប៉ុន្តែបើប្រៀបធៀបទៅក្នុងតំបន់ទាំងមូលកម្ពុជានៅមិនទាន់មានសមត្ថភាពផ្គត់ផ្គង់ផលិតផលកសិកម្មក្នុងស្រុកពេញបរិបូណ៌នៅឡើយទេ ជាក់ស្តែងតម្រូវការផលិតផលកសិកម្មរបស់កម្ពុជា៨០%នៅតែពឹងផ្អែកលើដីរបស់ប្រទេសវៀតណាម និងថៃនេះបើតាមការអះអាងរបស់សហគ្រិនដែលបានចូលរួមទំលាយប្រាប់។
