ខ្សែរថភ្លើងថ្មីមួយទៀត គឺពីស្ថានីយ៍រថភ្លើងភ្នំពេញ ឆ្ពោះទៅកាន់អាកាសយាន្តដ្ឋានអន្តរជាតិភ្នំពេញ នឹងត្រូវបើកដំណើរការរបស់ខ្លួន នៅថ្ងៃទី ១០ ខែមេសា ឆ្នាំ ២០១៨។ លើកលែងតែរថយន្តក្រុងសាធារណៈ មធ្យោបាយថ្មីនេះនឹងមានតម្លៃកាន់តែថោកជាងមុន និង ប្រើពេលតិចជាងមុន បើប្រៀបធៀបនឹងមធ្យោបាយដែលមានស្រាប់។
ផ្លូវរថភ្លើងមួយខ្សែនេះ គឺដំណើរការដោយរថភ្លើងធុនស្រាលប្រភេទ ត្រាំវ៉េល ( Tramway ) ពីប្រទេសម៉ិកស៊ីកូ ចំនួន ៣ គ្រឿង ដែលអាចផ្ទុកមនុស្សបាន ១០០ នាក់ក្នុង ១ ជើង ហើយប្រជាពលរដ្ឋអាចធ្វើដំណើរដោយឥតគិតថ្លៃ ក្នុងរយៈពេល ៣ ខែ ចាប់ពីថ្ងៃទី ១០ ខែមេសា ដល់ ថ្ងៃទី ៣១ ខែ កក្កដា ឆ្នាំ ២០១៨ នេះទៅ។