.jpg)
គ.ជ.ប មើលមិនឃើញពីឥទ្ធិពលអវិជ្ជមានសម្រាប់ការបោះឆ្នោតជាតិខាងមុខដោយគ្មានវត្តមានរបស់គណបក្សសង្គ្រោះជាតិ ជាគណបក្សប្រឆាំងតែមួយគត់ដែលទទួលបានសម្លេងបោះឆ្នោតពីប្រជាជនកម្ពូជាក្រៅពីគណបក្សកាន់អំនាច។ ការគូសបញ្ជាក់នេះ បានធ្វើឡើងនៅក្នុងជំនួបរបស់ស្ថាប័ននេះ ជាមួយនឹងបណ្តាគណបក្សនយោបាយនៅកម្ពុជា និង សង្គមស៊ីវិល កាលពីព្រឹកថ្ងៃទី ១០ ខែមេសា ម្សិលមិញនេះ។
ការថ្លែងឡើងនេះ គឺបន្ទាប់មានការកើនឡើងនូវមតិព្រួយបារម្ភចំពោះការឆ្លើយតបខ្លាំងៗពីលោកសេរីដែលបានបង្ហាញអាកប្បកិរិយាគ្រោតគ្រាតមកកាន់រដ្ឋាភិបាលកម្ពុជា បន្ទាប់ពីមេដឹកនាំគណបក្សប្រឆាំងគឺលោកកឹម សុខាត្រូវបានចាប់ខ្លួន និងការហាមប្រាណអ្នកនយោបាយរបស់គណបក្សនេះ១១៨នាក់មិនឲ្យធ្វើនយោបាយរយៈពេល៥ឆ្នាំដោយសាររងការចោទប្រកាន់ថាជាប់ពាក់ព័ន្ធនឹងផែនការផ្តួលរលំរដ្ឋាភិបាលស្របច្បាប់ជាមួយនឹងបរទេស។
