គ្រឿងអលង្ការ ច្នៃពីសំបកគ្រាប់កាំភ្លើងម៉ូតស្អាតៗប្លែកដូចជា៖ បណ្តោងខ្សែក កងដៃ ក្រវិល ដែលមានពណ៍ភ្លឺចាំងដូចទៅនឹងមាស ឬប្លាទីន កំពុងទទួលបានការចាប់អារម្មណ៍ពីសំណាក់ភ្ញៀវក្នុងស្រុក នឹងបរទេស។
ម្ចាស់សិប្បកម្ម Angkor Bullet Jewelry លោក ធឿន ចាន់ថា បញ្ជាក់ថា ការច្នៃគ្រាប់កាំភ្លើង ធ្វើជាគ្រឿងអលង្ការនេះ គឺលោកចង់បង្ហាញថា គ្រាប់កាំភ្លើងក៏អាចច្នៃជាគ្រឿងអលង្ការបានផងដែរ ជំនួសឲ្យការធ្វើសង្គ្រាម ម៉្យាងទៀត លោក ក៏រំលឹកពីការបាត់បង់ឪពុកម្តាយក្រោមអាវុធរបស់ពួកខ្មែរក្រហម។