ងួន ម៉េងតិច៖ វាគ្មានប្រយោជន៍ទេបើអ្នកខំចេញមុខមាត់ធ្វើបុណ្យតែក្រោយខ្នងធ្វើអាក្រក់ក្នុងសង្គម។
លោក ងួន ម៉េងតិច ជាអាណិកជនខ្មែរអាមេរិក បច្ចុប្បន្នជាអគ្គនាយកសភាពាណិជ្ជកម្មកម្ពុជាដែលដឹកនាំដោយលោកឧកញ៉ា គិត ម៉េង ប្រធានក្រុមហ៊ុន រ៉ូយ៉ាល់គ្រុប។ លោក ម៉េងតិច មានស្រុកកំណើតនៅស្រុកស្អាង ខេត្តកណ្តាល។ លោកកើតនៅឆ្នាំ ១៩៥៣ នៅពេលដែលកម្ពុជាទទួលបានឯករាជ្យពីអាណានិគមនិយមបារាំងហើយបានសិក្សារៀនសូត្រក្នុងសង្គមរាស្ដ្រនិយមរបស់ព្រះករុណព្រះបាទ នរោត្តម សីហនុ។ លោកបានឆ្លងកាត់របបវាលពិឃាតខ្មែរក្រហម (១៩៧៥-១៩៧៩) ដូចពលរដ្ឋខ្មែរទូទៅដែរ។