បន្ទាប់ពីឆ្លងកាត់ក្រុងម៉ានីល ឈីងច័ង ក្រុងកូឡាឡាំពូ ឥឡូវនេះ ដេមី ឡូវ៉ាតូ បានមកដល់ទីក្រុងភ្នំពេញកាលពីថ្ងៃទី ៥ ខែ ឳសភា ពីម្សិលម៉ិញនេះបើទោះបីជាតាមគម្រោង ដេមី វើលធួរ ពុំបានរាប់បញ្ចូលក្រុង ភ្នំពេញ ទៅក្នុងបញ្ជីនេះក្តី ប៉ុន្តែនាងមានក្តីរំភើបនិងសម្រេចមកកម្ពុជានៅពេលដឹងថាអ្នកគាំទ្រនាងរាប់ពាន់នាក់ធ្វើញត្តិចង់ជួបនាង។
ការមកដល់របស់នាងគឺរៀបចំឡើងដោយក្រុមហ៊ុនទូរស័ព្ទចល័ត ស្មាតអាស៊ាតា (Smart Axiata) សហការនឹងក្រុមហ៊ុន យូនីវើលស័រ មូយូស៊ីក (UMG Recordings, Inc.) ជាក្រុមហ៊ុនតន្ត្រីដ៏ធំរបស់អាមេរិកដើម្បីជាការជម្រុញឲ្យមានការទិញតន្រ្តីដោយស្របច្បាប់នៅកម្ពុជានិងធានាដល់ផលចំនេញសម្រាប់ស្នាដៃសិល្បៈករទាំងក្រៅនឹងក្នុងប្រទេស កម្ពុជា។