កំពង់ឆ្នាំងៈ បើទោះបីជាតំបន់ធម្មជាតិទឹកធ្លាក់ថ្មក្រាល ហាក់នៅពុំទាន់មានការអភិវឌ្ឍឲ្យបានក្លាយទៅជាតំបន់ងាយស្រួលដើម្បីទាក់ទាញការទស្សនា ឬទៅងូតទឹកលេងកម្សាន្តច្រើននៅឡើយក្តី តែពេលបានទៅដល់ទីនោះ អ្នកដំណើរហាក់មានអារម្មណ៍ស្រស់ស្រាយ ដោយសារបណ្តុំនៃទេសភាពព្រៃឈើខៀវខ្ចី មានភ្នំធម្មជាតិនៅហ៊ុមព័ទ្ធជុំវិញ ក្រាលវាលស្រែចម្រុះពណ៌បៃតង និងពណ៌មាស និងមានផ្ទាំងធំៗច្រើនកន្លែងនៅមាត់ស្ទឹងដូចជាក្រាលថ្មអ៊ីចឹង។