តំបន់រមណីយដ្ឋានទឹកហូរថ្មរអិលស្ថិតនៅភូមិសាលា ឃុំកក់ ស្រុកបកែវ ខេត្តរតនគិរីមានចម្ងាយជិត ៤០ គីឡូម៉ែត្រពីក្រុងបានលុងដោយទេសចរត្រូវបត់ឆ្វេងពីប៉ុស្តិ៍នគរបាលរដ្ឋបាលឃុំ ឡាមិញនៅត្រង់ផ្លូវបំបែកទៅផ្សារបកែវ ដែលមានរូបដុំត្បូងពេជ្រជាសម្គាល់មានចម្ងាយប្រមាណជា ៣-៤ គីឡូម៉ែត្រដែលត្រូវធ្វើដំណើរឆ្លងកាត់ចម្ការកៅស៊ូគឺជាផ្លូវកាត់ចូលទៅ។ ម្យ៉ាងទៀតក្រុមទេសចរក៏អាចធ្វើដំណើរហួសទៅត្រង់ដល់ទីសា្នក់ការសាលាឃុំកក់ដែលជាផ្លូវឆ្ងាយជាងមានចម្ងាយជាង ១០ គីឡូម៉ែត្រចេញពីផ្លូវបំបែកមានរូបដុំត្បូងពេជ្រជាសម្គាល់នោះដែរ។