| ភ្នំពេញ ប៉ុស្ដិ៍

ការចាក់ទុនពីធនាគារជាតិកាណាដាដែល មានបណ្តាញឆ្លើយឆ្លងខ្វែងខ្វាត់នៅជុំវិញពិភពលោក និងជាធនាគារដ៏ធំជាងគេនៅកាណាដា គឺជាសក្តានុពលវិជ្ជមានសម្រាប់ធនាគារ ABA ដែលមានសាវតា រយៈពេល២០ឆ្នាំមកហើយនៅប្រទេសកម្ពុជាក្នុង វិស័យធនាគារខណៈដែលវិស័យកំពុងតែមានសន្ទស្សន៍ឡើងខ្ពស់។

ធនាគារនេះមានទ្រព្យសកម្មប្រមាណ ២១៩ពាន់លានដុល្លាកាណាដាគិតត្រឹមដើមឆ្នាំនេះ បានក្លាយជាស្ថាប័នពីអាមេរិកខាងជើងទីមួយធ្វើជាម្ចាស់ភាគទុនិកធំរបស់ធនាគារ ABA នៅកម្ពុជា កាន់កាប់ភាគទុន រហូតដល់ ៩០% នៃភាគទុនសរុប។ ការប្រកាសនេះ ធ្វើឡើងកាលពីថ្ងៃទី០៩ ខែឧសភា ឆ្នាំ២០១៦ នៅ សណ្ឋាគារសូហ្វីតែលភ្នំពេញក្នុង សន្និសីទសារ ព័ត៌មានរួមគ្នាស្ដីអំពីការក្លាយជាម្ចាស់ ភាគទុនិកធំរបស់ធនាគារជាតិកាណាដាក្នុងធនាគារ ABA។ តាមការឲ្យដឹងពីលោកស្រី Karen Legett នាយករងប្រតិបត្តិទីមួយបានអោយដឹងថា៖

«ក្នុងជំហ៊ានដំបូងនៃការសម្រេចចិត្តរបស់ពួកយើងគឺចង់ធ្វើការវិនិយោគនៅកម្ពុជា បន្ទាប់មកយើងបានរកដៃគូរសហការ។ ធនាគារ ABA ជាធម្មជាតិគឺសាកសមបំផុតសម្រាប់យើង។ ពួកគេបានបង្កើតឡើងបានដោយល្អ មានលំនឹងផ្នែកហិរញ្ញវត្ថុ ជាស្ថាប័នមានកេរ្តិឈ្មោះខាងផ្នែកហិរញ្ញវត្ថុនៅកម្ពុជា។ពួកគេមានក្រុមដែលមានភាពជាអ្នកដឹកនាំរ៉ឹងម៉ាំ និងមានការពង្រឹងផ្នែកបុគ្គលិកខ្ពស់ មិនតែបុណ្ណោះពួកគេមានស្នាកសញ្ញាដ៏ទុកចិត្តពីអតិថិជន។»

ធនាគារ ABA ត្រូវបានសម្លឹងឃើញដោយ ធនាគារជាតិនៃកាណាដា តាមរយៈស្តង់ដារអភិបាល កិច្ចល្អ នាំឲ្យមានការទិញភាគទុនរបស់ធនាគារ ABA ជាបន្តបន្ទាប់តាំងពីខែមករាឆ្នាំ២០១៤មកម្ល៉េះ។ ផ្អែកតាមរបាយណ៍ដែលផ្តល់ដោយធនាគារនេះ បានបង្ហាញថាធនាគារABA បានទទួលប្រាក់ចំនេញទ្វេរដងបើប្រៀបធៀបរវាងឆ្នាំ ២០១៣ ទៅនិង ឆ្នាំ២០១៤ គឺពី៧.៥ លានដុល្លាដល់ ១៥.៩ លានដុល្លាអាមេរិក។

ការកើនឡើងនេះបាន ក្លាយជាផ្នែកមួយធ្វើឲ្យទស្សនាវដ្តី ហិរញ្ញវត្ថុធំៗជុំវិញពិភពលោកចាប់អារម្មណ៍ផ្តល់នាមដល់ ABA ដូចជា «ធនាគារកម្ពុជាឆ្នើមប្រចាំឆ្នាំ» ដោយទស្សនា វដ្ដីThe Banker និងនាមជា «ធនាគារល្អបំផុតនៅកម្ពុជា» ពីទស្សនាវដ្ដី Euromoney នៅក្នុងឆ្នាំ២០១៤ និងនៅឆ្នាំបន្តបន្ទាប់។

សក្ខីកម្មទាំង នេះ គឺជាផ្នែកមួយនាំអោយមានការអនុម័ត្រយល់ព្រម តាមនីតិវិធី និងបទប្បញ្ញត្តិតម្រូវនានា ដោយធនាគារ ជាតិ នៃកាណាដាដើម្បីបង្កើនមូលធនរបស់ខ្លួនក្នុង ធនាគារ ABA បន្ថែមតាមរយៈកិច្ចព្រមព្រៀង ទិញភាគ ទុន ៤២% ដល់ ៩០%។

លោក Askhat Azhikhanov នាយកប្រតិបត្តិធនាគាABA បានបញ្ជាក់យ៉ាងដូឆ្នេះថា៖ «វាពិតជាមានសារៈសំខាន់ណាស់ក្នុងការគូសបង្ហាញថាធនាគាជាតិ កាណាដាបានចែករំលែកឆន្ទៈរួមរបស់ពួកយើងដើម្បីបំរើអតិថិជនដែលជាសហគ្រាសធុនតូច និងមធ្យម។ ពួកយើងក៏បានចែករំលែកគុណតំលៃស្នូលជាដៃគូសហការដ៏យូរអង្វែងសម្រាប់សហគ្រិន និងធុរៈកិច្ចក្នុងស្រុក។ ហេតុដូចនេះហើយយើងជឿថាយុទ្ធសាស្ត្រយើងមិនមានការផ្លាស់ប្តូរគួរឲ្យកត់សំគាល់នោះទេ។»

លោក Askhat Azhikhanov ក៏បានបញ្ជាក់ ដែលថាធនាគានេះនៅតែផ្តោតទៅលើសហគ្រាសធុនតូច និងមធ្យម លើសពីនេះ វានឹងអនុញ្ញាតិ្តឲ្យធនាគារ ពង្រីកសាខាប្រតិបត្តិការធនាគារបានកាន់តែទូលំទូលាយជាងមុនទៀតនៅទូទាំងប្រទេសកម្ពុជា។

សម្រាប់ព័ត៌មានបន្ថែមសូមចូលទៅកាន់គេហទំព័រ www.ababank.com

សោតទស្សន៍ឧបត្ថម្ភ