ទោះជាមានបេក្ខជនជាង ១៤០០ នាក់បានបោះបង់ការប្រឡង និងភាពមិនប្រក្រតីមួយចំនួនតូច ប៉ុន្តែសម្រាប់ការប្រឡងបាក់ឌុបនេះ ត្រូវបានគេមើលឃើញថា មានភាពល្អប្រសើរឡើងជាងមុន បន្ទាប់ពីមានកំណែទម្រង់ខ្លាំងលើវិស័យអប់រំនេះ ចាប់តាំងពីឆ្នាំមុន។ លោក ហង់ ជួនណារ៉ុន រដ្ឋមន្ត្រីក្រសួងអប់រំ មានសុទិដ្ឋិនិយមចំពោះកំណែទម្រង់ប្រព័ន្ធអប់រំសម្រាប់ដំណើរការប្រឡងបាក់ឌុបឆ្នាំ ២០១៥ នេះដោយរំពឹងថានឹងមានសិស្សច្រើនប្រឡងជាប់។