ប្រពន្ធលោក វន់ ពៅ ប្រាក់ សុវណ្ណារីស្រែកទ្រហោរយំ ខាង​ក្រោយសាលាឧទ្ធរណ៍បន្ទាប់ពីតុលាកាបដិសេធការសុំនៅក្រៅឃុំរបស់ លោកវន់ ពៅ លោកជាប្រធានសមាគមសេដ្ឋកិច្ចក្រៅប្រព័ន្ធដែលត្រូវបានចាប់ខ្លួន និងរងនូវការវាយដុំ​យ៉ាងដំណំពីសំណាក់កងយោធាឆ័ត្រយោង៩១១ក្នុងកំឡុងពេលកម្មករកាត់ដេរផ្ទុះការតវាសុំដំឡើងប្រាក់ខែគោល១៦០ដុល្លានៅខាងមុខរោងចក្រ​យ៉ាក​ជីន ក្នុង​ខណ្ឌ​ពោធិសែន​ជ័យ។

លោក វន់ ពៅដែលមានជំងឺប្រចាំកាយ​បានត្រូវបញ្ចូនទៅពន្ធនាគារត្រពាំងថ្លុងក្នុងខេត្ដកំពង់ចាមភ្លាមៗ​ក្រោយពេលចាប់ខ្លួន និងមិនត្រូវបានទទួលការព្យាបាលត្រឹមត្រូវតាមប្រវត្ដិជំងឺរបស់លោកទេ​ក្រោយមកសុខភាពរបស់លោកបានធ្លាក់ទ្រុធទ្រោមយ៉ាងខ្លាំង​ដែលបណ្ដាលឲ្យក្រុមគ្រួសារទាំងមូលមានការព្រួយបារម្មណ៍ហើយបានសុំលោកនៅក្រៅឃុំដើម្បីធ្វើការព្យាបាលទៅ សាលាឧទ្ធរណ៍ប៉ុន្ដែត្រូវបានបដិសេធ។