ស្ថិតក្នុងភូមិឋានដ៏ស្ងប់ស្ងាត់លើកំពូលភ្នំតូចរាងពងក្រពើឈ្មោះភ្នំស្រីវិបុលកេរ្ដិ៍ កម្ពស់ប្រមាណ ៣០ ម៉ែត្រ ភាគឦសានក្រុងអង្គរ ប្រាសាទចៅស្រីវិបុល ឬ (ចៅសាយវិបុល) ជាគោលដៅទេសចរណ៍សំខាន់សម្រាប់អ្នកប្រាថ្នាភាពស្ងប់សុខ គ្មានសំឡេងអ៊ូអរ ក្រោមសម្រស់ធម្មជាតិនៃប្រាង្គប្រាសាទបាក់បែក ហ៊ុមព័ទ្ធដោយរុក្ខជាតិ ព្រមទាំងទទួលបាននូវបទពិសោធស្វែងយល់ពីការអប់រំជាមួយនឹងស្នាមញញឹមពព្រាយរបស់កុមារសិស្សានុសិស្សបឋមសិក្សាស្រីវិបុលកេរ្ដិ៍។
