ធ្វើដំណើរលើចម្ងាយផ្លូវ ២២ គីឡូម៉ែត្រ ពីទីរួមស្រុកថ្មពួក ឬចម្ងាយ ៦៥ គីឡូម៉ែត្រ ពីក្រុងសិរីសោភ័ណ នៃខេត្តបន្ទាយមានជ័យ តាមផ្លូវលេខ ៥៦ ភ្ញៀវទេសចរនឹងទៅដល់ទីប្រាសាទបុរាណធំទី ៤ នៅប្រទេសកម្ពុជាគឺប្រាសាទបន្ទាយឆ្មារ ស្ថិតនៅលើវិសាលភាពផ្ទៃដីដ៏ធំធេងប្រមាណ ៩ គីឡូម៉ែត្រការ៉េ។
ប្រាសាទបន្ទាយឆ្មារ គឺជាទីរមណីយដ្ឋានវប្បធម៌ និងប្រវត្តិសាស្ត្របុរាណមួយ ដ៏មានសក្កានុពលរបស់ខេត្តបន្ទាយមានជ័យ ដែលមានទីតាំងស្ថិតនៅក្នុងភូមិទាំង ៤ (បន្ទាយឆ្មារលិច កើត ជើង និងត្បូង) នៃឃុំបន្ទាយឆ្មារ ស្រុកពួក ខេត្តបន្ទាយមានជ័យ ដោយនៅពេលឥឡូវនេះ ទេសចរពីឆ្ងាយអាចធ្វើដំណើរទៅទស្សនាបានយ៉ាងងាយស្រួល គ្មានផលលំបាកខាងផ្លូវចរាចរណ៍ ដូចជាកាលពីមុនទៀត។