The Phnom Penh Post Search

Search form




Logo of Phnom Penh Post newspaper Phnom Penh Post - ប្រាសាទ​បន្ទាយទ័ព ស្នា​ព្រះហស្ត​ចុង​ក្រោយ​ស្តេច​ជ័យវរ្ម័ន​ទី ៧ បន្សល់​ពុទ្ធ​រូប​អង្គ​ធំ​ដ៏​ស័ក្ដិសិទ្ធិ នៅ​វត្ត​ប្រាសាទ​រលំ​ជ្រៃ




ប្រាសាទ​បន្ទាយទ័ព ស្នា​ព្រះហស្ត​ចុង​ក្រោយ​ស្តេច​ជ័យវរ្ម័ន​ទី ៧ បន្សល់​ពុទ្ធ​រូប​អង្គ​ធំ​ដ៏​ស័ក្ដិសិទ្ធិ នៅ​វត្ត​ប្រាសាទ​រលំ​ជ្រៃ

ភ្ញៀវទេសចរ ជាពិសេស​ពុទ្ធបរិស័ទ ទាំង​ជិត​ទាំង​ឆ្ងាយ ដែល​ធ្វើ​ដំណើរ​ឆ្លង​កាត់​ស្រុក​ថ្មពួក ខេត្ត​បន្ទាយ​មានជ័យ តែង​តែ​ឆ្លៀត​ឆៀង​ចូល​ទៅ​កាន់​ទី​អារាម​ដោយ​ល្បី​រន្ទឺ​ថា មាន​បារមី​ព្រះអង្គ​ធំ ក្នុង​វត្ត​ដ៏​ពូកែ​ស័ក្តិសិទ្ធិ សម្រាប់​រាល់​ការ​បន់​ស្រន់​បាន​សម​តាម​បំណង​ប្រាថ្នា។

ស្ថិត​នៅ​ក្នុង​ភូមិ​រលំ​ជ្រៃ ឃុំ-ស្រុក ​ថ្មពួក ខេត្ត​បន្ទាយ​មានជ័យ ចម្ងាយ​ប្រមាណ ៣ ឬ ៤ គីឡូម៉ែត្រ ចេញ​ពី​ផ្លូវជាតិ​លេខ ៥៦ (មុន​​ដល់​ទី​រួម​ស្រុកថ្ម​ពួក​បន្តិច បើ​ធ្វើដំណើរ​ចេញ​ពីក្រុង​សិរីសោភ័ណ) វត្ត​ប្រាសាទ​រលំ​ជ្រៃ ដែល​ជាទី​តម្កល់​ពុទ្ធរូប​ព្រះអង្គ​ធំ​ទម្ងន់​ជាង ២ តោន ធ្វើ​ពី​ថ្មភក់​លំដាប់​លេខ ១ បាន​ទាក់​ទាញ​បរិស័ទ​គ្រប់​ទិស​ទី មិន​ថា​រស់​នៅ​ភូមិ​ផង​ក្បែរ​វត្ត​ទេ។