កងកម្លាំងសមត្ថកិច្ចជិត ១០០ នាក់ត្រូវបានដាក់ពង្រាយ និងបានធ្វើការរុញច្រានជាមួយនឹងអ្នកតវ៉ា សឹងតែបង្កឲ្យមានការប៉ះទង្គិចគ្នា នៅមុខវិមានព្រឹទ្ធសភា ខណៈពេលច្បាប់ស្តីពីអង្គការកំពុង ត្រូវបានពិភាក្សា និងអនុម័តពីស្ថាប័ននិតិបញ្ញត្តិកំពូលមួយនេះ។
មនុស្សប្រមាណជាង ៣០០នាក់ មានអង្គការក្រៅរដ្ឋាភិបាល សមាគម ព្រះសង្ឃ និងសហគមន៍អ្នកមានជម្លោះដីធ្លីបានចេញមកតវ៉ា តស៊ូមតិ សុំសមាជិកព្រឹទ្ធសភា ពិចារណាមិនបន្តនិតិវិធីអនុម័តច្បាប់នេះ ដែលពួកគេយល់ឃើញថា ជាច្បាប់អាក្រក់ ដែលនឹងរឹតត្បិតសេរីភាព របស់អង្គការ សង្គមស៊ីវិល និងធ្វើឲ្យកម្ពុជា ដើរថយក្រោយពីលទ្ធិប្រជាធិបតេយ្យ។