The Phnom Penh Post Search

Search form

រមណីយដ្ឋាន​ធម្មជាតិ​អូរ​ផ្លាយ ត្រៀម​ប្រែ​កាយ​ជា រីសត កាក់​ភ្ញៀវ​ចូល​លេង​មុន​បន្ត​ដំណើរ​ទៅ​កាន់​ប៊ូស្រា

និយាយ​ពី​មណ្ឌលគិរី ភ្ញៀវទេសចរ​មុខជា​នឹក​ដល់​សម្រស់​ធម្មជាតិ​វាល​ស្មៅ​បៃតង​ខ្ចី ទឹក​ធ្លាក់​ប៊ូស្រា និង​ចម្ការ​ដំណាំ​ប៊័រ​ដ៏​ឈ្ងុយ​ឈ្ងប់ ព្រម​ទាំង​ផ្ទះ និង​ជន​ជាតិ​ដើម​ភាគ​តិច។

ខណៈ​អ្នកដំណើរ​ជាច្រើន​រមែង​តម្រង់​គោលដៅ​ដំបូង​ទៅកាន់​រមណីយដ្ឋាន​ទឹកធ្លាក់​ប៊ូស្រា អ្នក​ខ្លះ​មិន​បាន​ចាប់​អារម្មណ៍​ដំណើរ​លើ​កំណាត់​ផ្លូវ​នោះ​ថា​មាន​រមណីយ​ដ្ឋាន​ធម្មជាតិ​អូរផ្លាយ ដែល​កំពុង​ត្រូវ​បាន​អភិវឌ្ឍ​ជា​រីសត​ដ៏​ទាក់​ទាញ​មួយ។

រមណីយដ្ឋាន​ធម្មជាតិ​អូរ​ផ្លា​យ ដែល​ស្ថិត​ក្នុងភូមិ​ពុំទាន់​មានឈ្មោះ ឃុំ​ស្រែ​អំពូ​ម ស្រុក​ពេជ្រ​ដា ខេត្ដ​មណ្ឌលគិរី រំលេច​នូវ​ផ្ទៃ​ទឹក​ថ្លា​ឈ្វេង​ហូរ​រឹមៗ​លើ​កម្រាល​ថ្ម​បែក​ជា​ចំណាំង​ព្រាកៗ​បែក​ពពុះ ដែល​ស័ក្ដិ​សម​ជា​ទីឋាន​ងូត​ទឹក​កម្សាន្ដ​ពី​សំណាក់​ភ្ញៀវទេសចរ​គ្រប់​រូប សម្រាប់​ឱកាស​សម្បូរ​ភ្ញៀវ​នា​រដូវ​ប្រាំង​ចាប់​ពី​ខែ​វិច្ឆិកា​រហូត​ដល់​រដូវ​បុណ្យ​ចូល​ឆ្នាំ​ប្រពៃណី​ជាតិ។

វីដេអូ

ច្រើន​ទៀត