រោងចក្រថាមពលពន្លឺព្រះអាទិត្យ ដែលដំណើរការដោយក្រុមហ៊ុនStar8ប្រទេសអូស្ដ្រាលី បានសម្ភោធបើកលក់ជាផ្លូវការនូវផលិតផលប្រើពន្លឺព្រះអាទិត្យឫហៅថាថាមពលសូឡាដែលផលិតនៅក្នុងប្រទេសកម្ពុជា ដើម្បីបំរើដល់ទីផ្សាក្នុងស្រុក និងក្រៅប្រទេសដោយធ្វើចាប់ផ្ដើមជាមួយនឹងការបញ្ចេញលក់ជាស្ថាពរនូវផលិតផលដឹកជញ្ជូននិងគ្រឿងសំណង់ដូចជាជញ្ជាំង បង្អូច គ្បឿង ព្រមជាមួយផលិតផលកញ្ចក់ជាដើម។

រ៉ឺម៉កកង់បីដើរដោយថាមពលពន្លឺព្រះអាទិត្យជាលើកដំបូងនៅលើពិភពលោក ទទួលបានការចាប់អារម្មណ៍យ៉ាងខ្លាំងហើយការបង្កើតឡើងនេះគឺសម្រាប់ប្រជាជនកម្ពុជាក៏ដូចជាប្រជាជននានានៅលើពិភពលោក ដោយក្ដី​សង្ឃឹមថា​អ្នក​ប្រើ​ប្រាស់​ អាចងាកមកផ្លាស់ប្តូររបៀបប្រភពថាមពលប្រពៃណីដែលធ្វើឲ្យប៉ះពាល់យ៉ាងធ្ងន់ធ្ងរដល់ផែនដីមកជាថាមពលពន្លឺព្រះអាទិត្យវិញ។