លោក ខឹម វាសនា ជាកូនកំព្រារស់នៅជាមួយម្ដាយ ដោយឪពុកលោកស្លាប់ចោលតាំងពីលោកមានអាយុ៦ឆ្នាំ។ លោកកើតនៅឆ្នាំ ១៩៦៥ នៅភូមិពានា ឃុំក្តឿងរាយ ស្រុកកញ្ច្រៀច ខេត្តព្រៃវែង។ ក្រោយពីប្រឡងជាប់វិញ្ញាបនបត្រទុតិយភូមិនៅឆ្នាំ ១៩៨៦ លោកក៏បានសិក្សានៅនាយកដ្ឋានភាពយន្ត។ ក្នុងអាជីពជាតារាសម្តែងបានធ្វើឲ្យលោកប្រៀបធៀបជីវិតរបស់លោកទៅនឹងព្រះពុទ្ធ កាលទ្រង់នៅក្នុងព្រះបរមរាជវាំង ហើយទស្សនៈនេះក៏ញ៉ុះញ៉ុងឲ្យលោកចង់ផ្លាស់ប្តូររបៀបជីវិតទាំងឡាយរបស់អ្នកសិល្បៈនៅជំនាន់នោះ។ ប៉ុន្តែនៅឆ្នាំ១៩៩៧ លោកបែរជារកឃើញវិធីជីវិតជាអ្នកនយោបាយជាមួយនឹងគណបក្សប្រឆាំង។ សព្វថ្ងៃលោកមានគណបក្សផ្ទាល់ខ្លួនដើម្បីបម្រើឲ្យទស្សនៈនយោបាយរបស់លោក ដោយជឿថាគឺជាគន្លឹះតែមួយគត់ក្នុងការផ្លាស់ប្ដូរកម្ពុជាឲ្យជាសង្គមថ្មីស្រឡាងមួយ។