លោក សុខ វិសាល គឺម្ចាស់ផលិតកម្ម KlapYaHandz ដែលជាកន្លែងផ្តុំទៅដោយសិល្បករខ្មែរពោរពេញដោយទេពកោសល្យ និងសមត្ថភាព ក្នុងនោះលោក ក៏បានចូលរួមផលិតបទចម្រៀងបានជាច្រើនផងដែរ។ ក្រៅពីការងារនិពន្ធចម្រៀង វិសាល ក៏ជាផលិតករផលិតភាពយន្តខ្មែរមួយរូបផងដែរ ដែលរួមមាន រឿង «គ្រាប់ពេជ្រ» រឿង «ប៉ុបពីទៅហូលីវូត» និងរឿងមួយចំនួនទៀត។ នៅក្នុងបទសម្ភាសន៍ ជាមួយកាសែត ភ្នំពេញ ប៉ុស្តិ៍ ផលិតកររូបនេះ បានអះអាងថា លោកស្រលាញ់ការងារនេះខ្លាំងណាស់ បើទោះបីទទួលបានប្រាក់ចំណូលតិចក៏ដោយ។