ក្រុងសៀមរាប: វេលាសុរិយាផ្ដើមអស្ដង្គត ជំនួសដោយស្បៃរាត្រីលើវេហាហ៍ពន្លឺភ្លើងហ្វារពណ៌សផ្ដើមរេរាឆ្លុះមេឃា ចេញពីដំបូលអគារ ដែលរចនាអំពូលភ្លើងមូលៗបីដូចជាដួងខែរាប់រយ។ នៅទីនេះ បារ៍កន្ទុយក្ងោកអន្ទងចិត្ដភ្ញៀវឲ្យមក ទស្សនាទិដ្ឋភាពទីក្រុងនាពេលរាត្រី និងភ្លក្សភេសជ្ជៈ ក្រោមជំនោរត្រជាក់លើអាកាសវេហាស៍។
Sky Bar ម៉ូដកន្ទុយក្ងោកកណ្ដាលក្រុងនេះ មិនត្រឹមតែមានភេសជ្ជៈស្រាក្រឡុកពេញនិយម Pretty Moon រំលេចពណ៌បៃតងក្នុងបំពង់កែវវែងចំណុះ ៣ លីត្រ មានតម្លៃ ២៥ ដុល្លារនិង Five Color Syringe តម្លៃ ៨ ដុល្លារប៉ុណ្ណោះទេ តែវាក៏សម្បូរទៅដោយម្ហូបអាហារចាប់ពីម្ហូបខ្មែរ ចិន និងអឺរ៉ុប ដែលចម្អិនចេញពីផ្ទះបាយភោជនីយដ្ឋាននៅជាន់ទី ២។
លោក សីហា បានឲ្យដឹងថា៖ «នៅទីនេះ អតិថិជនកោតសរសើរចំពោះរសជាតិ Lamb Chop (ឆ្អឹងជំនីរ កូនចៀម តម្លៃ ១២,៥០ ដុល្លារ) ធូរថ្លៃ និងមានរសជាតិឆ្ងាញ់»។ នៅមិនឆ្ងាយពីតំបន់កម្សាន្ដផ្សាររាត្រី ផាប់ស្ទ្រីត The Moon Sky Bar បើកពីម៉ោង ៥ ល្ងាចដល់ម៉ោង ២ រំលងអាធ្រាត្រ ទូរស័ព្ទ ០១៧ ៩៩៩ ០២៣៕