កាលពីថ្ងៃទី១៤ ខែមិនាម្សិលមិញនេះ ពលរដ្ឋប្រមាណជា១០គ្រួសារមកពីខេត្តកំពង់ស្ពឺ បានមកប្រមូលផ្តុំគ្នានៅមុខវិមានរដ្ឋសភាធ្វើការថ្លែងសារជូនដល់លោកនាយករដ្ឋមន្ត្រីដើម្បីទាមទារឲ្យមានការដោះលែងពលរដ្ឋពីរនាក់ដែលបានចាប់ខ្លួនកាលពីថ្ងៃទី១១ខែមិនា ។ ពលរដ្ឋនៅភូមិថ្មី ឃុំតាំងសំរោង ស្រុកភ្នំស្រួច ខេត្តកំពង់ស្ពឺបានចោទថាអាជ្ញាធរបានឃុបឃិតជាមួយនឹងឈ្មួញធ្វើការវាស់វែងដីរបស់ពួកគាត់ តាមការឲ្យដឹងពីពលរដ្ឋមកតវ៉ា ពួកគាត់បានលើកឡើងថា ទោះជាយ៉ាងណាបន្ទាប់ពីមានការវាស់វែងពីនិស្សិតរួច ពួកគាត់បានសួរនាំអាជ្ញាធរ ប៉ុន្តែអាជ្ញាធរមិនបានអើពើរ ហើយបែរជាចុះហត្ថលេខាផ្តល់ដីទាំងនោះទៅឈ្មួញទៅវិញ។ ដោយឡែកបន្ទាប់ពីការតវ៉ាបានប៉ុន្មានម៉ោង លោកនាយករដ្ឋមន្ត្រី ហ៊ុន សែន បានសរសេរលើហ្វេសបុករបស់លោកថា៖ លោកបានប្រាប់ឲ្យកូនប្រុសទាំងពីររបស់លោកទៅពិនិត្រលើបញ្ហានេះ និង ស្នើសុំឲ្យតុលាការខេត្តកំពង់ស្ពឺដោះលែងពលរដ្ឋទាំងពីរ ឫក៏ចាប់កូនលោកដាក់ពន្ធនាគារជំនួស។