សាលាបឋមសិក្សាចំណេះដឹងទូទៅអន្តរជាតិហ្សាម៉ាន់ ត្រៀមបើកបវេសនកាលថ្មីរបស់ខ្លួន នៅថ្ងៃទី ៥ ខែកញ្ញាខាងមុខនេះ បើទោះបីជាមានសំណើពីស្ថានទូតតួគីទៅរដ្ឋាភិបាលកម្ពុជាឲ្យបិទ ដោយសំអាងថាមានជាប់ពាក់ព័ន្ធនិងការធ្វើរដ្ឋប្រហារនៅតួកគីកាលពីពេលកថ្មីៗកន្លងទៅក៏ដោយ។ លោក អ៊ីសា អាន ទេព្លី នាយកផ្នែកបឋមសិក្សាចំណេះដឹងទូទៅនៃសាលាអន្តរជាតិហ្សាម៉ាន់ បានថ្លែងប្រាប់អ្នកសារព័ត៌មាន កាលពីថ្ងៃទី២៥ ខែកក្កដា ឆ្នាំ២០១៦ថា សាលានេះបានបើកដំណើរការនៅកម្ពុជាជាង២០ឆ្នាំមកហើយ ហើយសុទិដ្ឋិនិយមទៅលើការបើកបវេសនកាលថ្មីខាងមុខ ដោយហេតុផលថាសាលានេះជាសាលាកម្ពុជា មិនមែនសាលាតួកគីឡើយ។