មណ្ឌលគិរី: មានទីតាំងនៅក្បែរប៉ុស្ដិ៍ ៧ ជាច្រកចេញចូលព្រំដែន រវាងប្រទេស កម្ពុជា និងវៀតណាម ទឹកធ្លាក់ដ៏ស្រស់ស្អាតដែលលាក់ខ្លួនក្នុងដីចម្ការដំណាំកៅស៊ូរាប់ពាន់ហិកតា ទើបត្រូវបានរកឃើញថ្មីសន្លាងរហូតដល់មន្ដ្រីមន្ទីរទេសចរណ៍មិនទាន់ទៅដល់នៅឡើយ។ អូរដាំកន ជាឈ្មោះទឹកធ្លាក់កម្ពស់ប្រមាណជា ៨ ម៉ែត្រ ដែលហូរចែកជាពីរ មួយទំហំមុខកាត់ប្រមាណជា ៨ ម៉ែត្រ និងមួយទៀតមានទទឹងតែ ២ ម៉ែត្រប៉ុណ្ណោះដែលស្ថិតក្នុងឃុំប៊ូស្រា ស្រុកពេជ្រាដា។