ជម្លោះផ្ទះសំបែងរបស់សហគមន៍បុរីកីឡាបានកម្រើកឡើងវិញបន្ទាប់ពីស្ងាត់មួយរយៈ។ ក្រុមអ្នកតវ៉ាបុរីកីឡាមានគ្នាប្រមាណ ២០នាក់ បានប្រមូលផ្ដុំជាជួរនៅម្ដុំអគារបុរីកីឡា ដើម្បីធ្វើការដង្ហែក្បួនក្នុងគោលបំណងទៅធ្វើការបន់ស្រន់នៅព្រះអង្គដងកើ សុំឲ្យលោកជួយបន្ទន់ចិត្តរាជរដ្ឋាភិបាល ក៏ដូចជាក្រុមហ៊ុន ក្នុងការពន្លឿនការដោះស្រាយវិវាទនៅបុរីកីឡាឲ្យបានឆាប់រួចរាល់។ លោកស្រី ភោគ សុភីន តំណាងសហគមន៍បុរីកីឡា១៥ គ្រួសារដែលមិនទានទទួលបានសំណងបានអះអាងថា លោកស្រីមានមានលិខិតស្នាមគ្រប់គ្រាន់ ប៉ុន្តែលោកស្រីមិនទាន់បានទទួលសំណងនៅឡើយទេ។