ការរាលដាលនៃការទាមទារប្រាក់ខែគោល អប្បមា ១៦០ដុល្លារអាមេរិកនៅទូទាំងប្រទេសបានផ្ទុះ ឡើងបន្តគ្នា និងបាតុកម្មទាមទារឲ្យមានការបោះឆ្នោតឡើងវិញរបស់គណបក្សប្រឆាំងកាលពី៦ខែមុនបានរុញច្រានការអត់ធ្មត់របស់គណបក្សកាន់អំណាចចេញពីដែនកំណត់របស់ខ្លួន។
ការផ្ទុះហិង្សាបានបង្កឲ្យមនុស្ស យ៉ាងហោចណាស់ ៤នាក់បានបាត់បង់ជីវិត កម្មករម្នាក់ទៀតបាត់ខ្លួន និង ២៣ នាក់ត្រូវបានចាប់ខ្លួន។ ទោះជាពួកគេក្រោយមកត្រូវបានដោះលែងឲ្យនៅក្រៅឃុំក៏ដោយ តែនេះគ្រាន់តែជាការពន្យារនៃការទាមទាមួយរយៈប៉ុណ្ណោះ។