ពលរដ្ឋភាគច្រើនក្នុងចំណោម ៣២៩ គ្រួសារ រស់នៅក្នុងភូមិចំនួន ៧ បានបដិសេធទទួលយកដំណោះស្រាយរបស់អន្តរក្រសួងលើការអាស្រ័យផលលើដីនៅតំបន់ចម្ការបារាំង ក្នុងឃុំទួលព្រេជ ស្រុកអង្គស្នួល ខេត្តកណ្តាល ដែលសម្រេចផ្តល់ឱ្យ ១ ១០០ ដុល្លារ ចំពោះការដាំដំណាំលើដី ១ ហិកតា និងផ្ដល់ឱ្យតែ ៤ ឆ្នាំទៅមុខ។ ប៉ុន្តែមានពលរដ្ឋខ្លះ ព្រមយកសំណងនេះ ថ្វីបើភាគច្រើននៅប្រកាន់ជំហរបន្តតវ៉ាទៀតក្ដី។